IPL 2023: ಐಪಿಎಲ್​ ನೋಡೋಕೆ ಹೋಗೋ ಮುಂಚೆ ಎಚ್ಚರ! ಮೈದಾನದೊಳಗೆ ಈ ವಸ್ತುಗಳು ನಿಷೇಧ

ಇಂಡಿಯನ್ ಪ್ರೀಮಿಯರ್ ಲೀಗ್ (IPL2023) ಆರಂಭಕ್ಕೆ ಕೆಲ ದಿನಗಳು ಮಾತ್ರ ಉಳಿದಿವೆ. 16ನೇ ಋತುವಿನ ಮೊದಲ ಪಂದ್ಯ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಗುಜರಾತ್ ಟೈಟಾನ್ಸ್ ನಡುವೆ ಮಾರ್ಚ್ 31 ರಂದು ನಡೆಯಲಿದೆ.

ಐಪಿಎಲ್​ 16ನೇ ಆವೃತ್ತಿಯ ಮೊದಲ ಪಂದ್ಯ ನರೇಂದ್ರ ಮೋದಿ ಮೈದಾನದಲ್ಲಿ ಅದ್ಧೂರಿಯಾಗಿ ಉದ್ಘಾಟನಾ ಸಮಾರಂಭ ನಡೆಯಲಿದೆ. ಈ ಕಾರ್ಯಕ್ರಮದಲ್ಲಿ ಬಾಲಿವುಡ್​ ಸ್ಟಾರ್​ಗಳು ಸಹ ಪಾಲ್ಗೊಳ್ಳಲಿದ್ದಾರೆ. ಆದರೆ ಈ ಮೈದಾನಕ್ಕೆ ಬರುವ ಪ್ರೇಕ್ಷಕರು ಕೆಲ ನಿಯಮಗಳನ್ನು ಪಾಲಿಸಬೇಕಿದೆ.

ಹೌದು, ಚೆನ್ನೈ ಸೂಪರ್​ ಕಿಂಗ್ಸ್​ ಮತ್ತು ಗುಜರಾತ್​ ಟೈಟನ್ಸ್​ ತಂಡಗಳು ಮೊದಲ ಪಂದ್ಯದಲ್ಲಿ ಸೆಣಸಾಡಲಿದೆ. ಈ ಪಂದ್ಯದ ಟಿಕೆಟ್​ಗಳು ಈಗಾಗಲೇ ಸಂಪೂರ್ಣ ಮಾರಾಟವಾಗಿದೆ. ಆದರೆ ಪ್ರೇಕ್ಷಕರು ಪಂದ್ಯವನ್ನು ನೋಡಲು ಬರುವಾಗ ಈ 13 ವಸ್ತುಗಳನ್ನು ಮೈದಾನಕ್ಕೆ ತರುವಂತಿಲ್ಲ,

ಭದ್ರತಾ ದೃಷ್ಟಿಯಿಂದ ಗುಜರಾತ್​ ಮೈದಾನದ ಅಧಿಕಾರಿಗಳು ತನ್ನ ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್ ಒಂದನ್ನು ಹಾಕಿದ್ದು, ಅದರಲ್ಲಿ ಮೈದಾನದೊಳಗೆ ಯಾವ್ಯಾವ ವಸ್ತುಗಳನ್ನು ತರಲು ನಿಷೇಧಿಸಲಾಗಿದೆ ಎಂದು ತಿಳಿಸಿದೆ.

ಕ್ರಿಕೆಟ್​ ಪಂದ್ಯ ನೋಡಲು ಹೋಗುತ್ತಿರುವ ಪ್ರೇಕ್ಷಕರು, ನಾಣ್ಯ, ಕ್ಯಾಮರಾ, ಹೆಲ್ಮೇಟ್​, ಆಹಾರ ಪದಾರ್ಥಗಳು, ಗನ್​ (ಶಸ್ತ್ರಾಸ್ತ್ರಗಳು), ನೀರಿನ ಬಾಟಲಿ, ಛತ್ರಿ, ಬ್ಯಾಗ್​, ಚಾಕು (ಚೂಪಾದ ಯಾವುದೇ ರೀತಿಯ ವಸ್ತುಗಳು), ದೊಣ್ಣೆ (ಮರದ ಕಟ್ಟಿಗೆ), ಸಲ್ಫಿ ಸ್ಟಿಕ್​, ಪವರ್​ ಬ್ಯಾಂಕ್​ ಮತ್ತು ಸಿಗರೇಟ್​ ಲೈಟರ್​ ಗಳನ್ನು ನಿಷೇದಿಸಲಾಗಿದೆ.

ಇನ್ನು, ನರೇಂದ್ರ ಮೋದಿ ಕ್ರೀಡಾಂಗಣ ವಿಶ್ವದ ಅತಿ ದೊಡ್ಡ ಕ್ರಿಕೆಟ್​ ಕ್ರೀಡಾಂಗಣವಾಗಿದೆ. ಒಂದು ಲಕ್ಷಕ್ಕೂ ಹೆಚ್ಚು ಪ್ರೇಕ್ಷಕರು ಆರಾಮವಾಗಿ ಕುಳಿತು ಕ್ರೀಡಾಂಗಣದಲ್ಲಿ ನಿಮ್ಮ ನೆಚ್ಚಿನ ಕ್ರಿಕೆಟ್ ನೋಡಬಹುದು.

ಸುಮಾರು 1,14,000 ಸೀಟ್​ಗಳು ಇಲ್ಲಿದೆ. ಈ ಕಾರಣದಿಂದಲೇ ಇದು ವಿಶ್ವದ ಅತಿದೊಡ್ಡ ಕ್ರಿಕೆಟ್ ಸ್ಟೇಡಿಯಂ ಎಂದು ಕರೆಯಲಾಗುತ್ತಿದೆ. 63 ಎಕರೆ ಪ್ರದೇಶದಲ್ಲಿ ಹರಡಿದೆ. ಇಲ್ಲಿ ಸುಮಾರು 3,000 ಕಾರುಗಳು ಮತ್ತು 10,000 ದ್ವಿಚಕ್ರ ವಾಹನಗಳನ್ನು ಪಾರ್ಕಿಂಗ್ ಮಾಡಬಹುದಾದಂತಹ ಬೃಹತ್‌ ಸ್ಥಳ ಇಲ್ಲಿದೆ.