IPL 2023: ಪಂದ್ಯದ ಸ್ವರೂಪವನ್ನು ಬದಲಿಸಲಿದೆ ಈ ನಿಯಮ, ಐಪಿಎಲ್​ 2023ರಲ್ಲಿ ಬರಲಿದೆ ನ್ಯೂ ರೂಲ್ಸ್

ಟಿ20 ಮಾದರಿಯ ಪ್ರವೇಶದೊಂದಿಗೆ ಕ್ರಿಕೆಟ್‌ನ ರೂಪವೇ ಬದಲಾಗಿದೆ. ಅಲ್ಲಿಯವರೆಗೆ ಕ್ಲಾಸಿ ಕ್ರಿಕೆಟ್‌ ನೋಡುತ್ತಿದ್ದವರು ಒಮ್ಮೆಲೆ ಟಿ20 ಕ್ರಿಕೆಟ್​ನತ್ತ ಮುಖ ಮಾಡಿದರು. ಐಪಿಎಲ್ ಪ್ರವೇಶದೊಂದಿಗೆ, ಕ್ರಿಕೆಟ್ ಸಂಪೂರ್ಣವಾಗಿ ವಾಣಿಜ್ಯವಾಯಿತು.

ಭರ್ಜರಿ ಆಟವಾಡಿ ಅಭಿಮಾನಿಗಳನ್ನು ರಂಜಿಸುತ್ತಲೇ ಹಣದ ಮಳೆ ಸುರಿಸುತ್ತಿರುವ ಐಪಿಎಲ್, ಇದೀಗ ಟಿ20 ಮಾದರಿಯನ್ನು ಇನ್ನಷ್ಟು ರೋಚಕವಾಗಿಸಲು ಬಿಸಿಸಿಐ ಹೊಸ ಉಪಾಯವನ್ನು ಮಾಡಿದೆ. ಅದು 'ಇಂಪ್ಯಾಕ್ಟ್ ಪ್ಲೇಯರ್' ನಿಯಮ.

ಸರಳವಾಗಿ ಹೇಳುವುದಾದರೆ, ಬದಲಿ ಆಟಗಾರ ಎಂದು ಕರೆಯಬಹುದು. ಕ್ರಿಕೆಟ್‌ನಲ್ಲಿ ಬದಲಿ ನಿಯಮ ಈಗಾಗಲೇ ಅಸ್ತಿತ್ವದಲ್ಲಿದೆ. ಆದಾಗ್ಯೂ, ಕನ್ಕ್ಯುಶನ್ ಬದಲಿ ಆಟಗಾರನಿಗೆ ಮಾತ್ರ ಬ್ಯಾಟಿಂಗ್ ಮತ್ತು ಬೌಲಿಂಗ್ ಮಾಡಲು ಅವಕಾಶ ನೀಡಲಾಗುವುದು. ಒಬ್ಬ ಸಾಮಾನ್ಯ ಬದಲಿ ಆಟಗಾರನಿಗೆ ಫೀಲ್ಡಿಂಗ್ ಮಾಡುವ ಆಯ್ಕೆ ಮಾತ್ರ ಇರುತ್ತದೆ.

ಆದರೆ ಇಂಪ್ಯಾಕ್ಟ್​ ಪ್ಲೇಯರ್​ ನಿಯಮ ಸ್ವಲ್ಪ ವಿಭಿನ್ನವಾಗಿರುತ್ತದೆ. ಟಾಸ್ ಸಮಯದಲ್ಲಿ, ಎರಡೂ ತಂಡಗಳು ತಮ್ಮ 11 ಆಟಗಾರರ ಅಂತಿಮ ತಂಡವನ್ನು ಪ್ರಕಟಿಸುತ್ತವೆ ಮತ್ತು ಅಂಪೈರ್‌ಗಳಿಗೆ 4 ಹೆಚ್ಚಿನ ಆಟಗಾರರ ಪಟ್ಟಿಯನ್ನು ನೀಡಬೇಕಾಗುತ್ತದೆ. ಎರಡೂ ತಂಡಗಳು ತಮ್ಮ ಇಂಪ್ಯಾಕ್ಟ್​ ಪ್ಲೇಯರ್ ಪಟ್ಟಿಯಿಂದ ಒಬ್ಬ ಆಟಗಾರನನ್ನು ಅಂತಿಮ ತಂಡದಲ್ಲಿ ಸೇರಿಸಿಕೊಳ್ಳುವ ಆಯ್ಕೆಯನ್ನು ಹೊಂದಿವೆ. ಬ್ಯಾಟಿಂಗ್ ಜೊತೆಗೆ, ಆಟಗಾರನು ಬೌಲಿಂಗ್ ಮಾಡಲು ಸಾಧ್ಯವಾಗುತ್ತದೆ.

