IPL 2023: ಕೋಟಿ ದಂಡ ಬಿದ್ರೂ ಕೊಹ್ಲಿಗಿಲ್ಲ ನಯಾ ಪೈಸೆ ನಷ್ಟ! ಏನಿದು ಬಿಸಿಸಿಐ ಹೊಸ ಲೆಕ್ಕಾಚಾರ?

ಲಕ್ನೋದ ಏಕಾನಾ ಸ್ಟೇಡಿಯಂನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಲಕ್ನೋ ಸೂಪರ್ ಜೈಂಟ್ಸ್ (LSG vs RCB) ನಡುವೆ ನಡೆದ ಪಂದ್ಯದಲ್ಲಿ, ವಿರಾಟ್ ಕೊಹ್ಲಿ ಮತ್ತು ಗೌತಮ್ ಗಂಭೀರ್ ಜಗಳ ನಡೆದಿರುವುದು ಎಲ್ಲರಿಗೂ ತಿಳಿದಿದೆ. ಈ ಕೃತ್ಯಕ್ಕಾಗಿ ವಿರಾಟ್‌ಗೆ ಪಂದ್ಯದ ಶುಲ್ಕದ ಶೇಕಡಾ 100ರಷ್ಟು ದಂಡ ವಿಧಿಸಲಾಗಿದೆ.

ಆದರೆ ಈ ದಂಡದಿಂದ ಕೊಹ್ಲಿಗೆ ಯಾವುದೇ ಪರಿಣಾಮ ಬೀರುವುದಿಲ್ಲ ಎಂಬುದು ನಿಮಗೆ ತಿಳಿದಿದೆಯೇ. ಅಂದರೆ ಅವರಿಗೆ ಒಂದು ಪೈಸೆಯೂ ಕೊಹ್ಲಿಗೆ ನಷ್ಟವಾಗುವುದಿಲ್ಲ. ಹೌದು ಕೊಹ್ಲಿಗೆ ಶೇಕಡಾ 100ರಷ್ಟು ದಂಡ ವಿಧಿಸಿದರೂ ಒಂದೇ ಒಂದು ರೂಪಾಯಿ ನಷ್ಟವಾಗುವುದಿಲ್ಲ ಎಂದು ತಿಳಿದುಬಂದಿದೆ.

ಕೊಹ್ಲಿ ಮೈದಾನದಲ್ಲಿ ಎದುರಾಳಿ ಆಟಗಾರರಾದ ನವೀನ್ ಉಲ್ ಹಕ್ ಮತ್ತು ಅಮಿತ್ ಮಿಶ್ರಾ ಅವರೊಂದಿಗೆ ವಾಗ್ವಾದ ನಡೆಸಿದ್ದರು. ಪಂದ್ಯದ ನಂತರ ಅವರು ಲಕ್ನೋದ ಮೆಂಟರ್ ಗೌತಮ್ ಗಂಭೀರ್ ಅವರೊಂದಿಗೆ ಜಗಳವಾಡಿದ್ದರು. ಹೀಗಾಗಿ ಬಿಸಿಸಿಐ ಈ ಮೂವರಿಗೂ ದಂಡ ವಿಧಿಸಲಾಗಿದೆ.

ಐಪಿಎಲ್ ನೀತಿ ಸಂಹಿತೆಯ ಅಡಿಯಲ್ಲಿ, ವಿರಾಟ್ ಕೊಹ್ಲಿ ಮತ್ತು ಗೌತಮ್ ಗಂಭೀರ್ ಅವರ ಪಂದ್ಯದ ಶುಲ್ಕದ 100 ಪ್ರತಿಶತದಷ್ಟು ದಂಡವನ್ನು ವಿಧಿಸಲಾಯಿತು ಮತ್ತು ನವೀನ್-ಉಲ್-ಹಕ್ ಅವರ ಪಂದ್ಯದ ಶುಲ್ಕದ ಶೇಕಡಾ 50 ರಷ್ಟು ದಂಡ ವಿಧಿಸಲಾಯಿತು.

