IPL 2023 : ಐಪಿಎಲ್​ ಮಾಯೆ; ತಮ್ಮನ ಮೇಲೆ ಹಣದ ಮಳೆ ಸುರಿಸಿ ಅಣ್ಣನನ್ನು ಮರೆತ ಫ್ರಾಂಚೈಸಿಗಳು -ಯಾರೀ ಸಹೋದರರು?

ಐಪಿಎಲ್ 2023ರ ಸೀಸನ್ ವೇಳಾಪಟ್ಟಿ ಈಗಾಗಲೇ ಬಿಡುಗಡೆಯಾಗಿದೆ. ಮಾರ್ಚ್ 31 ರಿಂದ ಮೇ 28 ರವರೆಗೆ ಈ ಬಾರಿಯ ಟೂರ್ನಿ ನಡೆಯಲಿದ್ದು, ತವರು ಮತ್ತು ವಿದೇಶಗಳಲ್ಲಿ 12 ಪ್ರಮುಖ ವೇದಿಕೆಗಳಲ್ಲಿ ಟೂರ್ನಿಯ ಪಂದ್ಯಗಳು ನಡೆಯಲಿದೆ. ಐಪಿಎಲ್​ 2023ರ ಟೂರ್ನಿಯ ಮೊದಲ ಪಂದ್ಯದಲ್ಲಿ ಗುಜರಾತ್ ಟೈಟಾನ್ಸ್ ನೊಂದಿಗೆ ಚೆನ್ನೈ ಸೂಪರ್ ಕಿಂಗ್ಸ್ ಮುಖಾಮುಖಿಯಾಗಲಿದೆ.

ಕಳೆದ ವರ್ಷ ನಡೆದ ಮಿನಿ ಹರಾಜು ಪ್ರಕ್ರಿಯೆಯಲ್ಲಿ 87 ಸ್ಥಾನಗಳಿಗೆ 405 ಆಟಗಾರರು ಪಾಲ್ಗೊಂಡಿದ್ದರು. 10 ಫ್ರಾಂಚೈಸಿಗಳು 80 ಮಂದಿ ಆಟಗಾರರನ್ನು ಖರೀದಿ ಮಾಡಿದ್ದವು.

ಮಿನಿ ಹರಾಜಿನಲ್ಲಿ ಸನ್​ರೈಸರ್ಸ್​ ಹೈದರಾಬಾದ್ ತಂಡ ಅತಿ ಹೆಚ್ಚು 13 ಮಂದಿ ಆಟಗಾರರನ್ನು ಖರೀದಿ ಮಾಡಿತ್ತು. ಡೆಲ್ಲಿ ಕ್ಯಾಪಿಟಲ್ಸ್​ ತಂಡ ಕೇವಲ ಐದು ಮಂದಿ ಆಟಗಾರರನ್ನು ಮಾತ್ರ ಖರೀದಿ ಮಾಡಿತ್ತು.

ಮಿನಿ ಹರಾಜು ಪ್ರಕ್ರಿಯೆಯಲ್ಲಿ ಐಪಿಎಲ್ ಫ್ರಾಂಚೈಸಿಗಳು ಇಂಗ್ಲೆಂಡ್​ ಆಟಗಾರರ ಮೇಲೆ ಹಣದ ಮಳೆಯನ್ನೇ ಸುರಿಸಿದ್ದಾರೆ. ಅದರಲ್ಲೂ ಆಲ್​ರೌಂಡರ್​​ ಸ್ಯಾಮ್ ಕರನ್, ಬೆನ್​ ಸ್ಟೋಕ್ಸ್ ಸೇರಿದಂತೆ ಪವರ್​ ಹಿಟ್ಟರ್​ ಹ್ಯಾರಿ ಬ್ರೂಕ್​ಗೆ ಭಾರೀ ಮೊತ್ತ ನೀಡಿ ಖರೀದಿ ಮಾಡಲಾಗಿತ್ತು. ಆಸ್ಟ್ರೇಲಿಯಾದ ಯುವ ಬೌಲರ್​ ಕ್ಯಾಮೆರಾನ್ ಗ್ರೀನ್ ಕೂಡ ದಾಖಲೆಯ ಮೊತ್ತವನ್ನು ಪಡೆದುಕೊಂಡಿದ್ದರು.

ಇಂಗ್ಲೆಂಡ್​ ಯುವ ಆಲ್​ರೌಂಡರ್​​ ಸ್ಯಾಮ್​ ಕರನ್​ ಈ ಹಿಂದಿನ ದಾಖಲೆಗಳನ್ನು ಮುರಿದು ಬರೋಬ್ಬರಿ 18.5 ಕೋಟಿ ರೂಪಾಯಿ ಪಡೆದುಕೊಂಡಿದ್ದರು. ಐಪಿಎಲ್​​ ಹರಾಜು ಪ್ರಕ್ರಿಯೆಯಲ್ಲೇ ಅತ್ಯಾಧಿಕ ಮೊತ್ತ ಪಡೆದ ಆಟಗಾರ ಎಂಬ ಹೆಗ್ಗಳಿಕೆಯನ್ನು ಸ್ಯಾಮ್​ ಕರನ್​ ಪಡೆದುಕೊಂಡರು. ಪಂಜಾಬ್​ ಕಿಂಗ್ಸ್​​ ಸ್ಯಾಮ್ ಕರನ್​​ನನ್ನು ಖರೀದಿ ಮಾಡಿತ್ತು.

