IPL 2023 Auction: ಆರ್​ಸಿಬಿ ಹತ್ರ ಇರೋದು ಇಷ್ಟೇ ಹಣ! ಇನ್ನುಳಿದ ತಂಡಗಳ ಬಳಿ ಎಷ್ಟಿದೆ ? ಇನ್ನೇಷ್ಟು ಆಟಗಾರರು ಬೇಕು ನೋಡಿ

ಐಪಿಎಲ್​ 16ನೇ ಆವೃತ್ತಿಯ ಹರಾಜಿಗೆ ಕ್ಷಣಗಣನೆ ಆರಂಭವಾಗಿದೆ. ಈ ಬಾರಿ ಹರಾಜಿನಲ್ಲಿ 273 ಭಾರತೀಯ ಹಾಗೂ 132 ವಿದೇಶಿ ಆಟಗಾರರು ಸೇರಿದಂತೆ ಒಟ್ಟು 405 ಆಟಗಾರರು ಅಂತಿಮ ಹರಾಜಿನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಈ ಮೆಗಾ ಹಾರಜು ನಾಳೆ ಕೊಚ್ಚಿಯಲ್ಲಿ ಭಾರತೀಯ ಕಾಲಮಾನ ಮಧ್ಯಾಹ್ನ 2:30ಕ್ಕೆ ಆರಂಭವಾಗಲಿದೆ. ಈಗಾಗಲೇ ಈ ಹರಾಜಿಗೆ ಬಿಸಿಸಿಐ ಭರ್ಜರಿ ಸಿದ್ಧತೆ ನಡೆಸಿದ್ದು, ಯಾವ ಆಟಗಾರರು ಯಾವ ತಂಡವನ್ನು ಸೇರಿಕೊಳ್ಳಲಿದ್ದಾರೆ ಎಂದು ಕಾದುನೋಡಬೇಕಿದೆ.

ಸನ್‌ರೈಸರ್ಸ್ ಹೈದರಾಬಾದ್: ಉಳಿಸಿಕೊಳ್ಳುವ ಪ್ರಕ್ರಿಯೆಯ ನಂತರ ಸನ್‌ರೈಸರ್ಸ್ ಹೈದರಾಬಾದ್ ಅತಿ ಹೆಚ್ಚು ಹಣಗಳನ್ನು ಹೊಂದಿದೆ. ವಿಲಿಯಮ್ಸನ್ ಮತ್ತು ನಿಕೋಲಸ್ ಪೂರನ್ ಅವರಂತಹ ವಿದೇಶಿ ಆಟಗಾರರನ್ನು ಬಿಡುಗಡೆ ಮಾಡಿದ ನಂತರ ಸನ್ ರೈಸರ್ಸ್ ಹೈದರಾಬಾದ್ ತಂಡವು 42.25 ಕೋಟಿ ರೂ. ಇದ್ದು, ತಂಡದಲ್ಲಿ 4 ವಿದೇಶಿ ಆಟಗಾರರನ್ನು ಖರೀದಿಸಬಹುದು.

ಪಂಜಾಬ್ ಕಿಂಗ್ಸ್: ಪಂಜಾಬ್ ಕಿಂಗ್ಸ್ ತಂಡ ಕಳೆದ ಋತುವಿನ ನಾಯಕ ಮಯಾಂಕ್ ಅಗರ್ವಾಲ್ ಅವರನ್ನು ಬಿಡುಗಡೆ ಮಾಡಿದೆ. ಆ ಬಳಿಕ ತಂಡದ ಪರ್ಸ್ ನಲ್ಲಿ 32.20 ಕೋಟಿ ಇದೆ. ಮೂರು ವಿದೇಶಿ ಆಟಗಾರರ ಸ್ಲಾಟ್‌ಗಳು ಉಳಿದಿದ್ದು, 9 ಆಟಗಾರರನ್ನು ಖರೀದಿಸಬಹುದು.

ಲಕ್ನೋ ಸೂಪರ್ ಜೈಂಟ್ಸ್: ಕೆಎಲ್ ರಾಹುಲ್ ತಂಡದಲ್ಲಿ ಈಗ ವಿದೇಶಿ ಆಟಗಾರರ 4 ಸ್ಥಾನಗಳು ಖಾಲಿ ಇವೆ. ತಂಡದ ಪರ್ಸ್ ಮೌಲ್ಯ 23.35 ಕೋಟಿ ಇದೆ. ಅಲ್ಲದೇ 10 ಆಟಗಾರರನ್ನು ಖರೀದಿಸಬಹುದು.

ಮುಂಬೈ ಇಂಡಿಯನ್ಸ್: ಐದು ಬಾರಿಯ ಚಾಂಪಿಯನ್ ಮುಂಬೈ ಇಂಡಿಯನ್ಸ್ 20.55 ಕೋಟಿ ರೂ. ಉಳಿದಿದೆ. ರೋಹಿತ್ ತಂಡದಲ್ಲಿ ಈಗ ವಿದೇಶಿ ಆಟಗಾರರ 3 ಸ್ಥಾನ  ಸೇರಿ ಒಟ್ಟು 9 ಆಟಗಾರರನ್ನು ಖರೀದಿಸಬಹುದು.

