IPL 2023: ಗುಜರಾತ್​ ವಿರುದ್ಧ ಮುಂಬೈ ಸೋತರೆ ಆರ್​ಸಿಬಿಗೆ ಲಾಭ! ಪ್ಲೇಆಫ್​ ರೇಸ್​ನಲ್ಲಿ ಬಿಗ್​ ಟ್ವಿಸ್ಟ್​

ಇಂಡಿಯನ್ ಪ್ರೀಮಿಯರ್ ಲೀಗ್ 2023ರ (IPL 2023) 57ನೇ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ಮತ್ತು ಗುಜರಾತ್ ಟೈಟಾನ್ಸ್ (GT vs MI) ತಂಡಗಳು ಸೆಣಸಾಡುತ್ತಿದೆ.

ಇಂದಿನ ಪಂದ್ಯವು ಪ್ಲೇಆಫ್​ ರೇಸ್​ನಿಂದಾಗಿ ಉಭಯ ತಂಡಗಳಿಗೆ ಅತ್ಯಂತ ಮಹತ್ವದ್ದಾಗಿದೆ. ಇತ್ತ ಗುಜರಾತ್​ ಟೈಟನ್ಸ್ ತಂಡವು 16 ಅಂಕಗಳಿಂದ ಅಗ್ರಸ್ಥಾನದಲ್ಲಿದ್ದು, ಮುಂಬೈ ತಂಡ 12 ಅಂಕ ಹೊಂದಿದೆ.

ಹೀಗಾಗಿ ಗುಜರಾತ್​ ತಂಡ ಮುಂಬೈ ವಿರುದ್ಧ ಗೆದ್ದರೆ ನೇರವಾಗಿ ಪ್ಲೇಆಫ್​ ಪ್ರವೇಶಿಸಲಿದೆ. ಇತ್ತ ಮುಂಬೈ ಸೋತರೆ ಆರ್​ಸಿಬಿ ತಂಡಕ್ಕೆ ದೊಡ್ಡ ಲಾಭವಾಗಲಿದೆ.

ಹೌದು, ಮುಂಬೈ ಇಂಡಿಯನ್ಸ್ ಗೆದ್ದರೆ 14 ಅಂಕ ಪಡೆಯಲಿದೆ. ಇದರಿಂದ ಮುಂಬೈ ತಂಡದ ಪ್ಲೇಆಫ್ ಹಾದಿ ಸುಗಮವಾಗಲಿದ್ದು, 3ನೇ ಸ್ಥಾನಕ್ಕೇರಲಿದೆ. ಆ ಮೂಲಕ ರಾಜಸ್ಥಾನ್​ ತಂಡ 4ನೇ ಸ್ಥಾನಕ್ಕೆ ಕುಸಿಯಲಿದೆ.

ಆದರೆ, ಮುಂಬೈ ಸೋತರೆಆರ್​ಸಿಬಿಗೆ ಪ್ಲಸ್​ ಪಾಯಿಂಟ್​ ಆಗಲಿದೆ. ಏಕೆಂದರೆ ಮುಂಬೈ ಉಳಿದಿರುವ 3 ಪಂದ್ಯದಲ್ಲಿ 1 ಸೋತು 3 ಪಂದ್ಯ ಗೆದ್ದರೆ 16 ಅಂಕವಾಗಲಿದೆ. ಆಗ ಮುಂಬೈ 4ನೇ ಸ್ಥಾನದಲ್ಲಿ ಉಳಿಯಲಿದೆ.

ಆಗ ಆರ್​ಸಿಬಿ ತಂಡ ಸಹ 16 ಅಂಕಗಳಿಸುವ ಮೂಲಕ ಉತ್ತಮ ರನ್​​ರೇಟ್​ ಹೊಂದುವ ಮೂಲಕ ಮುಂಬೈ ತಂಡವನ್ನು ಹಿಂದಿಕ್ಕಿ 4ನೇ ಸ್ಥಾನಕ್ಕೇರುವ ಅವಕಾಶ ಸಿಗಲಿದೆ. ಹೀಗಾಗಿ ಆರ್​ಸಿಬಿ ಫ್ಯಾನ್ಸ್ ಮುಂಬೈ ಸೋಲಿಗೆ ಕಾಯುತ್ತಿದೆ.

ಆದರೆ, ಗುಜರಾತ್​ ತಂಡ ಗೆದ್ದರೆ ಆರ್​ಸಿಬಿ ತಂಡಕ್ಕೆ ಯಾವುದೇ ನಷ್ಟವಾಗುವುದಿಲ್ಲ. ಆದರೆ ಮುಂಬೈ ಗೆದ್ದರೆ ಆರ್​ಸಿಬಿ ತಂಡದ ಪ್ಲೇಆಫ್​ ಹಾದಿ ಕಷ್ಟಕರವಾಗಲಿದೆ. ಹೀಗಾಗಿ ಇಂದು ಮುಂಬೈ ಸೋಲುವುದು ಆಋ್​ಸಿಬಿಗೆ ಸಹಾಯಕವಾಗಲಿದೆ.