IPL 2023 Mini Auction: ನೀವು ಜಿಯೋ ಸಿಮ್ ಬಳಸುತ್ತಿದ್ದೀರಾ? ಹಾಗಿದ್ರೆ ಐಪಿಎಲ್ ಹರಾಜನ್ನು ಉಚಿತವಾಗಿ ವೀಕ್ಷಿಸಿ!

ಐಪಿಎಲ್ 2023ರ 16ನೇ ಋತುವಿನ ಮಿನಿ ಹರಾಜಿಗೆ ವೇದಿಕೆ ಸಜ್ಜಾಗಿದೆ. ನಾಳೆ ಕೊಚ್ಚಿಯಲ್ಲಿ ಮಿನಿ ಹರಾಜು ನಡೆಯಲಿದೆ. ಈ ಹರಾಜಿಗೆ ಎಲ್ಲಾ ಪ್ರಾಂಚೈಸಿಗಳು ಭರ್ಜರಿಯಾಗಿ ರೆಯಾಗಿದ್ದು, ನಾಳೆ ಯಾವ ತಂಡಗಳಿಗೆ ಯಾವ ಆಟಗಾರರು ಸೇರಲಿದ್ದಾರೆ ಎಂದು ನೊಡಬೇಕಿದೆ.

ಈ ಬಾರಿಯ ಹರಾಜಿನಲ್ಲಿ 405 ಆಟಗಾರರು ಅದೃಷ್ಟ ಪರೀಕ್ಷೆಗಿಳಿಯಲಿದ್ದಾರೆ. ಇದರಲ್ಲಿ 273 ಭಾರತೀಯ ಆಟಗಾರರು ಮತ್ತು 132 ವಿದೇಶಿ ಆಟಗಾರರು. ಮಿನಿ ಹರಾಜಿನಲ್ಲಿ ಒಟ್ಟು 991 ಆಟಗಾರರು ತಮ್ಮ ಹೆಸರನ್ನು ನೋಂದಾಯಿಸಿಕೊಂಡಿದ್ದಾರೆ. ಆದಾಗ್ಯೂ, ಫ್ರಾಂಚೈಸಿಗಳು ತಮ್ಮ ಸಂಖ್ಯೆಯನ್ನು 405ಕ್ಕೆ ಇಳಿಸಿದವು.

ಐಪಿಎಲ್‌ನಲ್ಲಿ 10 ಫ್ರಾಂಚೈಸಿಗಳು ಸೇರಿದಂತೆ 87 ಸ್ಲಾಟ್‌ಗಳು ಖಾಲಿ ಇವೆ. ಅಂದರೆ ಡಿಸೆಂಬರ್ 23ರ ಹರಾಜಿನಲ್ಲಿ 405 ಆಟಗಾರರ ಪೈಕಿ ಗರಿಷ್ಠ 87 ಆಟಗಾರರನ್ನು ಮಾತ್ರ ಖರೀದಿಸಬಹುದಾಗಿದೆ. ಒಟ್ಟು 405 ಶಾರ್ಟ್‌ಲಿಸ್ಟ್ ಆಟಗಾರರನ್ನು 5 ಸೆಟ್‌ಗಳಾಗಿ ವಿಂಗಡಿಸಲಾಗಿದೆ.

ಮೊದಲ ಸೆಟ್‌ನಲ್ಲಿ ಬ್ಯಾಟ್ಸ್‌ಮನ್‌ಗಳಿದ್ದರೆ, ಎರಡನೇ ಸೆಟ್‌ನಲ್ಲಿ ಆಲ್‌ರೌಂಡರ್‌ಗಳಿದ್ದರು. ಮೂರನೇ ಸೆಟ್‌ನಲ್ಲಿ ವಿಕೆಟ್ ಕೀಪರ್‌ಗಳನ್ನು ಸೇರಿಸಲಾಗಿದೆ. ನಾಲ್ಕನೇ ಸೆಟ್‌ನಲ್ಲಿ ವೇಗದ ಬೌಲರ್‌ಗಳನ್ನು ಮತ್ತು ಐದನೇ ಸೆಟ್‌ನಲ್ಲಿ ಸ್ಪಿನ್ನರ್‌ಗಳನ್ನು ಸೇರಿಸಲಾಗಿದೆ. ಈ ಮಿನಿ ಹರಾಜು ಡಿಸೆಂಬರ್ 23 ರಂದು (ಗುರುವಾರ) ಮಧ್ಯಾಹ್ನ 2.30 ಕ್ಕೆ ಪ್ರಾರಂಭವಾಗಲಿದೆ. ಅಭಿಮಾನಿಗಳು ಈ ಮಿನಿ ಹರಾಜನ್ನು ಉಚಿತವಾಗಿ ವೀಕ್ಷಿಸಬಹುದು.

