Virat Kohli: ಕಿಂಗ್‌ ಕೊಹ್ಲಿಗೆ ಕೈ ತಪ್ಪಿದ್ದೇಕೆ RCB ಕ್ಯಾಪ್ಟನ್ಸಿ? ವರ್ಷಗಳ ಬಳಿಕ ಬಾಯ್ಬಿಟ್ಟ ವಿರಾಟ್!

ಇಂಡಿಯನ್ ಪ್ರೀಮಿಯರ್ ಲೀಗ್ 2021 ರ ನಂತರ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ನಾಯಕತ್ವದಿಂದ ಕೊಹ್ಲಿ ಕೆಳಗಿಳಿದಿದ್ದರು. ವಿರಾಟ್ ಕೊಹ್ಲಿ ನಾಯಕತ್ವದಲ್ಲಿ, ಆರ್‌ಸಿಬಿ ತಂಡವು 2017 ರಲ್ಲಿ ಮತ್ತು 2019 ರಲ್ಲಿ ಐಪಿಎಲ್ ಪಾಯಿಂಟ್ ಪಟ್ಟಿಯಲ್ಲಿ ಕೊನೆಯ ಸ್ಥಾನದಲ್ಲಿತ್ತು. ಭಾರತೀಯ T20 ತಂಡದ ನಾಯಕತ್ವವನ್ನು ತೊರೆದ ನಂತರ, ಕೊಹ್ಲಿ 2021 ರ ಋತುವಿನಲ್ಲಿ RCB ನಾಯಕತ್ವವನ್ನು ಸಹ ತೊರೆದರು.

ಕೊಹ್ಲಿ ಬಳಿಕ ಅವರ ಸ್ಥಾನದಲ್ಲಿ ದಕ್ಷಿಣ ಆಫ್ರಿಕಾದ ಫಾಫ್ ಡು ಪ್ಲೆಸಿಸ್ ತಂಡದ ನಾಯಕರಾದರು. ಇದೀಗ ಕೊಹ್ಲಿ ಆರ್​ಸಿಬಿ ನಾಯಕತ್ವ ಬಿಡಲು ನಿಜವಾದ ಕಾರಣವನ್ನು ಬಹಿರಣಗಪಡಿಸಿದ್ದಾರೆ. WPL ಆರ್‌ಸಿಬಿ ಪಂದ್ಯಕ್ಕೂ ಮುನ್ನ ವಿರಾಟ್ ಕೊಹ್ಲಿ ಮಹಿಳಾ ತಂಡದ ಆಟಗಾರರ ಜೊತೆ ಮಾತನಾಡುವಾಗ ಈ ಕುರಿತು ಹೇಳಿಕೊಂಡಿದ್ದಾರೆ.

ಹೌದು, ನಾಯಕತ್ವದ ಕುರಿತು ಮಾತನಾಡಿರುವ ಕೊಹ್ಲಿ, ‘ನನ್ನ ನಾಯಕತ್ವದ ಅವಧಿ ಮುಗಿಯುವ ಸಮಯದಲ್ಲಿ, ಪ್ರಾಮಾಣಿಕವಾಗಿ ಹೇಳಬೇಕೆಂದರೆ, ನನಗೆ ನನ್ನ ಮೇಲೆ ಹೆಚ್ಚು ವಿಶ್ವಾಸವಿರಲಿಲ್ಲ. ಅದರ ಬಗ್ಗೆ ನನ್ನಲ್ಲಿ ಯಾವ ಭಾವನೆಯೂ ಉಳಿದಿರಲಿಲ್ಲ. ಅದು ನನ್ನ ಸ್ವಂತ ದೃಷ್ಟಿಕೋನವಾಗಿದ್ದರೂ, ಒಬ್ಬ ವ್ಯಕ್ತಿಯಾಗಿ ನಾನು ಸಾಕಷ್ಟು ಏರಿಳಿತಗಳನ್ನು ಕಂಡಿದ್ದೇನೆ ಮತ್ತು ಅದನ್ನು ಇನ್ನು ಮುಂದೆ ತೆಗೆದುಕೊಳ್ಳಲು ಸಾಧ್ಯವಿರಲಿಲ್ಲ. ಹೀಗಾಗಿ ನಾನು ನಾಯಕತ್ವದಿಂದ ಕೆಳಗಿಳಿದೆ ಎಂದಿದ್ದಾರೆ.

