Team India: ವಿಶ್ವಕಪ್​ನಿಂದ ರಾಹುಲ್​-ರೋಹಿತ್ ಔಟ್​? ಮಹತ್ವದ ನಿರ್ದಾರಕ್ಕೆ ಮುಂದಾದ ಬಿಸಿಸಿಐ

ಟಿ20 ವಿಶ್ವಕಪ್ 2024 ಇನ್ನೂ ಒಂದು ವರ್ಷಕ್ಕಿಂತ ಹೆಚ್ಚು ಸಮಯವಿದೆ. ಆದರೆ, ಬಿಸಿಸಿಐ ಆಯ್ಕೆಗಾರರು ಈ ವರ್ಷದ ಆರಂಭದಿಂದಲೇ ಈ ಟೂರ್ನಿಗೆ ಸಿದ್ಧತೆ ಆರಂಭಿಸಿದ್ದಾರೆ. ಇದು ಹಾರ್ದಿಕ್ ಪಾಂಡ್ಯ ಟಿ20 ತಂಡದ ನಾಯಕತ್ವವನ್ನು ಹಸ್ತಾಂತರಿಸುವ ಮೂಲಕ ಆರಂಭವಾಯಿತು. ಕಳೆದ ಎರಡು ಟಿ20 ವಿಶ್ವಕಪ್‌ಗಳಲ್ಲಿ ವೈಫಲ್ಯ ಅನುಭವಿಸಿರುವ ಆಯ್ಕೆದಾರರು ಹಿರಿಯ ಆಟಗಾರರನ್ನು ಬದಿಗೊತ್ತಲು ನಿರ್ಧರಿಸಿದ್ದಾರೆ.

ಇದರೊಂದಿಗೆ 2024ರ ಟಿ20 ವಿಶ್ವಕಪ್ ನಲ್ಲಿ ಟೀಂ ಇಂಡಿಯಾ ಹೊಸ ತಂಡವನ್ನು ಕಣಕ್ಕಿಳಿಸುವುದು ಬಹುತೇಕ ನಿಚ್ಚಳವಾಗಿದೆ. ಇದರೊಂದಿಗೆ ಟಿ20ಯಲ್ಲಿ ರೋಹಿತ್ ಶರ್ಮಾ ಮತ್ತು ಕೆಎಲ್ ರಾಹುಲ್ ಅವರನ್ನು ಹೊರಹಾಕಲು ವೇದಿಕೆ ಸಜ್ಜಾಗಿದೆ. ಶುಭಮನ್ ಗಿಲ್ ಎಲ್ಲಾ ಮಾದರಿಗಳಲ್ಲಿ ಆರಂಭಿಕ ಆಟಗಾರರಾಗುವ ಸಾಧ್ಯತೆ ಇದೆ. ಐಪಿಎಲ್ 2023 ರಲ್ಲಿ ಯಶಸ್ವಿ ಜೈಸ್ವಾಲ್ ಅವರ ಅದ್ಭುತ ಪ್ರದರ್ಶನದ ನಂತರ, ಆಯ್ಕೆದಾರರಿಗೆ ಭರವಸೆ ಹೆಚ್ಚಿದೆ.

ಬಿಸಿಸಿಐನ ಹಿರಿಯ ಅಧಿಕಾರಿಯೊಬ್ಬರು ಇನ್‌ಸೈಡ್‌ಸ್ಪೋರ್ಟ್‌ಗೆ ನೀಡಿದ ಸಂದರ್ಶನದಲ್ಲಿ ಮಾಡತನಾಡಿದ್ದು, ನಾವು T20 ವಿಶ್ವಕಪ್‌ಗಾಗಿ ಯುವ ಆಟಗಾರರಿಗೆ ಮಣೆ ಹಾಕಲಿದ್ದೇವೆ. ಕೆಎಲ್ ರಾಹುಲ್ ಮತ್ತು ರೋಹಿತ್ ಈ ಮಾದರಿಯಲ್ಲಿ ಉತ್ತಮವಾಗಿ ಆಡುತ್ತಿಲ್ಲ. ಇದರೊಂದಿಗೆ ಗಿಲ್ ಜೊತೆಗೆ ಯಶಸ್ವಿಯನ್ನು ಪ್ರಯತ್ನಿಸಲು ನಾವು ಸಿದ್ಧರಾಗಿದ್ದೇವೆ" ಎಂದು ಹೇಳಿದ್ದಾರೆ.

ಗಾಯದಿಂದಾಗಿ ಕೆಎಲ್ ರಾಹುಲ್ ಐಪಿಎಲ್‌ನಿಂದ ಹೊರಗುಳಿದಿದ್ದಾರೆ. ಆದರೆ, ಈ ಹಿಂದೆ ಆಡಿದ ಎಲ್ಲ ಪಂದ್ಯಗಳಲ್ಲೂ ರಾಹುಲ್ ಸ್ಟ್ರೈಕ್ ರೇಟ್ ದೊಡ್ಡ ಸಮಸ್ಯೆಆಐಇತ್ತು. ರಾಹುಲ್ 9 ಪಂದ್ಯಗಳಲ್ಲಿ 113 ಸ್ಟ್ರೈಕ್ ರೇಟ್‌ನೊಂದಿಗೆ 274 ರನ್ ಗಳಿಸಿದ್ದರು. ಟಿ20 ಮಾದರಿಯಲ್ಲಿ ಸ್ಟ್ರೈಕ್ ರೇಟ್ ಮುಖ್ಯ. ಬದಲಾಗುತ್ತಿರುವ ಆಟದಿಂದಾಗಿ ಈ ಸ್ವರೂಪಕ್ಕೆ ಆಕ್ರಮಣಕಾರಿ ಆಟಗಾರರು ಬಹಳ ಮುಖ್ಯ.

ಮತ್ತೊಂದೆಡೆ, ಭಾರತ ತಂಡದ ನಾಯಕ ರೋಹಿತ್ ಶರ್ಮಾ ಕೂಡ ಟೆಸ್ಟ್ ಮತ್ತು ಏಕದಿನ ಪಂದ್ಯಗಳಲ್ಲಿ ಫಾರ್ಮ್​ನಲ್ಲಿಲ್ಲ. ಐಪಿಎಲ್ 2023 ರಲ್ಲಿ ಇಲ್ಲಿಯವರೆಗೆ, ರೋಹಿತ್ 11 ಪಂದ್ಯಗಳಲ್ಲಿ 17ರ ಸರಾಸರಿಯಲ್ಲಿ 124 ಸ್ಟ್ರೈಕ್ ರೇಟ್‌ನೊಂದಿಗೆ 191 ರನ್ ಗಳಿಸಿದ್ದಾರೆ.

ಯಶಸ್ವಿ ಜೈಸ್ವಾಲ್ 11 ಪಂದ್ಯಗಳಲ್ಲಿ 52 ರ ಸರಾಸರಿಯಲ್ಲಿ 575 ರನ್ ಗಳಿಸಿದ್ದಾರೆ. ಐಪಿಎಲ್ 2023ರಲ್ಲಿ ಸ್ಟ್ರೈಕ್ ರೇಟ್ 167 ಆಗಿದೆ. ಕಳೆದ ಪಂದ್ಯದಲ್ಲಿ ಯಶಸ್ವಿ ಕೇವಲ 13 ಎಸೆತಗಳಲ್ಲಿ ಅರ್ಧಶತಕ ಗಳಿಸಿದ್ದರು. ಪವರ್‌ಪ್ಲೇಯಲ್ಲಿ ವೇಗವಾಗಿ ಬ್ಯಾಟಿಂಗ್ ಮಾಡುವ ಧೈರ್ಯವಿದೆ. ಈ ಐಪಿಎಲ್‌ನಲ್ಲಿ ಪವರ್‌ಪ್ಲೇನಲ್ಲಿ 179 ರನ್ ಗಳಿಸಿದ್ದಾರೆ. ಇದರೊಂದಿಗೆ ಈ ಹುಡುಗನನ್ನು ಆಯ್ಕೆ ಮಾಡಲು ಆಯ್ಕೆಗಾರರು ಸಿದ್ಧರಾಗಿದ್ದಾರೆ.

ಮತ್ತೊಂದೆಡೆ ಶುಭಮನ್ ಗಿಲ್ ಕೂಡ 47ರ ಸರಾಸರಿಯಲ್ಲಿ ಮತ್ತು 144 ಸ್ಟ್ರೈಕ್ ರೇಟ್ ನಲ್ಲಿ 469 ರನ್ ಗಳಿಸಿದ್ದಾರೆ. ಕಳೆದ ವರ್ಷದಿಂದ ಗಿಲ್ ಧೂಳು ಎಬ್ಬಿಸುತ್ತಿರುವುದು ಗೊತ್ತೇ ಇದೆ. ಅವರು ಎಲ್ಲಾ ಮೂರು ಮಾದರಿಗಳಲ್ಲಿ ಶತಕಗಳನ್ನು ಗಳಿಸಿದ ಆಟಗಾರರಾಗಿದ್ದಾರೆ. ಭವಿಷ್ಯದ ಕೊಹ್ಲಿ ಎಂದು ಈಗಾಗಲೇ ಕರೆಯಲಾಗುತ್ತಿದೆ.

ಈ ವರ್ಷ ಏಕದಿನ ವಿಶ್ವಕಪ್ ಇದೆ. ಇದರೊಂದಿಗೆ ರೋಹಿತ್ ಶರ್ಮಾ ಹಾಗೂ ಕೆಎಲ್ ರಾಹುಲ್ ಅವರ ಗಮನ ಏಕದಿನ ಪಂದ್ಯಗಳ ಮೇಲಿದೆ. ಇದರೊಂದಿಗೆ ಐರ್ಲೆಂಡ್ ಪ್ರವಾಸದಲ್ಲಿ ಆರಂಭಿಕರಾಗಿ ಯಶಸ್ವಿ ಜೈಸ್ವಾಲ್ ಮತ್ತು ಶುಭಮನ್ ಗಿಲ್ ಅವರನ್ನು ಆಯ್ಕೆಗಾರರು ಪ್ರಯತ್ನಿಸಬಹುದು. ಇದೇ ವೇಳೆ ರಾಹುಲ್ ಮತ್ತು ರೋಹಿತ್ ಅವರ ಟಿ20 ವೃತ್ತಿಜೀವನ ಅಂತ್ಯವಾಗಬಹುದು.