SRH vs LSG: ಪದೇ ಪದೇ ಅದೇ ತಪ್ಪು, ಚರ್ಚೆಗೆ ಗ್ರಾಸವಾಗುತ್ತಿದೆ ಐಪಿಎಲ್​ ಅಂಪೈರ್​ಗಳ ನಿರ್ಧಾರ

ಸನ್‌ರೈಸರ್ಸ್ ಹೈದರಾಬಾದ್ ಪ್ಲೇಆಫ್ ತಲುಪಲು ಕೊನೆಯ ತನ್ನ ಮುಂದಿನ ಎಲ್ಲಾ ಪಂದ್ಯಗಳನ್ನು ಗೆಲ್ಲಲೇಬೇಕು. ಈ ಕ್ರಮದಲ್ಲಿ ಲಕ್ನೋ ಸೂಪರ್ ಜೈಂಟ್ಸ್ ಮತ್ತು ಸನ್ ರೈಸರ್ಸ್ ಹೈದರಾಬಾದ್ ಮೈದಾನದಲ್ಲಿ ನಿರ್ಣಾಯಕ ಪಂದ್ಯವನ್ನು ಆಡುತ್ತಿದೆ.

ಆದರೆ, ಈ ಪಂದ್ಯದಲ್ಲಿ ಥರ್ಡ್ ಅಂಪೈರ್ ತೆಗೆದುಕೊಂಡ ಎರಡು ನಿರ್ಧಾರಗಳು ವಿವಾದಕ್ಕೀಡಾಗಿವೆ. ಎರಡೂ ಬಾರಿ ಮೂರನೇ ಅಂಪೈರ್ ಸನ್​ರೈಸರ್ಸ್ ಹೈದರಾಬಾದ್ ವಿರುದ್ಧ ನಿರ್ಧಾರಗಳನ್ನು ಪ್ರಕಟಿಸಿದರು.

ಅವೇಶ್ ಖಾನ್ ಅವರ ಬೀಮರ್ ಅನ್ನು ಅಬ್ದುಲ್ ಸಮದ್ ಅವರು ಲೆಗ್ ಸೈಡ್ ಕಡೆಗೆ ಆಡಿದರು. ಮೈದಾನದಲ್ಲಿದ್ದ ಅಂಪೈರ್ ತಕ್ಷಣವೇ ನೋ ಬಾಲ್ ಎಂದು ಘೋಷಿಸಿದರು. ಆದರೆ ಲಕ್ನೋ ಥರ್ಡ್​ ಅಂಪೈರ್​ ಮೊರೆಹೋಯಿತು.

ಟಿವಿ ರೀಪ್ಲೇಯಲ್ಲಿ ಅದು ನೋ ಬಾಲ್‌ನಂತೆ ಕಾಣುತ್ತಿತ್ತು. ಸಮದ್ ಶಾಟ್ ಆಡಿದಾಗ ಚೆಂಡು ಅವರ ಸೊಂಟಕ್ಕಿಂತ ಮೇಲಿತ್ತು. ಆದರೆ, ಶಾಟ್ ಆಡುವಾಗ ಸಮದ್ ಕಾಲು ಬಾಗಿದ ಕಾರಣ ಮೂರನೇ ಅಂಪೈರ್ ನೋ ಬಾಲ್ ಅಲ್ಲ ಎಂದು ಹೇಳಿದರು.

ಕೊನೆಯ ಓವರ್ ನಲ್ಲಿ ಯಶ್ ಠಾಕೂರ್ ಎಸೆದ ಬೌನ್ಸರ್ ಆಡಲು ಅಬ್ದುಲ್ ಸಮದ್ ವಿಫಲರಾದರು. ಚೆಂಡು ಸಮದ್ ಅವರ ತಲೆಯ ಮೇಲೆ ಹೋದಂತೆ ಕಾಣಿಸಿತು. ಆದರೆ, ಆನ್ ಫೀಲ್ಡ್ ಅಂಪೈರ್ ಅದನ್ನು ವೈಡ್ ಎಂದು ಘೋಷಿಸಲಿಲ್ಲ.

ಹೀಗಾಗಿ ಸನ್ ರೈಸರ್ಸ್ ಹೈದರಾಬಾದ್ ರಿವ್ಯೂ ಮೊರೆ ಹೋಗಿತ್ತು. ಟಿವಿ ರಿಪ್ಲೇನಲ್ಲಿ, ಸಮದ್ ಶಾಟ್ ಆಡಲು ಗಾಳಿಯಲ್ಲಿ ಹಾರಲು ಪ್ರಯತ್ನಿಸಿದರು. ಆದರೆ, ಚೆಂಡು ಸಮದ್ ಅವರ ಹಣೆಯ ಮೇಲಿತ್ತಿತ್ತು ಎಂದು ಹೇಳಿದ ಅಂಪೈರ್​ ಬಳಿಕ ವೈಡ್​ ವಿಷಯದಲ್ಲಿ ಈ ನಿಯಮವನ್ನು ಪರಿಗಣಿಸಲಿಲ್ಲ.

ಥರ್ಡ್ ಅಂಪೈರ್ ಓವರ್ ಗಳ ವ್ಯತ್ಯಾಸದಲ್ಲಿ ಎರಡು ತಪ್ಪು ನಿರ್ಧಾರಗಳನ್ನು ಪ್ರಕಟಿಸಿರುವುದು ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಅಭಿಮಾನಿಗಳಲ್ಲಿ ಚರ್ಚೆಗೆ ಕಾರಣವಾಗಿದೆ. ಎಲ್ಲರೂ ಅದನ್ನು ನೋ ಬಾಲ್ ಮತ್ತು ವೈಡ್ ಎಂದು ಹೇಳುತ್ತಿದ್ದಾರೆ.

ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಸನ್‌ರೈಸರ್ಸ್ ಹೈದರಾಬಾದ್ 20 ಓವರ್‌ಗಳಲ್ಲಿ 6 ವಿಕೆಟ್‌ಗೆ 182 ರನ್ ಗಳಿಸಿತು. ಹೆನ್ರಿಚ್ ಕ್ಲಾಸೆನ್ (29 ಎಸೆತಗಳಲ್ಲಿ 47; 3 ಬೌಂಡರಿ, 3 ಸಿಕ್ಸರ್) ಅದ್ಭುತ ಇನ್ನಿಂಗ್ಸ್ ಕಟ್ಟಿದರು. ಅಬ್ದುಲ್ ಸಮದ್ (25 ಎಸೆತಗಳಲ್ಲಿ ಔಟಾಗದೆ 37; 1 ಬೌಂಡರಿ, 4 ಸಿಕ್ಸರ್) ಮತ್ತು ಅನ್ಮೋಲ್ ಪ್ರೀತ್ (27 ಎಸೆತಗಳಲ್ಲಿ 36; 7 ಬೌಂಡರಿ) ಆಕರ್ಷಕ ಆಟವಾಡಿದರು.