ಮುಂದಿನ ಋತುವಿನಲ್ಲಿ (2020) ಹೊಸ ಆಟಗಾರರು ತಂಡವನ್ನು ಸೇರಿಕೊಂಡರು. ಅವರು ಹೊಸ ಆಲೋಚನೆಗಳನ್ನು ಹೊಂದಿದ್ದರು ಮತ್ತು ಇದು ಮತ್ತೊಂದು ಅವಕಾಶವಾಗಿತ್ತು. ಹೊಸ ಆಟಗಾರರು ತುಂಬಾ ಉತ್ಸುಕರಾಗಿದ್ದರು. ಆದರೆ ವೈಯಕ್ತಿಕವಾಗಿ ನಾನು ಉತ್ಸುಕನಾಗಿರಲಿಲ್ಲ. ನಾವು ಪ್ರತಿ ಸೀಸನ್ ಅನ್ನು ಮೊದಲಿನಂತೆಯೇ ಉತ್ಸಾಹದಿಂದ ಪ್ರಾರಂಭಿಸುತ್ತೇವೆ.

ವಿರಾಟ್ ಕೊಹ್ಲಿ 2021ರ ಟಿ 20 ವಿಶ್ವಕಪ್ ನಂತರ ಭಾರತದ ಟಿ20 ನಾಯಕತ್ವದಿಂದ ಕೆಳಗಿಳಿಯಲು ಮನಸ್ಸು ಮಾಡಿದ್ದರು. ನಂತರ ಅವರನ್ನು ಏಕದಿನ ನಾಯಕತ್ವದಿಂದ ತೆಗೆದುಹಾಕಲಾಯಿತು. ಇದಾದ ಬಳಿಕ ಟೆಸ್ಟ್ ತಂಡದ ನಾಯಕತ್ವವನ್ನೂ ತೊರೆದಿದ್ದರು. ಭಾರತ ತಂಡದಿಂದ ನಾಯಕತ್ವದ ಹೊರೆಯಿಂದ ಬಿಡುಗಡೆಯಾದ ನಂತರ, ಅವರು RCB ನಾಯಕನ ಸ್ಥಾನವನ್ನು ತೊರೆದರು.

34 ವರ್ಷದ ದೆಹಲಿ ಆಟಗಾರ ತಮ್ಮ ವೃತ್ತಿಜೀವನದಲ್ಲಿ ಅಸುರಕ್ಷಿತ ಭಾವನೆಯನ್ನು ಅನುಭವಿಸಿದ ಸಂದರ್ಭಗಳಿವೆ ಮತ್ತು ತಮ್ಮ ಖ್ಯಾತಿಯನ್ನು ಉಳಿಸಲು ಪ್ರಯತ್ನಿಸಿದ್ದಾಗಿ ಹೇಳಿಕೊಂಡಿದ್ದಾರೆ. ಅನೇಕ ಬಾರಿ ನಾನು ಒತ್ತಡಕ್ಕೆ ಒಳಗಾಗಿದ್ದೇನೆ, ನನ್ನೊಳಗೆ ಅಭದ್ರತೆಯ ಭಾವನೆಯೂ ಇತ್ತು. ನನ್ನ ಪ್ರದರ್ಶನದ ಬಗ್ಗೆ ಹೆಚ್ಚು ತಲೆಕೆಡಿಸಿಕೊಳ್ಳುತ್ತಿದ್ದೆ ಎಂದು ಅವರು ಹೇಳಿದ್ದಾರೆ.

ನಾನು ಕೆಲವೊಮ್ಮೆ ನನ್ನ ಸಹಜ ಆಟವನ್ನು ಮರೆತುಬಿಡುತ್ತಿದ್ದೆ. ಆದರೆ ಯುವ ಆಟಗಾರರು ನನ್ನ ಬಳಿಗೆ ಬಂದು ನೀವು ಏಕೆ ಚೆಂಡನ್ನು ಹೊಡೆಯಲಿಲ್ಲ ಎಂದು ಪ್ರಶ್ನಸುತ್ತಿದ್ದರು.

ನನ್ನ ಬ್ಯಾಟಿಂಗ್ ಅನ್ನು ಜನರು ಹೇಗೆ ನೋಡುತ್ತಿದ್ದಾರೆ ಎಂದು ನಾನು ಯೋಚಿಸುತ್ತಿದ್ದೆ. ಇಂತಹ ಪರಿಸ್ಥಿತಿಯಲ್ಲಿ ಹಲವು ಬಾರಿ ತನ್ನ ಸಹಜ ಆಟವನ್ನು ಮರೆತು ಬಿಡುತ್ತಿದ್ದೆ ಎಂದು ಹೇಳಿಕೊಂಡಿದ್ದಾರೆ.