ಆದರೆ, ಇಂಪೆಕ್ಟ್​​ ಪ್ಲೇಯರ್​ನನ್ನು ಮೊದಲ 14 ಓವರ್‌ಗಳಲ್ಲಿ ಅಂತಿಮ ತಂಡಕ್ಕೆ ಸೇರಿಸಿಕೊಳ್ಳಬೇಕು. ಇದು ಎರಡೂ ಇನ್ನಿಂಗ್ಸ್‌ಗೆ ಅನ್ವಯಿಸುತ್ತದೆ. ಎರಡೂ ತಂಡಗಳು ಒಬ್ಬ ಆಟಗಾರನನ್ನು ಮಾತ್ರ ಬದಲಾಯಿಸಲು ಅನುಮತಿ ಇದೆ.

ಈ ಇಂಪ್ಯಾಕ್ಟ್ ಪ್ಲೇಯರ್ ಅನ್ನು 15 ರಿಂದ 20 ಓವರ್‌ಗಳ ನಡುವೆ ತೆಗೆದುಕೊಳ್ಳಲಾಗುವುದಿಲ್ಲ. ಇಂಪ್ಯಾಕ್ಟ್ ಪ್ಲೇಯರ್ ಅನ್ನು ಬಳಸುವಾಗ, ನಾಯಕನು ಫೀಲ್ಡ್ ಅಂಪೈರ್ ಅಥವಾ ನಾಲ್ಕನೇ ಅಂಪೈರ್‌ನೊಂದಿಗೆ ಮಾತನಾಡಬೇಕು. ಇದರ ಪರಿಣಾಮ ಒಮ್ಮೆ ನಿರ್ಗಮಿಸಿದ ಆಟಗಾರನಿಗೆ ಮತ್ತೆ ಬ್ಯಾಟಿಂಗ್ ಮತ್ತು ಬೌಲಿಂಗ್ ಮಾಡಲು ಅವಕಾಶವಿರುವುದಿಲ್ಲ. ಹೀಗಾಗಿ ಇಂಪ್ಟಕ್ಟ್​ ಪ್ಲೇಯರ್​ಗೆ ಸಂಪೂರ್ಣವಾಗಿ ಬೌಲ್ ಮಾಡಲು ಮತ್ತು ಬ್ಯಾಟಿಂಗ್ ಮಾಡಲು ಅವಕಾಶವಿರುತ್ತದೆ.

ಇಂಪೆಕ್ಟ್​ ಪ್ಲೇಯರ್​ ನಿಯಮದ ಮೂಲಕ ವಿದೇಶಿ ಆಟಗಾರನನ್ನು ಕಣಕ್ಕೆ ಇಳಿಸಬೇಕಾದರೆ ಟಾಸ್ ವೇಳೆ ಘೋಷಿಸಲಾದ ಅಂತಿಮ ತಂಡದಲ್ಲಿ ಕೇವಲ ಮೂವರು ವಿದೇಶಿ ಆಟಗಾರರಿರಬೇಕು. ಏಕೆಂದರೆ ಸದ್ಯದ ನಿಯಮಗಳ ಪ್ರಕಾರ 4 ವಿದೇಶಿ ಆಟಗಾರರಿಗೆ ಮಾತ್ರ ಅಂತಿಮ ತಂಡದಲ್ಲಿ ಆಡುವ ಅವಕಾಶವಿದೆ.