ಡೆಲ್ಲಿ ಕ್ಯಾಪಿಟಲ್ಸ್: ಪ್ರಮುಖ ಆಟಗಾರ ಶಾರ್ದೂಲ್ ಠಾಕೂರ್ ಅವರನ್ನು ಬಿಡುಗಡೆ ಮಾಡಿದ ನಂತರ 19.45 ಕೋಟಿ ಉಳಿದಿದೆ. ಇಬ್ಬರು ವಿದೇಶಿ ಆಟಗಾರರಿಗೆ ಸ್ಥಳವಿದ್ದು, ಒಟ್ಟು 5 ಆಟಗಾರರನ್ನು ಖರೀದಿಸಬಹುದು.

ಗುಜರಾತ್ ಟೈಟಾನ್ಸ್: ಐಪಿಎಲ್ 2022ರ ವಿಜೇತ ತಂಡ ಗುಜರಾತ್ ಟೈಟಾನ್ಸ್ ಪ್ರಮುಖ ಆಟಗಾರರಾದ ಫರ್ಗುಸನ್ ಮತ್ತು ರಹಮಾನುಲ್ಲಾ ಗುರ್ಬಾಜ್ ಅವರನ್ನು ಕೈಬಿಟ್ಟಿದೆ. ಈ ತಂಡದ ಬಳಿ ಉಳಿದಿದ್ದು 19.25 ಕೋಟಿ. ಈಗ ತಂಡದಲ್ಲಿ 3 ಓವರ್ಸೀಸ್ ಸ್ಲಾಟ್‌ಗಳಿವೆ. ಜೊತೆಗೆ 7 ಆಟಗಾರರನ್ನು ಖರೀದಿಸಬಹುದು.

ಚೆನ್ನೈ ಸೂಪರ್ ಕಿಂಗ್ಸ್: ಸಿಎಸ್​ಕೆ ತಂಡವು ಕ್ರಿಸ್ ಜೋರ್ಡಾನ್ ಮತ್ತು ಆಡಮ್ ಮಿಲ್ನೆ ಅವರಂತಹ ಆಟಗಾರರನ್ನು ತೊರೆದಿದೆ. ಇದರೊಂದಿಗೆ ತಂಡದ ಪರ್ಸ್ ಮೌಲ್ಯ 20.45 ಕೋಟಿಗೆ ತಲುಪಿದೆ. ಈಗ ಈ ತಂಡ ಇಬ್ಬರು ವಿದೇಶಿ ಆಟಗಾರರ ಜೊತೆಗೆ 7 ಆಟಗಾರರನ್ನು ಖರೀದಿಸಬಹುದು.

ರಾಜಸ್ಥಾನ್ ರಾಯಲ್ಸ್: ಐಪಿಎಲ್ 2022ರ ರನ್ನರ್ ಅಪ್ ರಾಜಸ್ಥಾನ್ ರಾಯಲ್ಸ್ ತಂಡದ ಪರ್ಸ್ ಮೌಲ್ಯ ಈಗ 13.20 ಕೋಟಿ ಇದೆ. ಈ ತಂಡದಲ್ಲಿ ಈಗ ನಾಲ್ವರು ವಿದೇಶಿ ಆಟಗಾರರಿನ್ನು ಹೊಸದಾಗಿ ಕೊಂಡುಕೊಳ್ಳಬಹುದು. ಅಲ್ಲದೇ  9 ಆಟಗಾರರನ್ನು ಖರೀದಿಸಬಹುದು.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು: ಆರ್‌ಸಿಬಿ ತಂಡದಲ್ಲಿ ಉಳಿದಿರುವುದು ಕೇವಲ 8.75 ಕೋಟಿ. ಈ ತಂಡದಲ್ಲಿ ಇಬ್ಬರು ಓವರ್ಸೀಸ್ ಸ್ಲಾಟ್‌ಗಳು ಉಳಿದಿವೆ.  7 ಆಟಗಾರರನ್ನು ಖರೀದಿಸಬಹುದು.

ಕೋಲ್ಕತ್ತಾ ನೈಟ್ ರೈಡರ್ಸ್: ಕೆಕೆಆರ್ ತಂಡ ಎಲ್ಲಾ ತಂಡಗಳಲ್ಲಿ ಕೊನೆಯ ಸ್ಥಾನದಲ್ಲಿದೆ. ಈ ತಂಡ ಕನಿಷ್ಠ 7.05 ಕೋಟಿ ಮಾತ್ರ ಹೊಂದಿದೆ. ಈ ತಂಡದಲ್ಲಿ ಈಗ ಮೂವರು ವಿದೇಶಿ ಆಟಗಾರರಿದ್ದಾರೆ. ಬರೋಬ್ಬರಿ 11 ಆಟಗಾರರನ್ನು ಖರೀದಿಸಬಹುದು.