RCB 2023: ಪುನೀತ್ ಹಾಡು ಹಾಡಿದ ಕ್ರಿಸ್ ಗೇಲ್, ಅಪ್ಪು ಅಭಿಮಾನಿಗಳ ಹೃದಯ ಗೆದ್ದ ಯೂನಿವರ್ಸಲ್ ಬಾಸ್!

ಕ್ರಿಕೆಟ್‌ ಲೋಕದ ಯೂನಿವರ್ಸಲ್‌ ಬಾಸ್‌, ಆರ್​ಸಿಬಿ ಮಾಜಿ ಆಟಗಾರ ಕ್ರಿಸ್‌ ಗೇಲ್ ಯಾರಿಗೆ ಗೊತ್ತಿಲ್ಲ ಹೇಳಿ. ಅವರು ಕ್ರಿಕೆಟ್​ನಿಂದ ದೂರವಿದ್ದರೂ ಸಹ ಕ್ರೇಜ್​ ಮಾತ್ರ ಕಡಿಮೆ ಆಗಿಲ್ಲ.

ಅದೇ ರೀತಿ ಇದೀಗ ಗೇಲ್​ ಆರ್‌ಸಿಬಿ ಇನ್‌ಸೈಡರ್‌‌ ಶೋನಲ್ಲಿ ಮಾತನಾಡುವ ಮೂಲಕ ಆರ್​ಸಿಬಿ ಅಭಿಮಾನಿಗಳ ಮನಸ್ಸನ್ನು ಗೆದ್ದಿದ್ದಾರೆ.ಸದ್ಯ ಐಪಿಎಲ್​ 2023 ಫೀವರ್​ ಜೋರಾಗಿದೆ. ಇದರ ನಡುವೆ ಆರ್​ಸಿಬಿ ಮಾಜಿ ಆಟಗಾರ ಕ್ರಿಸ್​ ಗೇಲ್​ ಆರ್​ಸಿಬಿ ಅಭಿಮಾನಿಗಳ ಜೊತೆಗೆ ಕಲಬುರಗಿ ಹಾಗೂ ಪುನೀತ್​ ಅಭಿಮಾನಿಗಳ ಮನಸ್ಸನ್ನು ಗೆದ್ದಿದ್ದಾರೆ.

ಪುನೀತ್​ ಅವರಿಗೆ ಅಪ್ಪು ಬಾಸ್​ ಎಂದು ಅವರ ಸಿನಿಮಾದ ಹಾಡನ್ನು ಹಾಡಿದ್ದಾರೆ. ಆರ್​ಸಿಬಿ ಪಂದ್ಯದ ವೇಳೆ ಮೈದಾನದಲ್ಲಿ ಕಾಣುತ್ತಿರುವ ಗೇಲ್​, ಸದ್ಯ ಬೆಂಗಳೂರಿನಲ್ಲಿಯೇ ಇದ್ದಾರೆ.

ಹೀಗಾಗಿ ಆರ್​ಸಿಬಿ ನಡೆಸುವ RCB insider ಕಾರ್ಯಕ್ರಮದಲ್ಲಿ ಗೇಲ್​ ಭಾಗಿಯಾಗಿ ಕರ್ನಾಟಕದ ಎಲ್ಲರ ಮೆಚ್ಚಿನ ಅಪ್ಪು ಅವರ ಬಗ್ಗೆ ಮಾತನಾಡಿದ್ದು, ಇದೀಗ ಎಲ್ಲರ ಸಂತಸಕ್ಕೆ ಕಾರಣವಾಗಿದೆ.

ದಾನಿಶ್‌ ಸೇಠ್‌ ಅಲಿಯಾಸ್​ ಮಿ.ನಾಗ್ಸ್ ನಡೆಸಿಕೊಡುವ ಆರ್‌ಸಿಬಿ ಇನ್‌ಸೈಡರ್‌‌ ಶೋನಲ್ಲಿ ಯೂನಿವರ್ಸಲ್​ ಬಾಸ್​ ಗೇಲ್​ ಅವರು ಪುನೀತ್‌ ಬಗ್ಗೆ ಮಾತನಾಡಿದ್ದು, ದೇರ್‌ ಈಸ್‌ ಓನ್ಲಿ 2 ಬಾಸಸ್‌. ಯೂನಿವರ್ಸ್‌ ಬಾಸ್‌ ಮತ್ತು ಅಪ್ಪು ಬಾಸ್‌ ಎಂದಿದ್ದಾರೆ. ಈ ಮೂಲಕ ಅಪ್ಪು ಅಭಿಮಾನಿಗಳ ಮನಸ್ಸು ಗೆದ್ದಿದ್ದಾರೆ.

ಇದರ ಜೊತೆಗೆ ಗೇಲ್​ ಪುನೀತ್​ ರಾಜ್​ಕುಮಾರ್​ ಅಭಿನಯದ ದೊಡ್ಮನೆ ಹುಡಗ ಚಿತ್ರದ ‘ತ್ರಾಸ್ ಆಗ್ತೈತಿ ಜೀವಕ್ಕೆ ತ್ರಾಸ್ ಆಗ್ತೈತಿ‘ ಹಾಡನ್ನು ಹಾಡುವ ಮೂಲಕ ಅಪ್ಪು ಮೇಲಿನ ಪ್ರೀತಿಯನ್ನು ವ್ಯಕ್ತಪಡಿಸಿದರು.

ಇನ್ನು, ಇದೇ ಕಾರ್ಯಕ್ರಮದಲ್ಲಿ ಗೇಲ್​ ಕಲಬುರಗಿ ಜೊತೆಗಿನ ತಮ್ಮ ವಿಶೇಷ ನಂಟನ್ನು ತೆರೆದಿಟ್ಟಿದ್ದಾರೆ. ಐ ಲವ್​ ಕಲಬುರಗಿ ಎಂದಿರುವ ಗೇಲ್​ ಅಲ್ಲಿನ ಜೋಳದ ರೊಟ್ಟಿ ಮತ್ತು ಶೇಂಗಾ ಚಟ್ನಿ ತಿನ್ನುವ ಬಗ್ಗೆಯೂ ತಮ್ಮ ಸಂತಸ ಹಂಚಿಕೊಂಡಿದ್ದಾರೆ.

ಇದೇ ವೇಳೆ, ಗೇಲ್​‌ ಕಲಬುರಗಿಯಲ್ಲಿ ನನ್ನ ಅಪಾರ ಅಭಿಮಾನಿಗಳಿದ್ದಾರೆ. ಅವರಿಗೆ ಧನ್ಯವಾದ ಎಂದಿದ್ದಾರೆ. ಇದರ ಸಂಪೂರ್ಣ ವಿಡಿಯೋವನ್ನು RCB ತನ್ನ ಯೂಟ್ಯೂಬ್‌ ಮತ್ತು ಟ್ವಿಟರ್​ ಹಾಗೂ ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದೆ.