IPL 2023: 10ನೇ ಸ್ಥಾನಕ್ಕೆ ಕುಸಿದ ಆರ್​ಸಿಬಿ, ಕಪ್​ ಅಲ್ಲಾ ಈ ಪ್ರಶಸ್ತಿ ಸಹ ಸಿಗೋದು ಡೌಟ್​ ಅಂದ್ರು ಫ್ಯಾನ್ಸ್!

ಧನಾಧನ್ ಲೀಗ್ 2008ರಲ್ಲಿ ಇಂಡಿಯನ್ ಪ್ರೀಮಿಯರ್ ಲೀಗ್ ಇಂದಿನವರೆಗೂ ತಮ್ಮ ಕ್ರೇಜ್​ನ್ನು ಕಳದುಕೊಂಡಿಲ್ಲ. ಮೊದಲ ಸೀಸನ್‌ನಿಂದ ಇಲ್ಲಿಯವರೆಗೆ ಐಪಿಎಲ್ ಸೀಸನ್‌ನಿಂದ ಸೀಸನ್‌ಗೆ ತನ್ನ ಜನಪ್ರಿಯತೆಯನ್ನು ಹೆಚ್ಚಿಸಿಕೊಳ್ಳುತ್ತಿದೆ.

ಪ್ರತಿ ಋತುವಿನಲ್ಲಿ ಹೊಸ ದಾಖಲೆಗಳನ್ನು ನಿರ್ಮಿಸುವುದು ಮತ್ತು ಮುಂದಿನ ಋತುವಿನಲ್ಲಿ ಅವುಗಳನ್ನು ಮುರಿಯುವುದು ಐಪಿಎಲ್​ನಲ್ಲಿ ಸಾಮಾನ್ಯವಾಗಿದೆ. ಜೊತೆಗೆ ಐಪಿಎಲ್ ನಲ್ಲಿ ವಿನ್ನರ್ಸ್ ಟ್ರೋಫಿ ಜೊತೆಗೆ ಮತ್ತೊಂದು ಪ್ರಶಸ್ತಿ ನೀಡುವುದು ವಾಡಿಕೆಯಾಗಿದೆ.

ಸ್ಪಿರಿಟ್ ಆಫ್ ಕ್ರಿಕೆಟ್​ನ್ನು ಎತ್ತಿಹಿಡಿಯುವ ಭಾಗವಾಗಿ, ಐಪಿಎಲ್ ಋತುವಿನ ಆರಂಭದಿಂದಲೇ 'ಫೇರ್ ಪ್ಲೇ' ಪ್ರಶಸ್ತಿಯನ್ನು ಐಪಿಎಲ್‌ನ ಭಾಗವಾಗಿ ಮಾಡಲಾಯಿತು. ಎದುರಾಳಿಗಳ ಜೊತೆ ಸೌಜನ್ಯದಿಂದ ವರ್ತಿಸುವುದು ಇದರ ಉದ್ಧೇಶವಾಗಿತ್ತು.

ಪ್ರತಿ ಪಂದ್ಯದ ನಂತರ, ಅಂಪೈರ್‌ಗಳು ಎರಡೂ ತಂಡಗಳ ಆಟಗಾರರ ವರ್ತನೆಯ ಆಧಾರದ ಮೇಲೆ ಫೇರ್ ಪ್ಲೇ ಪಾಯಿಂಟ್‌ಗಳನ್ನು ನೀಡುತ್ತಾರೆ. ಋತುವಿನ ಕೊನೆಯಲ್ಲಿ, ಹೆಚ್ಚು ಫೇರ್ ಪ್ಲೇ ಪಾಯಿಂಟ್‌ಗಳನ್ನು ಹೊಂದಿರುವ ತಂಡಕ್ಕೆ 'ಫೇರ್ ಪ್ಲೇ' ಪ್ರಶಸ್ತಿಯನ್ನು ನೀಡಲಾಗುತ್ತದೆ.

ಆದರೆ ಕೆಲವೊಮ್ಮೆ ಆಟಗಾರರು ಆಟದಲ್ಲಿ ಆಕ್ರಮಣಕಾರಿಯಾಗಿರುತ್ತಾರೆ. ಆದರೆ ಇದು ಎಲ್ಲಿಯವರೆಗೆ ಮಿತಿ ಮೀರುವುದಿಲ್ಲವೋ ಅಲ್ಲಿಯವರೆಗೆ ಓಕೆ. ಆದರೆ ಇತ್ತೀಚೆಗೆ ಆಟಗಾರರು ಮಿತಿಯನ್ನು ಮೀರುತ್ತಿದ್ದಾರೆ. ವಿರಾಟ್ ಕೊಹ್ಲಿ vs ಗೌತಮ್ ಗಂಭೀರ್ ಮತ್ತು ನವೀನ್ ಉಲ್ ಹಕ್ ಮುಖಾಮುಖಿ ಈ ಋತುವಿನ ಅತಿ ದೊಡ್ಡ ಕ್ಲ್ಯಾಶ್​ ಆಗಿದೆ.