ಟಿವಿಯಲ್ಲಿ ವೀಕ್ಷಿಸಲು ಬಯಸುವವರು ಸ್ಟಾರ್ ಸ್ಪೋರ್ಟ್ಸ್ ನೆಟ್‌ವರ್ಕ್ ಚಾನೆಲ್‌ನಲ್ಲಿ ಮಿನಿ ಹರಾಜನ್ನು ಲೈವ್ ಆಗಿ ವೀಕ್ಷಿಸಬಹುದು. ಆದರೆ ಹಾಟ್ ಸ್ಟಾರ್ ಲೈವ್ ಈ ಬಾರಿ ಡಿಜಿಟಲ್ ಪ್ರಸಾರ ಮಾಡುತ್ತಿಲ್ಲ.

ಡಿಜಿಟಲ್ ಪ್ಲಾಟ್‌ಫಾರ್ಮ್ ಜಿಯೋ ಸಿನಿಮಾ ಈ ಮಿನಿ ಹರಾಜನ್ನು ನೇರ ಪ್ರಸಾರ ಮಾಡುತ್ತದೆ. ಒಂದು ರೂಪಾಯಿ ಪಾವತಿಸದೆ ಮಿನಿ ಹರಾಜನ್ನು ಲೈವ್ ಆಗಿ ವೀಕ್ಷಿಸಬಹುದು. Jio ಸಿನಿಮಾ ಅಪ್ಲಿಕೇಶನ್ ಡೌನ್​ಲೋಡ್​ ಮಾಡಿದ ನಂತರ Jio ರಿಜಿಸ್ಟರ್ ಮೊಬೈಲ್ ಸಂಖ್ಯೆಯ ಮೂಲಕ ಲಾಗಿನ್ ಮಾಡಿ, ಯಾವುದೇ ಚಂದಾದಾರಿಕೆಯನ್ನು ಪಾವತಿಸುವ ಅಗತ್ಯವಿಲ್ಲ.

FIFA ವರ್ಲ್ಡ್ ಕಪ್ 2022 ಭಾರತದಲ್ಲಿ ಜಿಯೋ ಸಿನಿಮಾದಿಂದ ಡಿಜಿಟಲ್ ಟೆಲಿಕಾಸ್ಟ್ ಮಾಡಲಾಗಿತ್ತು. ಫಿಫಾ ವಿಶ್ವಕಪ್ ಪಂದ್ಯಗಳನ್ನು ಟಿವಿಗಿಂತ ಜಿಯೋ ಸಿನಿಮಾ ಆ್ಯಪ್ ಮೂಲಕ ಹೆಚ್ಚು ಭಾರತೀಯರು ವೀಕ್ಷಿಸುತ್ತಿದ್ದಾರೆ ಎಂಬುದು ಗಮನಾರ್ಹ.

ಜಿಯೋ ಸಿನಿಮಾ ಮೂಲಕ 11 ಕೋಟಿಗೂ ಹೆಚ್ಚು ಭಾರತೀಯರು ಫುಟ್ಬಾಲ್ ವಿಶ್ವಕಪ್ ಕದನವನ್ನು ವೀಕ್ಷಿಸಿದ್ದಾರೆ. ಮುಂದಿನ ವರ್ಷದ ಐಪಿಎಲ್ ಕೂಡ ಜಿಯೋ ಸಿನಿಮಾದಲ್ಲಿ ನೇರ ಪ್ರಸಾರವಾಗಲಿದೆ.