ಈಗ ವಿರಾಟ್‌ಗೆ ವಿಧಿಸಲಾದ ಶೇಕಡ 100 ಪಂದ್ಯ ಶುಲ್ಕದ ದಂಡದ ಮೊತ್ತ ಎಷ್ಟು ಎಂಬುದು ಪ್ರಶ್ನೆಯಾಗಿದೆ. ವಾಸ್ತವವಾಗಿ, ವಿರಾಟ್‌ಗೆ ವಿಧಿಸಲಾದ ದಂಡವು 1.07 ಕೋಟಿ ರೂ. ಆದರೆ ವಿರಾಟ್ ಕೊಹ್ಲಿ ತಮ್ಮ ಜೇಬಿನಿಂದ ಈ ದಂಡವನ್ನು ಪಾವತಿಸುವುದಿಲ್ಲ. ಹೌದು, ಈ ಕೋಟಿಗಳ ದಂಡವನ್ನು ಕೊಹ್ಲಿ ಫ್ರಾಂಚೈಸಿ ಆರ್‌ಸಿಬಿ ಪಾವತಿಸಲಿದೆ.

ವಿರಾಟ್ ಸಂಭಾವನೆಗೂ ಇದಕ್ಕೂ ಯಾವುದೇ ಸಂಬಂಧವಿಲ್ಲ. ಅಂದರೆ 2023ರಲ್ಲಿ ವಿರಾಟ್ ಅವರನ್ನು 15 ಕೋಟಿಗೆ RCB ಉಳಿಸಿಕೊಂಡಿದೆ. ಅದು ಕೂಡ ಪರಿಣಾಮ ಬೀರುವುದಿಲ್ಲ. ಅಂದರೆ ಅವರಿಗೆ ಆಗುವ ನಷ್ಟ ಶೂನ್ಯವಾಗಿರುತ್ತದೆ.

ಈ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಮೊದಲ ವಿಕೆಟ್‌ಗೆ 62 ರನ್ ಜೊತೆಯಾಟವನ್ನು ನಾಯಕ ಫಾಫ್ ಡುಪ್ಲೆಸಿಯೊಂದಿಗೆ ಹಂಚಿಕೊಂಡಿದ್ದರು. ಕೊಹ್ಲಿ 30 ಎಸೆತಗಳಲ್ಲಿ 31 ರನ್ ಗಳಿಸಿ ಔಟಾದರು. ಅವರು ಪಂದ್ಯದಲ್ಲಿ 2 ಕ್ಯಾಚ್‌ಗಳನ್ನು ಪಡೆದರು. ಈ ಬಾರಿಯ ಐಪಿಎಲ್‌ನಲ್ಲಿ ವಿರಾಟ್ ಕೊಹ್ಲಿ 9 ಪಂದ್ಯಗಳಲ್ಲಿ 5 ಅರ್ಧಶತಕಗಳ ಸಹಾಯದಿಂದ 364 ರನ್ ಗಳಿಸಿದ್ದಾರೆ.

ಜಗಳದ ನಂತರ ಕೊಹ್ಲಿಯ ಇನ್‌ಸ್ಟಾದಲ್ಲಿ ಫೋಸ್ಟ್​ ಮಾಡಿದ್ದು, “ನಾವು ಕೇಳುವುದೆಲ್ಲವೂ ಅಭಿಪ್ರಾಯವೇ ಹೊರತು ಸತ್ಯವಲ್ಲ. ನಾವು ನೋಡುವುದೆಲ್ಲವೂ ಒಂದು ದೃಷ್ಟಿಕೋನವೇ ಹೊರತು ಸತ್ಯವಲ್ಲ' ಎಂದು ಸ್ಟೇಟಸ್​ ಹಾಕಿದ್ದರು.