IPL 2023: ಮೈದಾನದಲ್ಲಿಯೇ ಮತ್ತೆ ಕಿರಿಕ್​ ಮಾಡಿಕೊಂಡ ಸಿರಾಜ್​, ಸ್ವಲ್ಪ ಸಿಟ್ಟು ಕಮ್ಮಿ ಮಾಡಿ ಅಂದ್ರು ಫ್ಯಾನ್ಸ್!

ಐಪಿಎಲ್ 2023 ಋತುವಿನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು5ನೇ ಸೋಲನ್ನು ಅನುಭವಿಸಿತು. ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧದ ಪಂದ್ಯದಲ್ಲಿ ಆರ್‌ಸಿಬಿ 7 ವಿಕೆಟ್‌ಗಳಿಂದ ಸೋತಿತ್ತು. ಇದರೊಂದಿಗೆ 10 ಪಂದ್ಯಗಳಲ್ಲಿ ಐದರಲ್ಲಿ ಸೋತು, ಉಳಿದ ಐದರಲ್ಲಿ ಸೋತು 10 ಅಂಕಗಳೊಂದಿಗೆ ಲೀಗ್ ಪಟ್ಟಿಯಲ್ಲಿ 5ನೇ ಸ್ಥಾನ ಪಡೆದಿದೆ.

ಈ ಪಂದ್ಯದಲ್ಲಿ ಆರ್‌ಸಿಬಿ ಬೌಲರ್ ಮೊಹಮ್ಮದ್ ಸಿರಾಜ್ ಮತ್ತೊಮ್ಮೆ ಸಿಟ್ಟಾದ ಘಟನೆ ನಡೆದಿದೆ. ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧದ ಪಂದ್ಯದಲ್ಲಿ ಕೊಹ್ಲಿ ಹಾಗೂ ಗಂಭೀರ್ ನಡುವಿನ ಕಾದಾಟಕ್ಕೆ ಸಿರಾಜ್ ಕಾರಣ ಎಂಬುದು ಗೊತ್ತೇ ಇದೆ. ಅಭಿಮಾನಿಗಳು ಹಳೆಯ ಜಗಳವನ್ನು ಮರೆಯುವ ಮುನ್ನವೇ ಸಿರಾಜ್ ಮತ್ತೊಮ್ಮೆ ತಮ್ಮ ಸಿಟ್ಟನ್ನು ಹೊರಹಾಕಿದ್ದಾರೆ.

ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಸಿರಾಜ್ ಬೌಲಿಂಗ್‌ನಲ್ಲಿ ಫಿಲ್ ಸಾಲ್ಟ್ 6, 6, 4 ಬಾರಿಸಿದರು. ಬಳಿಕ ಸಿರಾಜ್ ಸಿಟ್ಟಿಗೆದ್ದರು. ಬಳಿಕ ಮುಂದಿನ ಎಸೆತವನ್ನು ಅಂಪೈರ್ ವೈಡ್ ಎಂದು ಘೋಷಿಸಿದರು. ಇದರಿಂದ ಸಿರಾಜ್ ತಮ್ಮ ತಾಳ್ಮೆ ಕಳೆದುಕೊಂಡು ಫಿಲ್ ಸಾಲ್ಟ್ ಜೊತೆ ಮಾತಿನ ಸಮರಕ್ಕೆ ಇಳಿದರು.

ಮಧ್ಯದಲ್ಲಿ ವಾರ್ನರ್ ಇಬ್ಬರನ್ನೂ ಸರಿದಾರಿಗೆ ತರಲು ಯತ್ನಿಸಿದರು. ಸಿರಾಜ್ ಸಾಲ್ಟ್‌ನ ಕಡೆ ನೋಡುತ್ತಾ ಸುಮ್ಮನಿರಲು ಉದ್ದೇಶಿಸಿ 'ಶ್' ಎಂದು ಸಿಗ್ನಲ್ ಮಾಡಿದರು.

ಜಗಳ ಜಾಸ್ತಿ ಆಗುತ್ತಿದ್ದಾಗ ಅಲ್ಲಿಗೆ ಬಂದ ಫಾಫ್ ಡು ಪ್ಲೆಸಿಸ್ ಸಿರಾಜ್ ಅವರನ್ನು ಕರೆದುಕೊಂಡು ಹೋದರು. ಸದ್ಯ ಇದಕ್ಕೆ ಸಂಬಂಧಿಸಿದ ವಿಡಿಯೋ ಹಾಗೂ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿವೆ.

ಸಿರಾಜ್ ಅವರೇ ತುಂಬಾ ಒಳ್ಳೆಯವರು ಎಂದು ಹೆಸರುವಾಸಿ. ಅವರು ಯಾವಾಗಲೂ ತನ್ನ ವಿರೋಧಿಗಳಿಗೆ ಸೌಜನ್ಯದಿಂದ ವರ್ತಿಸುತ್ತಾರೆ. ಈ ಹಿಂದೆ ಇಂಗ್ಲೆಂಡ್ ಪ್ರವಾಸದ ವೇಳೆ ಬುಮ್ರಾ ಬಾರಿಸಿದ ಚೆಂಡು ಬೌಲರ್‌ನ ತಲೆಗೆ ತಾಗಿದಾಗ ರನ್‌ಗಾಗಿ ಪ್ರಯತ್ನಿಸದೆ ಬೌಲರ್‌ನ ಆರೋಗ್ಯದ ಬಗ್ಗೆ ಮೊಲದು ಗಮನ ಹರಿಸಿದ್ದರು. ಆದರೆ ಈ ಸೀಸನ್‌ನಲ್ಲಿ ಸಿರಾಜ್ ತಮ್ಮ ತಾಳ್ಮೆಯನ್ನು ಪದೇ ಪದೇ ಕಲೆದುಕೊಳ್ಳುತ್ತಿದ್ದಾರೆ.

ಲಕ್ನೋ ವಿರುದ್ಧದ ಪಂದ್ಯದಲ್ಲಿ ನವೀನ್ ಉಲ್ ಹಕ್ ಕೊಹ್ಲಿ ನಡುವಿನ ಜಗಳಕ್ಕೆ ಒಂದರ್ಥದಲ್ಲಿ ಮೊಹಮ್ಮದ್ ಸಿರಾಜ್​ ಕಾರಣ ಎಂಬ ಮಾತುಗಳು ಇವೆ. ಸಿರಾಜ್​ ಪದೇ ಪದೇ ಈ ರೀತಿ ಮಾಡುತ್ತಿರುವುದು ಅಭಿಮಾನಿಗಳಿಗೆ ಬೇಸರ ತರಿಸಿದೆ.

ಕೆಲ ಅಭಿಮಾನಿಗಳು ಸಿರಾಜ್ ಅವರ ಆಕ್ರೋಶವನ್ನು ಮಾಜಿ ಆಟಗಾರ ಶ್ರೀಶಾಂತ್ ಜೊತೆ ಹೋಲಿಸುತ್ತಿದ್ದಾರೆ. ಆ ವೇಳೆ ಶ್ರೀಶಾಂತ್ ಕೂಡ ಬ್ಯಾಟರ್‌ಗಳತ್ತ ಅನಗತ್ಯವಾಗಿ ಆಕ್ರಮಣಕಾರಿಯಾಗಿ ವರ್ತಿಸಿದ್ದರು.