IPL 2023: ಬ್ಯಾನ್ ಆಗ್ತಾರಾ ಕಿಂಗ್​ ಕೊಹ್ಲಿ? 'ವಿರಾಟ' ಪ್ರದರ್ಶನಕ್ಕೆ ಇದು ಲಾಸ್ಟ್ ಚಾನ್ಸ್!

ಆರ್‌ಸಿಬಿ ನಾಯಕ ವಿರಾಟ್ ಕೊಹ್ಲಿಗೆ ಬಿಸಿಸಿಐ 24 ಲಕ್ಷ ರೂಪಾಯಿ ದಂಡ ವಿಧಿಸಿದೆ. ರಾಜಸ್ಥಾನ ವಿರುದ್ಧದ ಪಂದ್ಯದಲ್ಲಿ RCB ನಿಧಾನಗತಿಯ ಓವರ್‌ಗಳನ್ನು ಬೌಲ್ ಮಾಡಿದ ನಂತರ ಈ ಕ್ರಮವನ್ನು ತೆಗೆದುಕೊಳ್ಳಲಾಗಿದೆ. ಕೊಹ್ಲಿ ಹೊರತಾಗಿ ತಂಡದ ಇತರ ಸದಸ್ಯರೂ ಈ ದಂಡವನ್ನು ತೆರಬೇಕಾಗುತ್ತದೆ.

ಐಪಿಎಲ್‌ನ ಈ ಸೀಸನ್‌ನಲ್ಲಿ ವಿರಾಟ್ ವಿರುದ್ಧ ಇಂತಹ ಕ್ರಮ ಕೈಗೊಳ್ಳುತ್ತಿರುವುದು ಇದು ಎರಡನೇ ಬಾರಿ. ಇದರಿಂದಾಗಿ ನಾಯಕ ಮತ್ತು ಪರಿಣಾಮ ಆಟಗಾರರು ಸೇರಿದಂತೆ ಆಡುವ ಹನ್ನೊಂದರಲ್ಲಿರುವ ಎಲ್ಲಾ ಆಟಗಾರರು ದಂಡವನ್ನು ಪಾವತಿಸಬೇಕಾಗುತ್ತದೆ. ಈ ಪಂದ್ಯದಲ್ಲಿ ಆರ್‌ಸಿಬಿ 7 ರನ್‌ಗಳ ಜಯ ಸಾಧಿಸಿತ್ತು.

ರಾಜಸ್ಥಾನ್ ರಾಯಲ್ಸ್ ವಿರುದ್ಧದ ಪಂದ್ಯಕ್ಕೆ ಆರ್‌ಸಿಬಿ ವಿರಾಟ್ ಕೊಹ್ಲಿಯನ್ನು ನಾಯಕನನ್ನಾಗಿ ಮಾಡಿತ್ತು. ಏಪ್ರಿಲ್ 23 ರಂದು ರಾಜಸ್ಥಾನ್ ರಾಯಲ್ಸ್ ವಿರುದ್ಧದ ಪಂದ್ಯದಲ್ಲಿ ನಿಧಾನಗತಿಯ ಓವರ್‌ಗಳಿಗಾಗಿ ದಂಡ ವಿಧಿಸಲಾಗಿದೆ ಎಂದು ಬಿಸಿಸಿಐ ಹೇಳಿದೆ.

ವಿರಾಟ್ ಕೊಹ್ಲಿ ಹೊರತುಪಡಿಸಿ, ಆಡುವ ಪ್ಲೇಯಿಂಗ್​ 11ನಲ್ಲಿ ವಿರಾಟ್ ಕೊಹ್ಲಿ ಹೊರತುಪಡಿಸಿ ಇತರ ಆಟಗಾರರಿಗೆ 6 ಲಕ್ಷ ರೂಪಾಯಿ ಅಥವಾ ಪಂದ್ಯದ ಶುಲ್ಕದ 25% ದಂಡವನ್ನು ವಿಧಿಸಲಾಗುತ್ತದೆ. ಐಪಿಎಲ್ ನಿಯಮಗಳ ಪ್ರಕಾರ ಆರ್‌ಸಿಬಿ ತಂಡ ಇಂತಹ ತಪ್ಪು ಮಾಡಿದ್ದು ಇದು ಎರಡನೇ ಬಾರಿ.

