IPL 2023: ನಿಮ್ಮ ಕೈಯಲ್ಲಿರೋ ಆರ್​ಸಿಬಿ ಪಂದ್ಯದ ಟಿಕೆಟ್​ ಅಸಲಿನಾ? ನಕಲಿನಾ? ಹೀಗೆ ಚೆಕ್​ ಮಾಡಿ

ಐಪಿಎಲ್‌ (IPL 2023) ಹವಾ ಜೋರಾಗಿದೆ. ಹೀಗಾಗಿ ಅಭಿಮಾನಿಗಳು ಒನ್ ಟು ಡಬಲ್ ಹಣ ಕೊಟ್ಟು ಟಿಕೆಟ್ ಖರೀದಿ ಮಾಡುತ್ತಿದ್ದಾರೆ. ಆದರೆ ಟಿಕೆಟ್ ತೆಗೆದುಕೊಂಡು ಮ್ಯಾಚ್ ನೋಡಲು ಹೋಗುವ ಜನರಿಗೆ ಕಳೆದ ಕೆಲ ದಿನಗಳಿಂದ ಶಾಕ್​ ಎದುರಾಗುತ್ತಿದೆ.

ಹೌದು, ಆರ್​ಸಿಬಿ ಪಂದ್ಯ ಎಂದು ನೀವು ಏನಾದರೂ ಬ್ಲಾಕ್​ನಲ್ಲಿ ಟಿಕೆಟ್​ ಸಿಗುತ್ತಿದೆ ಎಂದು ಖರೀದಿಸಿ ಹೋದ್ದಲ್ಲಿ ಅದು ನಕಲಿ ಟಿಕೆಟ್​ ಆಗಿರುವ ಸಾಧ್ಯತೆ ಹೆಚ್ಚಿರುತ್ತದೆ. ಕಳೆದ ಲಕ್ನೋ ಪಂದ್ಯದ ವೇಳೆ ಬೆಂಗಳೂರಿನಲ್ಲಿ ಈ ರೀತಿಯ ಘಟನೆಗಳು ಬೆಳಕಿಗೆ ಬಂದಿದೆ.

ಕಳೆದ ಬಾರಿ ಬೆಂಗಳೂರಿನಲ್ಲಿ ನಡೆದ ಆರ್​ಸಿಬಿ ಪಂದ್ಯದ ಸಂದರ್ಭದಲ್ಲಿ ಬ್ಲಾಕ್​ನಲ್ಲಿ ಬರೋಬ್ಬರಿ 7 ಸಾವಿರ ಟಿಕೆಟ್​ ಸೇಲ್ ಆಗಿರುವುದು ಬೆಳಕಿಗೆ ಬಂದಿದೆ. ನಕಲಿ ಟಿಕೆಟ್ ಮಾರಾಟ ದಂಧೆ ಎಗ್ಗಿಲ್ಲದೆ ನಡೆಯುತ್ತಿದ್ದು, ಕಲರ್ ಪ್ರೀಂಟ್‌ ಮಾಡಿ ಬ್ಲಾಕ್​ನಲ್ಲಿ ಟಿಕೆಟ್ ಮಾರಾಟ ಮಾಡುತ್ತಿರುವುದು ಬಯಲಾಗಿದೆ.

ಹೀಗಾಗಿ ನೀವು ಈ ಕುರಿತು ಎಚ್ಚರಿಕೆಯಿಂದ ಇರಬೇಕಿದ್ದು, ಟಿಕೆಟ್​ ಸಿಕ್ಕ ತಕ್ಷಣ ಅದು ನಕಲಿಯೋ ಅಥವಾ ಅಸಲಿಯೋ ಎಂದು ಮೊದಲು ತಿಳಿದುಕೊಳ್ಳುವುದು ಮುಖ್ಯವಾಗಿದೆ. ಮುಂಬರಲಿರುವ ಆರ್​ಸಿಬಿ ಮತ್ತು ಚೆನ್ನೈ ತಂಡದ ನಡುವಿನ ಪಂದ್ಯದ ಟಿಕೆಟ್​ಗಳು ಈಗಾಗಲೇ ಸೋಲ್ಡ್​ ಔಟ್​ ಆಗಿದೆ ಎಂದು ಅಧಿಕೃತವಾಗಿ ಹೇಳಲಾಗಿದೆ.

ಹೀಗಾಗಿ ಈ ಪಂದ್ಯದ ಟಿಕೆಟ್​ಗಳು ಕಾಳಸಂತೆಯಲ್ಲಿ ಟಿಕೆಟ್​ ಸಿಗುತ್ತಿದೆ ಎಂದು ಖರೀದಿಸುವ ಮುನ್ನ ಕೊಂಚ ಎಚ್ಚರವಿರಲಿ. ಒಮ್ಮೆ ಈ ರೀತಿ ಟಿಕೆಟ್​ಗಳು ನಿಮ್ಮ ಕೈಯಲ್ಲಿ ಈಗಾಗಲೇ ಇದ್ದಲ್ಲಿ ಅದನ್ನು ತಕ್ಷಣ ಈ ರೀತಿಯಾಗಿ ಪರಿಶೀಲಿಸಿಕೊಳ್ಳಿ.

ಮೊದಲಿಗೆ ಟಿಕೆಟ್​ ಪೇಪೆರ್​ ಯಾವ ಕ್ವಾಲಿಟಿಯಲ್ಲಿದೆ ಎಂದು ನೋಡಿಕೊಳ್ಳಿ. ಫೇಕ್​ ಟಿಕೆಟ್​ ಆದ್ದಲ್ಲಿ ಅದು ಕಲರ್​ ಝೇರಾಕ್ಸ್ ಆಗಿರುವ ಸಾಧ್ಯತೆ ಹೆಚ್ಚಿರುತ್ತದೆ. ಅಲ್ಲದೇ ನಿಜವಾದ ಟಿಕೆಟ್​ ಪಕ್ಕ ಬಾರ್​ ಕೋಡ್​ ಅಥವಾ ಕ್ಯೂರ್​ ಕೋಡ್​ ಇರುತ್ತದೆ. ಇದನ್ನೂ ನೋಡುವ ಮೂಲಕ ನಿಮ್ಮ ಟಿಕೆಟ್​ ನಕಲಿಯೋ ಅಥವಾ ಅಸಲಿಯೋ ಎಂದು ಪರಿಶೀಲಿಸಲಿಕೊಳ್ಳಬಹುದು.

ಏನಾದರೂ ನೀವು ಪಂದ್ಯದ ದಿನ ಟಿಕೆಟ್ ಹಿಡಿದು ಕ್ಯೂ ಆರ್ ಕೋಡ್ ಸ್ಕಾನ್ ಮಾಡಿದಾಗ ನಕಲಿ ಎಂದು ಬಂದಲ್ಲಿ ತೊಂದರೆಗೆ ಸಿಲುಕುತ್ತಿರಾ. ಹೀಗಾಗಿ ಮೊದಲೇ ಖರೀದಿಸುವಾಗ ಮೈದಾನಕ್ಕೆ ಹೋಗಿ ಖರೀದಿಸಿ. ಇಲ್ಲವಾದ್ದಲ್ಲಿ ಪೇಟಿಯಂ, ಬುಕ್​ ಮೈ ಶೋ ಅಥವಾ ಐಪಿಎಲ್​ ಅಧಿಕೃತ ವೆಬ್​ಸೈಟ್​ ಮೂಲಕ ಬುಕ್​ ಮಾಡಿಕೊಳ್ಳಿ

ಈಗಾಗಲೇ ನಕಲಿ ಟಿಕೆಟ್‌ ದಂಧೆ ಬೆಳಕಿಗೆ ಬತ್ತಿದ್ದಂತೆ ಕೆಎಸ್‌ಸಿಎ ವತಿಯಿಂದ ಕಬ್ಬನ್ ಪಾರ್ಕ್ ಪೊಲೀಸರಿಗೂ ದೂರು ನೀಡಲಾಗಿದೆ. ಸದ್ಯ ಎಫ್‌ಐಆರ್ ದಾಖಲಿಸಿಕೊಂಡಿರುವ ಪೊಲೀಸರು ಬ್ಲಾಕ್ ಟಿಕೆಟ್ ದಂಧೆಕೋರರ ಮೇಲೆ ಕಣ್ಣಿಟ್ಟಿದ್ದಾರೆ.