IPL 2023: ವಿಶ್ವಕಪ್​ಗೂ ಮುನ್ನ ನಾಯಕತ್ವದಿಂದ ರೋಹಿತ್ ಔಟ್? ಟೀಂ ಇಂಡಿಯಾ ಸಾರಥಿಯಾಗ್ತಾರಾ ಪಾಂಡ್ಯ?

2013 ರ ODI ಚಾಂಪಿಯನ್ಸ್ ಟ್ರೋಫಿ ಗೆದ್ದ ನಂತರ, ಭಾರತ ಮತ್ತೊಮ್ಮೆ ಐಸಿಸಿ ಟೂರ್ನಿಗಳಲ್ಲಿ ಚಾಂಪಿಯನ್ ಆಗಲಿಲ್ಲ. ನಂತರದ ICC ಈವೆಂಟ್‌ಗಳಲ್ಲಿ, ಅವರು ಸೆಮಿಸ್ ಅಥವಾ ಫೈನಲ್‌ಗೆ ತಲುಪಿರುವುದೇ ದೊಡ್ಡ ವಿಚಾರ.

ಧೋನಿ ನಾಯಕತ್ವದಿಂದ ಕೆಳಗಿಳಿದ ನಂತರ ಕೊಹ್ಲಿ ನಾಯಕತ್ವವನ್ನು ವಹಿಸಿಕೊಂಡರು. ಕೊಹ್ಲಿ ನಾಯಕತ್ವದಲ್ಲಿಯೂ ಟೀಂ ಇಂಡಿಯಾ ಐಸಿಸಿ ಟೂರ್ನಿಗಳಲ್ಲಿ ಉತ್ತಮ ಪ್ರದರ್ಶನ ನೀಡಲಿಲ್ಲ. ಅದರೊಂದಿಗೆ 2021ರ ಟಿ20 ವಿಶ್ವಕಪ್ ಬಳಿಕ ಟೀಂ ಇಂಡಿಯಾ ನಾಯಕತ್ವದಿಂದ ಕೆಳಗಿಳಿದಿದ್ದರು.

ಸದ್ಯ ರೋಹಿತ್ ಶರ್ಮಾ ನಾಯಕರಾಗಿದ್ದಾರೆ. ಅವರ ನಾಯಕತ್ವದಲ್ಲಿ ಟೀಂ ಇಂಡಿಯಾ ಒಂದು ಟಿ20 ವಿಶ್ವಕಪ್ ಆಡಿದೆ. ಆದರೆ ನಾಯಕನ ಬದಲಾವಣೆ ಬಿಟ್ಟರೆ ಟೀಂ ಇಂಡಿಯಾದ ಲಕ್​ ಮಾತ್ರ ಬದಲಾಗಿಲ್ಲ.

ಸದ್ಯ ರೋಹಿತ್ ಶರ್ಮಾ ಫಾರ್ಮ್ ನಲ್ಲಿಲ್ಲ. ಪ್ರಸ್ತುತ ನಡೆಯುತ್ತಿರುವ ಐಪಿಎಲ್‌ನಲ್ಲಿ ಕಳಪೆ ಪ್ರದರ್ಶನ ನೀಡುತ್ತಿದ್ದಾರೆ. ಮತ್ತು ಟೀಂ ಇಂಡಿಯಾ ಪರವಾಗಿಯೂ ಅವರ ಪ್ರದರ್ಶನ ಅಷ್ಟಾಗಿ ಉತ್ತಮವಾಗಿಲ್ಲ. ಅದೇ ಸಮಯದಲ್ಲಿ, ಗುಜರಾತ್ ಟೈಟಾನ್ಸ್ ನಾಯಕರಾಗಿ ಆಯ್ಕೆಯಾದ ಹಾರ್ದಿಕ್ ಪಾಂಡ್ಯ 2022 ರಲ್ಲಿ ತಮ್ಮ ತಂಡವನ್ನು ಚಾಂಪಿಯನ್ ಮಾಡಿದ್ದರು.

ಇತ್ತೀಚಿನ ಋತುವಿನಲ್ಲಿಯೂ ಅವರು ತಮ್ಮ ತಂಡಕ್ಕೆ ಸತತ ಗೆಲುವುಗಳನ್ನು ತಂದುಕೊಡುವಲ್ಲಿ ಯಶಸ್ವಿಯಾಗಿದ್ದಾರೆ . ಹಾರ್ದಿಕ್​ ಈಗಾಗಲೇ ಟೀಂ ಇಂಡಿಯಾ ಟಿ20 ತಂಡದ ನಾಯಕರಾಗಿ ಆಯ್ಕೆಯಾಗಿದ್ದಾರೆ. ಹೀಗಾಗಿ ಹಾರ್ದಿಕ್ ಪಾಂಡ್ಯ ಇದೀಗ ರೋಹಿತ್ ಶರ್ಮಾಗೆ ದೊಡ್ಡ ತಲೆನೋವಾಗಿದ್ದಾರೆ.

ಈ ವರ್ಷ ಭಾರತದಲ್ಲಿ ನಡೆಯಲಿರುವ ಏಕದಿನ ವಿಶ್ವಕಪ್ ವರೆಗೂ ರೋಹಿತ್ ಅವರನ್ನು ಟೀಂ ಇಂಡಿಯಾ ನಾಯಕನಾಗಿ ಮುಂದುವರಿಸಲು ಬಿಸಿಸಿಐ ಚಿಂತನೆ ನಡೆಸಿದೆ ಎಂದು ಗೊತ್ತಾಗಿದೆ. ಆದರೆ ಬಿಸಿಸಿಐ ಈ ಆಲೋಚನೆಯನ್ನು ಬದಲಾಯಿಸಿದರೆ ಆಶ್ಚರ್ಯವಿಲ್ಲ.

ಒಂದು ವೇಳೆ ಹಾರ್ದಿಕ್ ಮತ್ತೊಮ್ಮೆ ಈ ಬಾರಿಯ ಐಪಿಎಲ್ ಟ್ರೋಫಿ ಗೆದ್ದರೆ ರೋಹಿತ್ ಶರ್ಮಾ ನಾಯಕತ್ವಕ್ಕೆ ತೊಂದರೆಯಾಗಲಿದೆ. ಮುಂಬೈ ಇಂಡಿಯನ್ಸ್ ಕೊನೆಯ ಬಾರಿಗೆ 2020 ರಲ್ಲಿ ಐಪಿಎಲ್ ಗೆದ್ದಿತ್ತು.

ಈ ಕ್ರಮದಲ್ಲಿ ರೋಹಿತ್ ಶರ್ಮಾ ಇನ್ನು ಕೆಲವು ವರ್ಷಗಳ ಕಾಲ ಟೀಂ ಇಂಡಿಯಾ ನಾಯಕನಾಗಿ ಉಳಿಯಬೇಕಾದರೆ ಮೊದಲು ಫಾರ್ಮ್ ಗೆ ಬರಬೇಕಾಗಿದೆ. ಇಲ್ಲವಾದರೆ ಅವರ ನಾಯಕತ್ವವನ್ನು ಹಾರ್ದಿಕ್‌ ಕೈ ಸೇರುವ ಸಾಧ್ಯತೆ ಇದೆ.