IPL 2023: RCB ತಂಡಕ್ಕೆ ಶಾಕ್​ ಮೇಲೆ ಶಾಕ್​! ಮತ್ತೆ ಗಾಯಕ್ಕೆ ತುತ್ತಾದ ಮ್ಯಾಕ್ಸ್​ವೆಲ್​, ಇಬ್ಬರು ಸ್ಟಾರ್ ಆಟಗಾರರು ಇಂಜುರಿ

ಐಪಿಎಲ್ 2023 ಸೀಸನ್ ವೇಳಾಪಟ್ಟಿ ಬಿಡುಗಡೆ ಆಗಿದೆ. ಐಪಿಎಲ್ 16ನೇ ಸೀಸನ್ ಮಾರ್ಚ್ 31ರಿಂದ ಆರಂಭವಾಗಲಿದೆ. 4 ಬಾರಿಯ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್ ಮೊದಲ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಗುಜರಾತ್ ಟೈಟಾನ್ಸ್ ತಂಡದ ವಿರುದ್ಧ ಸೆಣಸಾಡಲಿದೆ.

ಆದರೆ ಇದರ ನಡುವೆ ಬೆಂಗಳೂರು ತಂಡಕ್ಕೆ ಈ ಬಾರಿ ಭರ್ಜರಿ ಹಿನ್ನಡೆಯಾಗುವ ಸಾಧ್ಯತೆಗಳು ಹೆಚ್ಚಿವೆ. ಹೌದು ಸ್ಟಾರ್​​ ಆಟಗಾರ ಮತ್ತೊಮ್ಮೆ ಇಂಜುರಿಗೆ ತುತ್ತಾಗಿದ್ದಾರೆ.

ಈಗಾಗಲೇ ಆರ್​ಸಿಬಿ ತಂಡದ ಆಸ್ಟ್ರೇಲಿಯಾ ವೇಗಿ ಜೋಶ್ ಹ್ಯಾಝಲ್​ವುಡ್ ಸ್ನಾಯು ನೋವಿನ ಕಾರಣ ಬಾರ್ಡರ್​ ಗವಾಸ್ಕರ್​ ಟೆಸ್ಟ್ ಸರಣಿಯಿಂದ ಹೊರನಡೆದಿದ್ದಾರೆ. ಹೀಗಾಗಿ ಜೋಶ್ ಐಪಿಎಲ್​ನಲ್ಲಿ ಕಣಕ್ಕಿಳಿಯುವುದು ಅನುಮಾನವಾಗಿದೆ.

ಇದರ ನಡುವೆ ಹಸರಂಗ ಪಾಕಿಸ್ತಾನ್ ಸೂಪರ್ ಲೀಗ್ 2023ರ ಋತುವಿನಲ್ಲಿ ಆಡಲು ನಿರ್ಧರಿಸಿದ್ದರು. ಆದರೆ ಶ್ರೀಲಂಕಾ ಆಡಳಿತ ಮಂಡಳಿ ಅವರಿಗೆ ಇದರಲ್ಲಿ ಆಡಲು ಎನ್‌ಒಸಿ ನೀಡಿರಲಿಲ್ಲ. ಅದೇ ರೀತಿ ಹಸರಂಗ ಅವರಿಗೆ ಐಪಿಎಲ್​ ಆಡಲೂ ಇನ್ನೂ ಲಂಕಾ ಮಂಡಳಿ ಎನ್​ಓಸಿ ನೀಡಿಲ್ಲ.

ಇವುಗಳ ನಡುವೆ ಮತ್ತೋರ್ವ ಆರ್​ಸಿಬಿ ಆಟಗಾರ ಗ್ಲೆನ್ ಮ್ಯಾಕ್ಸ್​ವೆಲ್ ಮತ್ತೊಮ್ಮೆ ಗಾಯಗೊಂಡಿದ್ದಾರೆ. ತಮ್ಮ ಜನ್ಮದಿನ ಪಾರ್ಟಿಯಲ್ಲಿ ಗಾಯಗೊಂಡು ಚೇತರಿಸಿಕೊಂಡ ಬಳಿಕ ಮ್ಯಾಕ್ಸ್​ವೆಲ್​ ಮತ್ತೆ ಕಣಕ್ಕಿಳಿದಿದ್ದರು.

ಅವರು ಶೆಫೀಲ್ಡ್ ಶೀಲ್ಡ್​ ಟೂರ್ನಿಯಲ್ಲಿ ಫಿಟ್​ನೆಸ್​ಗಾಗಿ ಆಡುತ್ತಿದ್ದಾರೆ. ಆದರೆ ಸೌತ್ ಆಸ್ಟ್ರೇಲಿಯಾ ವಿರುದ್ಧದ ಪಂದ್ಯದಲ್ಲಿ ಮ್ಯಾಕ್ಸ್​ವೆಲ್​ ಫೀಲ್ಡಿಂಗ್ ಮಾಡುವ​ ವೇಳೆ ಮತ್ತೆ ಗಾಯಗೊಂಡಿದ್ದಾರೆ.

ಸ್ಲಿಪ್​ನಲ್ಲಿ ಫೀಲ್ಡಿಂಗ್ ಮಾಡಿದ್ದ ಮ್ಯಾಕ್ಸ್​ವೆಲ್ ಬಾಲ್​ ಹಿಡಿಯುವ ವೇಳೆ ಬಾಲ್​ ಅವರ ಕೈಗೆ ಬಡಿದಿದೆ. ಹೀಗಾಗಿ ಮ್ಯಾಕ್ಸಿ ನೋವಿನಿಂದಾಗಿ ಪಂದ್ಯವನ್ನು ಅರ್ಧದಲ್ಲೇ ಬಿಟ್ಟು ಹೋಗಿದ್ದಾರೆ. ಇದಾದ ಬಳಿಕ ಅವರು ಮತ್ತೆ ಕಣಕ್ಕಿಳಿದಿಲ್ಲ.

ಹೀಗಾಗಿ ಅವರು ಗಾಯದ ಬಗ್ಗೆ ಹೆಚ್ಚಿನ ಮಾಹಿತಿ ದೊರಕಿಲ್ಲವಾದರೂ, ಸ್ಕ್ಯಾನಿಂಗ್ ಮಾಡಲಾಗಿದೆ ಎಂದು ತಿಳಿದುಬಂದಿದೆ. ಹೀಗಾಗಿ ಅವರ ಗಾಯದ ಸ್ವರೂಪ್ ಮತ್ತಷ್ಟು ಹೆಚ್ಚಾದ್ದಲ್ಲಿ ಅವರು ಭಾರತದ ವಿರುದ್ಧದ ಏಕದಿನ ಸರಣಿ ಜೊತೆಗೆ ಐಪಿಎಲ್​ನಲ್ಲಿ ಕಣಕ್ಕಿಳಿಯುವುದು ಅನುಮಾನ ಎನ್ನಲಾಗಿದೆ.