SRH vs RR: ಹೈದರಾಬಾದ್ ತಂಡಕ್ಕೆ ಭಾರೀ ಆಘಾತ, ಮೊದಲ ಪಂದ್ಯದಿಂದಲೇ ಮೂವರು ಸ್ಟಾರ್​ ಪ್ಲೇಯರ್​ ಔಟ್​!

ಇಂದು ಡಬಲ್​ ಹೆಡ್ಡರ್ ಪಂದ್ಯವಿದ್ದು, ಮೊದಲ ಪಂದ್ಯದಲ್ಲಿ ಸನ್​ ರೈಸರ್ಸ್​ ಹೈದರಾಬದ್​ ಮತ್ತು ರಾಜಸ್ತಾನ್​ ರಾಯಲ್ಸ್ ತಂಡಗಳು ಹೈದರಾಬಾದ್​ನ ಉಪ್ಪಲ ಮೈದಾನದಲ್ಲಿ ಸೆಣಸಾಡಲಿದೆ.

ಐಪಿಎಲ್ ಮಿನಿ ಹರಾಜಿನಲ್ಲಿ ತಂಡದ ಬ್ಯಾಟಿಂಗ್ ಮೇಲೆ ಮ್ಯಾನೇಜ್ ಮೆಂಟ್ ಗಮನ ಹರಿಸಿದೆ. ಇದರೊಂದಿಗೆ ಹೈದರಾಬದ್​ ತಂಡ ಈಗ ಉತ್ತಮವಾಗಿ ಕಾಣುತ್ತಿದೆ. ಸನ್‌ರೈಸರ್ಸ್ ತನ್ನ ಮೊದಲ ಪಂದ್ಯವನ್ನು ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಹೈದರಾಬಾದ್ ತವರು ಮೈದಾನದಲ್ಲಿ ಆಡಲಿದೆ. ಆದರೆ, ಮೊದಲ ಪಂದ್ಯದಲ್ಲೇ ಹೈದರಾಬಾದ್ ಗೆ ಭಾರಿ ಆಘಾತ ಎದುರಾಗಿದೆ.

ಹೌದು, ಎಸ್​ಆರ್​ಎಚ್​ ಮತ್ತು ರಾಜಸ್ಥಾನ ಪಂದ್ಯವು ಇಂದು ಮಧ್ಯಾಹ್ನ 3:30ಕ್ಕೆ ಆರಂಭವಾಗಲಿದೆ. ಅಲ್ಲದೇ 3 ಗಂಟೆಗೆ ಟಾಸ್​ ಆಗಲಿದೆ. ಬಳಿಕ ಆರ್​ಸಿಬಿ ಮತ್ತು ಮುಂಬೈ ಪಂದ್ಯ ನಡೆಯಲಿದೆ.

ಸೂಪರ್ ಫಾರ್ಮ್‌ನಲ್ಲಿರುವ ಮೂವರು ಸ್ಟಾರ್ ಆಟಗಾರರಿಲ್ಲದೆ ಕಣಕ್ಕೆ ಇಳಿಯಲಿದೆ. ನಿಯಮಿತ ನಾಯಕ ಮಾರ್ಕ್ರಾಮ್, ಬ್ಯಾಟರ್ ಕ್ಲಾಸೆನ್ ಮತ್ತು ವೇಗಿ ಜಾನ್ಸೆನ್ ಆರಂಭಿಕ ಪಂದ್ಯವನ್ನು ತಪ್ಪಿಸಿಕೊಳ್ಳಲಿದ್ದಾರೆ. ನೆದರ್ಲೆಂಡ್ಸ್ ವಿರುದ್ಧದ ಏಕದಿನ ಪಂದ್ಯದ ಕಾರಣ ಅವರು ದಕ್ಷಿಣ ಆಫ್ರಿಕಾದಲ್ಲಿದ್ದಾರೆ.

