IPL 2023 Tickets: ಎಲ್ಲಾ ಟೀಂನದ್ದೂ ಒಂದ್ ಲೆಕ್ಕ, ಆರ್‌ಸಿಬಿಯದ್ದೇ ಇನ್ನೊಂದ್ ಲೆಕ್ಕ! ಬೆಂಗಳೂರು ಪಂದ್ಯದ ಟಿಕೆಟ್ ರೇಟ್ ಕೇಳಿದ್ರೆ ಶಾಕ್ ಆಗುತ್ತೆ!

ಐಪಿಎಲ್ 2023 ಆರಂಭಕ್ಕೆ ದಿನಗಣನೆ ಅಷ್ಟೇ ಬಾಕಿ ಉಳಿದಿವೆ. ಕೊರೋನಾ ಬಳಿಕ ಈ ಬಾರಿ ದೇಶಾದ್ಯಂತ 12 ಕ್ರೀಡಾಂಗಣದಲ್ಲಿ ಐಪಿಎಲ್​ ಪಂದ್ಯಗಳನ್ನು ಆಯೋಜಿಸಲಾಗುತ್ತಿದೆ. ಅಲ್ಲದೇ ಇದೀಗ ಬೆಂಗಳೂರು ತಂಡದ ಪಂದ್ಯದ ಟಿಕೆಟ್​ಗಳ ಖರೀದಿಗೆ ಅವಕಾಶ ನೀಡಲಾಗಿದೆ.

ಆರ್‌ಸಿಬಿ ತಂಡ ತನ್ನ ಮೊದಲ ಪಂದ್ಯವನ್ನು ಮುಂಬೈ ಇಂಡಿಯನ್ಸ್ ಎದುರು ಬೆಂಗಳೂರಿನ ಎಂ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಆಡಲಿದೆ. ಈ ಪಂದ್ಯದ ಎಲ್ಲಾ ಟಿಕೆಟ್​ಗಳನ್ನು ಆರ್​ಸಿಬಿ ಅಧಿಕೃತ ವೆಬ್​ಸೈಟ್​ ಮತ್ತು ಬುಕ್​ ಮೈ ಶೋ ಮೂಲಕ ನೀವು ಖರೀದಿಸಬಹುದು.

ಆದರೆ ನೀವು ಬೆಂಗಳೂರು ಪಂದ್ಯವನ್ನು ನೋಡಬೇಕೆಂದಿದ್ದರೆ ದುಬಾರಿ ಬೆಲೆ ತೆರಬೇಕಿದೆ. ಐಪಿಎಲ್ ಪಂದ್ಯದ ಟಿಕೆಟ್ ಮಾರಾಟ ಆರಂಭವಾಗಿದ್ದು, ಇದರ ಆರಂಭಿಕ ಬೆಲೆ 2310 ಆಗಿದೆ. ಏಪ್ರಿಲ್ 2ರಂದು ಆರ್‌ಸಿಬಿ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಮುಂಬೈ ಇಂಡಿಯನ್ಸ್ ತಂಡದ ವಿರುದ್ಧ ಸೆಣೆಸಲಿದೆ.

ಆದರೆ, ಟಿಕೆಟ್ ದರವನ್ನು ನೋಡಿ ಅಭಿಮಾನಿಗಳು ಬೇಸರ ವ್ಯಕ್ತಪಡಿಸಿದ್ದಾರೆ. ಈ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ಅಸಮಾಧಾನವನ್ನು ವ್ಯಕ್ತಪಡಿಸಿದ್ದಾರೆ. ಅಲ್ಲದೇ ಈ ಕುರಿತು ಸಾಕಾಷ್ಟು ಟ್ರೋಲ್​ಗಳೂ ಸಹ ಆಗುತ್ತಿದೆ.

ಬೆಂಗಳೂರು ಮತ್ತು ಮುಂಬೈ ನಡುವಿನ ಪಂದ್ಯದ ಟಿಕೆಟ್ ದರ 2310 ರೂ ಗಳಿಂದ ಪ್ರಾರಂಭವಾಗುತ್ತದೆ. ಗರಿಷ್ಠ ದರ 42350 ರೂ ಗಳಿಷ್ಟಿದೆ. ಈ ಟಿಕೆಟ್ ದರ ನೋಡಿ ಅಭಿಮಾನಿಗಳು ಈ ಬಾರಿ ಐಪಿಎಲ್ ಪಂದ್ಯಗಳನ್ನು ಮನೆಯಲ್ಲೇ ನೋಡುತ್ತೇವೆ ಎಂದೆಲ್ಲಾ ಹೇಳುತ್ತಿದ್ದಾರೆ. ಹೀಗಾಗಿ ಆರ್​ಸಿಬಿ ಸಖತ್​ ಟ್ರೋಲ್ ಆಗುತ್ತಿದೆ.

ಕೆಲವರು ನನ್ನ ಕಿಡ್ನಿ ತೆಗೆದುಕೊಂಡು ಟಿಕೆಟ್ ಕೊಡಿ ಎಂದೆಲ್ಲಾ ಅಭಿಮಾನಿಗಳು ಟ್ರೋಲ್​ ಮಾಡುತ್ತಿದ್ದಾರೆ. ಆದರೆ ಈ ಬಾರಿ ಉಳಿದ ಫ್ರಾಂಚೈಸಿಗಳು ತಮ್ಮ ತಂಡದ ಪಂದ್ಯಗಳ ಟಿಕೆಟ್ ಬೆಲೆಯನ್ನು 900 ರೂ ಗಳಿಂದ ಆರಂಭಿಸಿವೆ, ಆದರೆ ಆರ್ ಸಿಬಿ ಮಾತ್ರ ದುಬಾರಿ ಬೆಲೆಗೆ ಮಾರಾಟ ಮಾಡುತ್ತಿದೆ.

ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಆರ್‌ಸಿಬಿ ಪಂದ್ಯಗಳ ಟಿಕೆಟ್ ದರ ನೋಡುವುದಾದರೆ, 2,310 ರೂ. 3,300 ರೂ. 4,840 ರೂ. 6,049 ರೂ. 9,075 ರೂ. 9,679 ರೂ. 10,890 ರೂ. 24,200 ರೂ. 42,350 ರೂ ವರೆಗಿದೆ. ಈ ಟಿಕೆಟ್​ ರೇಟ್​ ನೊಡಿದ ಮೇಲೆ ಅಭಿಮಾನಿಗಳು ಶಾಕ್​ ಆಗಿದ್ದಾರೆ.

ಕಳೆದ ಬಾರಿ ಅಂದರೆ ಕೊರೋನಾಗಿಂತ ಮೊದಲು ಪಂದ್ಯಗಳು ನಡೆದಾಗ ಸರಿಸುಮಾರು 800ರಿಂದ 900 ರೂ. ಆರಂಭಿಕ ಬೆಲೆಯ ಟಿಕೆಟ್​ಗಳು ಲಭ್ಯವಿರುತ್ತಿದ್ದವು. ಆದರೆ ಇದೀಗ ಒಮ್ಮೆಲೆ ಟಿಕೆಟ್​ ರೇಟ್​ ಹೆಚ್ಚಿಸಿರುವುದು ಅಭಿಮಾನಿಗಳ ಬೇಸರಕ್ಕೆ ಕಾರಣವಾಗಿದೆ.