ಈ ಹೋರಾಟದ ನಂತರ, ಅನೇಕ ಅಭಿಮಾನಿಗಳು 'ಫೇರ್ ಪ್ಲೇ' ಪ್ರಶಸ್ತಿಯನ್ನು ತೆಗೆದುಹಾಕಿ. ಇದರಿಂದ ಯಾವುದೇ ಪ್ರಯೋಜನವಿಲ್ಲ ಎಂದೆಲ್ಲಾ ಹೇಳುತ್ತಿದ್ದಾರೆ. ಇತ್ತೀಚೆಗಷ್ಟೇ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧದ ಮತ್ತೊಂದು ಪಂದ್ಯದಲ್ಲಿ ಸಿರಾಜ್ ಫಿಲ್ ಸಾಲ್ಟ್ ಜತೆ ಜಗಳವಾಡಿದ್ದರು.

2013ರ ಐಪಿಎಲ್‌ನಲ್ಲಿ ನಡೆದ ಸ್ಪಾಟ್ ಫಿಕ್ಸಿಂಗ್ ಕ್ರಿಕೆಟ್ ಜಗತ್ತನ್ನು ಬೆಚ್ಚಿಬೀಳಿಸಿತ್ತು. ಆಗಲೂ ‘ಫೇರ್ ಪ್ಲೇ’ ಪ್ರಶಸ್ತಿ ಬಗ್ಗೆ ಟೀಕೆ ವ್ಯಕ್ತವಾಗಿತ್ತು. ಅದರೊಂದಿಗೆ, ಆ ಋತುವಿನಲ್ಲಿ 'ಫೇರ್ ಪ್ಲೇ ಅವಾರ್ಡ್' ಅನ್ನು ಬದಿಗಿರಿಸಲಾಯಿತು.

ಇದೀಗ ಅನೇಕ ಅಭಿಮಾನಿಗಳು ಐಪಿಎಲ್ ತಾರಾಬಳಗವು ಬಿಗ್ ಬಾಸ್ ರಿಯಾಲಿಟಿ ಶೋ ಅನ್ನು ಹೋಲುತ್ತದೆ ಎಂದು ಹೇಳುತ್ತಿದ್ದಾರೆ. ಬಿಗ್‌ಬಾಶ್‌ ಕಾರ್ಯಕ್ರಮದಲ್ಲೂ ಸ್ಪರ್ಧಿಗಳ ನಡುವೆ ಜಗಳಗಳು ನಡೆಯುತ್ತದೆ. ಅದೇ ರೀತಿ ಐಪಿಎಲ್‌ನಲ್ಲಿ ಆಟಗಾರರು ಜಗಳವಾಡುತ್ತಿದ್ದಾರೆ ಎಂದು ಅಭಿಮಾನಿಗಳು ದೂರುತ್ತಿದ್ದಾರೆ.

ಇಂತಹ ಸಂದರ್ಭಗಳಲ್ಲಿ ‘ಫೇರ್ ಪ್ಲೇ’ ಪ್ರಶಸ್ತಿ ಕೊಡುವ ಅಗತ್ಯವಿಲ್ಲ ಎಂಬ ಅಭಿಪ್ರಾಯವನ್ನೂ ವ್ಯಕ್ತಪಡಿಸುತ್ತಿದ್ದಾರೆ. ಕೊಹ್ಲಿ ಮತ್ತು ಗಂಭೀರ್ ನಡುವಿನ ಕಾದಾಟದ ನಂತರ ಈ ರೀತಿಯ ಮಾತುಗಳು ಕೇಳಿಬರುತ್ತಿದೆ.

ಈ ಬಾರಿಯ ಫೇರ್ ಪ್ಲೇ ಪ್ರಶಸ್ತಿ ಪಟ್ಟಿ ನೋಡುವುದಾದರೆ, ಮೊದಲ ಸ್ಥಾನದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಇದೆ. ಆದರೆ ಆರ್​ಸಿಬಿ ತಂಡ ಕೊನೆಯ 10ನೇ ಸ್ಥಾನದಲ್ಲಿದೆ. ಇದು ಅಭಿಮಾನಿಗಳ ಬೇಸರಕ್ಕೆ ಕಾರಣವಾಗಿದೆ. ಪಟ್ಟಿ ನೋಡುವುದಾದರೆ, 1. ಡೆಲ್ಲಿ ಕ್ಯಾಫಿಟಲ್ಸ್, 2. ಗುಜರಾತ್ ಟೈಟನ್ಸ್, 3. ಸನ್​ರೈಸರ್ಸ್​ ಹೈದರಾಬಾದ್, 4. ಚೆನ್ನೈ ಸೂಪರ್​ ಕಿಂಗ್ಸ್, 5. ಪಂಜಾಬ್​ ಕಿಂಗ್ಸ್, 6. ಲಕ್ನೋ ಸೂಪರ್ ಜೈಂಟ್ಸ್​, 7. ಮುಂಬೈ ಇಂಡಿಯನ್ಸ್, 8. ರಾಜಸ್ಥಾನ್​ ರಾಯಲ್ಸ್, 9. ಕೋಲ್ಕತ್ತಾ ನಯಟ್​ ರೈಡರ್ಸ್​ ಮತ್ತು 10ನೇ ಸ್ಥಾನದಲ್ಲಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರಿದೆ.