IPL 2023: ಕಳೆದ ಆವೃತ್ತಿಯಲ್ಲಿ ಹೀರೋ, ಈ ಸೀಜನ್​ನಲ್ಲಿ ಜೀರೋ! ಆರ್​ಸಿಬಿಗೆ ಈ ಆಟಗಾರ ಅಗತ್ಯವೇ?

ಈ ಬಾರಿ ಕಪ್ ​ ನಮ್ದೆ ಎಂದ ಘೋಷಣೆ ಈ ಬಾರಿ ಕಪ್​ ನಹೀ ಆಗಿ ಬದಲಾಗಿದೆ. ಐಪಿಎಲ್​ ಆರಂಭದ ಆವೃತ್ತಿಯಿಂದ ಆಡುತ್ತಿದ್ದರು ಕೂಡ ರಾಯಲ್​ ಚಾಲೆಂಜರ್ಸ್​​ ಬೆಂಗಳೂರು ತಂಡ ಐಪಿಎಲ್ ಚಾಂಪಿಯನ್​ ಸಾಧ್ಯವಾಗಿಲ್ಲ.

2023ರ ಆವೃತ್ತಿಯಲ್ಲೂ ಆರ್​ಸಿಬಿಗೆ ದುರದೃಷ್ಟವೇ ಎದುರಾಗಿದೆ. ಪ್ಲೇ ಆಫ್ಸ್​​​ಗೆ ಸೇರಲು ಗೆಲ್ಲಲೇಬೇಕಾದ ಪಂದ್ಯದಲ್ಲಿ ಆರ್​​ಸಿಬಿ ಸೋಲುಂಡಿದೆ. ಕೊಹ್ಲಿ ಶತಕ ಸಿಡಿಸಿ ಮಿಂಚಿಸಿದರು, ಎದುರಾಳಿ ತಂಡದ ಬ್ಯಾಟರ್​ ಗಿಲ್​​ ಬ್ಯಾಟಿಂಗ್​ ಎದುರು ಆರ್​ಸಿಬಿ ಬೌಲರ್​ಗಳು ನಿಲ್ಲಲು ಆಗಲಿಲ್ಲ, ಈ ಹಿನ್ನೆಲೆಯಲ್ಲಿ ತಂಡ ಸೋಲುಂಡಿದೆ.

ಇನ್ನು, ಈ ಸೀಜನ್​ನಲ್ಲಿ ಫಿನಿಷರ್​​ ಸ್ಥಾನದಲ್ಲಿದ್ದ ದಿನೇಶ್ ಕಾರ್ತಿಕ್​ ಕಳಪೆ ಪ್ರದರ್ಶನ ನೀಡಿದ್ದಾರೆ. ಕಳೆದ ಆವೃತ್ತಿಯಲ್ಲಿ ಸ್ಫೋಟಕ ಪ್ರದರ್ಶನ ನೀಡಿದ ಡಿಕೆ, 16ನೇ ಆವೃತ್ತಿಯಲ್ಲಿ ಮಾತ್ರ ನಿರಾಸೆ ಮೂಡಿಸಿದ್ದಾರೆ. ಡಕೌಟ್​ ಮೇಲೆ ಡಕೌಟ್​ ಆಗುವ ಮೂಲಕ ತಂಡದ ಕಳಪೆ ಪ್ರದರ್ಶನಕ್ಕೆ ಕಾರಣರಾಗಿದ್ದಾರೆ.

ಈ ಆವೃತ್ತಿಯಲ್ಲಿ 13 ಪಂದ್ಯಗಳನ್ನು ಆಡಿದ ದಿನೇಶ್ ಕಾರ್ತಿಕ್​​, ಕೇವಲ 140 ರನ್​ಗಳನ್ನಷ್ಟೇ ಗಳಿಸಿದ್ದಾರೆ. ಒಮ್ಮೆ ಮಾತ್ರ 30 ರನ್ ಗಳಿಸಿದ್ದರು. ಇನ್ನು,ಡಕೌಟ್​ ಬಗ್ಗೆ ಹೇಳುವಂತಯೇ ಇಲ್ಲ. ಬರೋಬ್ಬರಿ 5 ಬಾರಿ ಖಾತೆ ತೆರೆಯದೇ ಪೆವಿಲಿಯನ್​ ಸೇರಿದ್ದರು.

ಗುಜರಾತ್​ ಟೈಟಾನ್ಸ್ ವಿರುದ್ಧ ನಡೆದ ಪ್ರಮುಖ ಪಂದ್ಯದಲ್ಲಿ ಕೂಡ ಕಾರ್ತಿಕ್ ನಿರಾಸೆ ಮೂಡಿಸಿದ್ದರು. 15ನೇ ಓವರ್​​ನಲ್ಲಿ ಬ್ಯಾಟಿಂಗ್​​ಗೆ ಇಳಿದ ಡಿಕೆ, ಮೊದಲೇ ಎಸೆದಲ್ಲೇ ಔಟಾಗಿ ಪೆವಿಲಿಯನ್​ ಸೇರಿದ್ದರು. ತನಗೆ ನೀಡಿದ್ದ ಫಿನಿಷರ್ ರೋಲ್​ಗೆ ನ್ಯಾಯ ಮಾಡುವಲ್ಲಿ ವಿಫಲರಾಗಿದ್ದರು.

ಕಾರ್ತಿಕ್​ ಜೊತೆಗೆ ಆರ್​ಸಿಬಿ ಮಿಡಲ್​ ಅರ್ಡರ್​, ಬೌಲಿಂಗ್ ಯೂನಿಟ್​ ಕೂಡ ವಿಫಲವಾಗಿತ್ತು. ಕೊಹ್ಲಿ, ಮ್ಯಾಕ್ಸ್​ವೆಲ್​​, ಫಾಫ್​ ಡುಪ್ಲೆಸಿಸ್​​ ಆಟಗಾರರು ಬಿಟ್ಟರೆ ಬೇರೆ ಯಾವುದೇ ಆಟಗಾರನಿಂದ ನಿರೀಕ್ಷತ ಪ್ರದರ್ಶನ ಬರಲಿಲ್ಲ. ಅಭಿಮಾನಿಗಳು ಭರವಸೆ ಇಟ್ಟಿದ್ದ ಹಜಲ್​​ವುಡ್​, ಹರಸಂಗ, ಹರ್ಷಲ್ ಪಟೇಲ್​ ಫ್ಲಾಪ್ ಶೋ ನೀಡಿದ್ದಾರೆ.

ಆವೃತ್ತಿಯ ಕೆಲವು ಪಂದ್ಯಗಳಲ್ಲಿ ಆರ್​ಸಿಬಿ 200 ರನ್​​ ಸ್ಕೋರ್ ಗಳಿಸಿದ್ದರೂ ಕಳಪೆ ಬೌಲಿಂಗ್​ ತಂಡಕ್ಕೆ ಗೆಲುವು ದೂರ ಮಾಡಿತ್ತು. ಹರ್ಷಲ್ ಪಟೇಲ್ ಅಂತು ಬಿಮರ್ಸ್​ ಹಾಕಿ ಬೌಲಿಂಗ್ ನಿಂದ ಡಿಸ್​​ ಕ್ವಾಲಿಫೈ ಕೂಡ ಆಗಿದ್ದರು.

ಆರ್​​ಸಿಬಿ ಬೌಲಿಂಗ್​, ಮಧ್ಯಮ ಕ್ರಮಾಂಕ ಸರಿಯಾಗಲಿಲ್ಲ ಎಂದರೆ ಮುಂದಿನ ಆವೃತ್ತಿಯಲ್ಲೂ ಇದೇ ಫಲಿತಾಂಶವನ್ನು ಎದುರಿಸಬೇಕಾಗುತ್ತದೆ. ಪ್ರಮುಖ ಪಂದ್ಯದಲ್ಲಿ ಸೋಲುಂಡು ಮತ್ತೊಮ್ಮೆ ಅಭಿಮಾನಿಗಳಿಗೆ ನಿರಾಸೆ ಮೂಡಿಸಿದ್ದಾರೆ.