ಸದ್ಯ ನೆದರ್ಲೆಂಡ್ಸ್ ತಂಡ ದಕ್ಷಿಣ ಆಫ್ರಿಕಾ ಪ್ರವಾಸದಲ್ಲಿದೆ. ಎರಡನೇ ಏಕದಿನ ಪಂದ್ಯ ಭಾನುವಾರ ನಡೆಯಲಿದೆ. ನೆದರ್ಲೆಂಡ್ಸ್ ವಿರುದ್ಧದ ಎರಡು ಪಂದ್ಯಗಳು ದಕ್ಷಿಣ ಆಫ್ರಿಕಾಕ್ಕೆ ನಿರ್ಣಾಯಕವಾಗಿದೆ. ಈ ವರ್ಷ ಭಾರತದಲ್ಲಿ ನಡೆಯಲಿರುವ ಏಕದಿನ ವಿಶ್ವಕಪ್‌ಗೆ ನೇರವಾಗಿ ಅರ್ಹತೆ ಪಡೆಯಲು ದಕ್ಷಿಣ ಆಫ್ರಿಕಾಕ್ಕೆ ಸರಣಿ ನಿರ್ಣಾಯಕವಾಗಿದೆ.

ಈ ಪಂದ್ಯವನ್ನು ಭುವನೇಶ್ವರ್ ಮುನ್ನಡೆಸಲಿದ್ದಾರೆ. ಭುವಿ ಏಳು ಪಂದ್ಯಗಳಲ್ಲಿ ನಾಯಕತ್ವ ಮಾಡಿದ್ದರು. ಪ್ರಮುಖ ಆಟಗಾರರ ಅನುಪಸ್ಥಿತಿಯಿಂದ ತಂಡದ ಸಂಯೋಜನೆ ಕಷ್ಟಕರವಾಗಿದೆ. ಟಾಪರ್ಡರ್ ಕೂಡ ದುರ್ಬಲವಾಗಿ ಕಾಣುತ್ತಿದೆ. 33 ವರ್ಷದ ಭುವನೇಶ್ವರ್ 2013 ರಿಂದ ಐಪಿಎಲ್‌ನಲ್ಲಿ ಹೈದರಾಬಾದ್ ತಂಡದಲ್ಲಿ ಆಡುತ್ತಿದ್ದಾರೆ. ಅವರು 2019 ರಲ್ಲಿ ಆರು ಪಂದ್ಯಗಳಿಗೆ ಮತ್ತು 2022ರಲ್ಲಿ ಒಂದು ಪಂದ್ಯಕ್ಕೆ ನಾಯಕತ್ವ ವಹಿಸಿದ್ದರು. ಆದಾಗ್ಯೂ, SRH ಇವುಗಳಲ್ಲಿ ಎರಡನ್ನು ಮಾತ್ರ ಗೆದ್ದಿದೆ.

ಕಳೆದ ವರ್ಷ ಪಂಜಾಬ್ ತಂಡದ ನಾಯಕರಾಗಿದ್ದ ಮಯಾಂಕ್ ಮಾರ್ಚ್‌ನಲ್ಲಿ ನಡೆದ ಇರಾನಿ ಕಪ್‌ನಲ್ಲಿ ಯಾವುದೇ ಪ್ರಭಾವ ಬೀರಲಿಲ್ಲ. ಆದರೆ ತಂಡವನ್ನು ಸೇರಿಕೊಂಡಿರುವ ಹ್ಯಾರಿ ಬ್ರೂಕ್ ಮತ್ತು ಗ್ಲೆನ್ ಫಿಲಿಪ್ಸ್‌ನೊಂದಿಗೆ ಮಧ್ಯಮ ಕ್ರಮಾಂಕವು ಬಲಿಷ್ಠವಾಗಿದೆ. ವೇಗಿಗಳಾದ ಉಮ್ರಾನ್, ಭುವನೇಶ್ವರ್, ಕಾರ್ತಿಕ್ ತ್ಯಾಗಿ ಮತ್ತು ನಟರಾಜನ್ ಒಳಗೊಂಡ ಬೌಲಿಂಗ್ ತಂಡದ ಮೇಲೆ ರೈಸರ್ಸ್ ಹೆಚ್ಚು ಅವಲಂಬಿತವಾಗಿದೆ.