ಹೀಗಾಗಿ ಕೊಹ್ಲಿಗೆ 24 ಲಕ್ಷ ರೂ. ಆಡುವ ಇಲೆವೆನ್‌ನಲ್ಲಿರುವ ಆಟಗಾರರ ವಿರುದ್ಧ ಶಿಕ್ಷಾರ್ಹ ಕ್ರಮವನ್ನೂ ತೆಗೆದುಕೊಳ್ಳಲಾಗುವುದು ಎಂದು ಎಚ್ಚರಿಸಿದೆ. ಇದೀಗ ಆರ್‌ಸಿಬಿ ಮತ್ತೆ ಅಂತಹ ತಪ್ಪು ಮಾಡಿದರೆ ಆರ್​ಸಿಬಿ ತಂಡದ ನಾಯಕ ಯಾರೇ ಆಗಿದ್ದರೂ ಸಹ ಬಿಸಿಸಿಐ ನಿಯಮದ ಪ್ರಕಾರ ಒಂದು ಪಂದ್ಯದಿಂದ ನಿಷೇಧ ಹೇರಲಾಗುತ್ತದೆ.

ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧ ನಿಧಾನಗತಿಯ ಓವರ್‌ ಮಾಡಿದ್ದಕ್ಕಾಗಿ ಆರ್‌ಸಿಬಿಗೆ ಮೊದಲು ದಂಡ ವಿಧಿಸಿತ್ತು. ಆಗ ಫಾಫ್ ಡುಪ್ಲೆಸಿಸ್ ನಾಯಕರಾಗಿದ್ದರು. ಹೀಗಾಗಿ 12 ಲಕ್ಷ ರೂ. ದಂಡ ವಿಧಿಸಿತ್ತು. ಇದೀಗ ಎರಡನೇ ಬಾರಿ ತಪ್ಪು ನಡೆದಿದ್ದು ನಾಯಕತ್ವ ವಿರಾಟ್ ಕೊಹ್ಲಿ ಅವರದ್ದಾಗಿತ್ತು. ಹೀಗಾಗಿ ಈಗ ವಿರಾಟ್ ಕೊಹ್ಲಿ ಕೂಡ ದಂಡ ತೆತ್ತಿದ್ದಾರೆ.

ಇನ್ನೇನಾದರೂ ಈ ಐಪಿಎಲ್​ ಸೀಸನ್​ನಲ್ಲಿ ಒಂದು ಪಂದ್ಯದಲ್ಲಿ ನಿಧಾನಗತಿಯ ಓವರ್​ ಮಾಡಿದರೆ, ಆ ವೇಳೆ ತಂಡದ ನಾಯಕನಾಗಿರುವವರು ಮುಂದಿನ ಒಂದು ಪಂದ್ಯದಿಂದ ನಿಷೇಧಕ್ಕೆ ಒಳಗಾಗಬೇಕಾಗುತ್ತದೆ. ಅದು ಆರ್​ಸಿಬಿ ತಂಡದ ವಿರಾಟ್ ಕೊಹ್ಲಿ ಅಥವಾ ಫಾಫ್​ ಡು ಪ್ಲೇಸಿಸ್​ ಆಗಿರಬಹುದು.

ಇನ್ನು, ಸ್ಲೋ ಓವರ್ ರೇಟ್​​ ಕಾರಣ ಬೆಂಗಳೂರಿನ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ರಾಜಸ್ಥಾನ್ ರಾಯಲ್ಸ್ ವಿರುದ್ಧ ನಡೆದ ಪಂದ್ಯದಲ್ಲಿ ಆನ್​​-ಫಿಲ್ಡ್ ಪೆನಾಲ್ಟಿಯನ್ನು ಎದುರಿಸುತ್ತು. ಇದರ ಅನ್ವಯ ಇನ್ನಿಂಗ್ಸ್​ನ 20ನೇ ಓವರ್​​ನಲ್ಲಿ 30 ಯಾರ್ಡ್​ ಸರ್ಕಲ್​ ಹೊರಗೆ ಫೀಲ್ಡಿಂಗ್​​ ಮಾಡಲು ಕೇವಲ ನಾಲ್ವರು ಫೀಲ್ಡರ್​ಗಳಿಗೆ ಮಾತ್ರ ಅವಕಾಶ ನೀಡಲಾಗುತ್ತದೆ.