ಸ್ಯಾಮ್​ ಕರನ್​​ ಹಿರಿಯ ಸಹೋದರ ಟಾಮ್ ಕರ್ರನ್ ಕೂಡ ಹರಾಜು ಪ್ರತಿಕ್ರಿಯಲ್ಲಿ ಭಾಗಿಯಾಗಿದ್ದರು. ಆದರೆ ಟಾಮ್ ಕರ್ರನ್​​ರನ್ನು ಖರೀದಿ ಮಾಡಲು ಯಾವುದೇ ಫ್ರಾಂಚೈಸಿ ಕೂಡ ಆಸಕ್ತಿ ತೋರಲಿಲ್ಲ.

ಸ್ಯಾಮ್​ ಕರನ್​​ ಖರೀದಿ ಮಾಡಲು ಪೈಪೋಟಿಗೆ ಬಿದ್ದ ಫ್ರಾಂಚೈಸಿಗಳು ಟಾಮ್ ಕರ್ರನ್​ರನ್ನು ಮಾತ್ರ ಕಣ್ಣೆತ್ತಿಯೂ ನೋಡಲಿಲ್ಲ. ಮೂಲ ಬೆಲೆಗೂ ಖರೀದಿ ಮಾಡುವ ಸಹಾಸಕ್ಕೂ ಫ್ರಾಂಚೈಸಿಗಳು ಕೈ ಹಾಕಲಿಲ್ಲ. ಪರಿಣಾಮ ಟಾಮ್ ಕರ್ರನ್​ ಅನ್​ಸೋಲ್ಡ್​ ಆಗಿಯೇ ಉಳಿದರು. ಈ ಬಗ್ಗೆ ಇತ್ತೀಚೆಗೆ ಪ್ರತಿಕ್ರಿಯೆ ನೀಡಿದ್ದ ಟಾಮ್ ಕರ್ರನ್, ಈಗ ಹಲವು ಲೀಗ್‌ಗಳಿವೆ. ಐಪಿಎಲ್ ನಿಸ್ಸಂಶಯವಾಗಿ ದೊಡ್ಡ ಲೀಗ್​. ಅಷ್ಟೆ ಅಲ್ಲದೆ ಉನ್ನತ ಗುಣಮಟ್ಟದೊಂದಿಗೆ ಸಾಕಷ್ಟು ಲೀಗ್‌ಗಳು ನಡೆಯುತ್ತಿವೆ. ಯಾವುದೇ ಲೀಗ್ ಆಗಿರಲಿ, ನನ್ನ ತಂಡಕ್ಕೆ ಉತ್ತಮ ಪ್ರದರ್ಶನ ನೀಡಲು ನಾನು ಬಯಸುತ್ತೇನೆ ಎಂದಿದ್ದಾರೆ.

ಸ್ಯಾಮ್ ಕರನ್ ಬಳಿ ಆಸ್ಟ್ರೇಲಿಯಾದ ಆಲ್​ರೌಂಡರ್​ ಕ್ಯಾಮೆರಾನ್ ಗ್ರೀನ್​ಗೆ 17.50 ಕೋಟಿ ರೂಪಾಯಿಗೆ ಮುಂಬೈ ಇಂಡಿಯನ್ಸ್ ಖರೀದಿ ಮಾಡಿತ್ತು.

ಗ್ರೀನ್ ಬಳಿಕ ಇಂಗ್ಲೆಂಡ್ ಟೆಸ್ಟ್​ ತಂಡದ ಆಲ್​ರೌಂಡರ್ ಬೆನ್​ಸ್ಟೋಕ್ಸ್​ ಸ್ಥಾನ ಪಡೆದುಕೊಂಡಿದ್ದಾರೆ. ಸ್ಟೋಕ್ಸ್ 16.25 ಕೋಟಿ ರೂಪಾಯಿ ನೀಡಿ ಚೆನ್ನೈ ಸೂಪರ್​ ಕಿಂಗ್ಸ್​ ಖರೀದಿ ಮಾಡಿತ್ತು. ಉಳಿದಂತೆ ವೆಸ್ಟ್​ ಇಂಡೀಸ್​ ನಿಕೋಲಸ್ ಪೂರನ್​ಗೆ 16 ಕೋಟಿ ರೂಪಾಯಿ ನೀಡಿದ್ದು ವಿಶೇಷ.