IPL 2023: ಅಂಪೈರ್​ ತಪ್ಪಿನಿಂದ ಆರ್​ಸಿಬಿ ಸೋತ್ರಾ? ಸೋಲಿನ ನಡುವೆ ಬೆಂಗಳೂರು ನಾಯಕನಿಗೆ ಬಿತ್ತು ಭಾರಿ ದಂಡ

ರಾಯಲ್ ಚಾಲೆಂಜರ್ಸ್ ಬೆಂಗಳೂರು vs ಲಕ್ನೋ ಸೂಪರ್ ಜೈಂಟ್ಸ್ ಪಂದ್ಯವನ್ನು ಕೊನೆಯ ಎಸೆತದಲ್ಲಿ ಒಂದು ವಿಕೆಟ್‌ನಿಂದ ಗೆದ್ದು ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿತು. ಈ ರೋಚಕ ಪಂದ್ಯದಲ್ಲಿ ಲಕ್ನೋ ತಂಡ 213 ರನ್​ಗಳನ್ನು ಬೆನ್ನಟ್ಟಿ ಕೊನೆಯ ಎಸೆತದಲ್ಲಿ ಗೆದ್ದು ಬೀಗಿತು.

ಆದರೆ ಈ ಪಂದ್ಯದಲ್ಲಿ ಲಕ್ನೋ ಸ್ಪಿನ್ನರ್ ಅಮಿತ್ ಮಿಶ್ರಾ ಪ್ರಮುಖ ನಿಯಮವನ್ನು ಮುರಿದಿದ್ದಾರೆ. ಪಂದ್ಯದ ನಡುವೆ ಮಿಶ್ರಾ ಚೆಂಡಿನ ಮೇಲೆ ಉಗುಳನ್ನು (ಎಂಜಲು) ಹಚ್ಚಿದ್ದು ಇದೀಗ ಕಂಡುಬಂದಿದೆ. ಅದೇ ಓವರ್‌ನಲ್ಲಿ ಕೊಹ್ಲಿ ವಿಕೆಟ್ ಕೂಡ ಪಡೆದರು. ಇದರಿಂದ ಬಾಲ್​ ಹೆಚ್ಚು ಸ್ವಿಂಗ್​ ಆಗುತ್ತದೆ.

ಆದರೆ ಐಸಿಸಿ ನಿಯಮಕ್ಕೆ ಇದು ವಿರುದ್ಧವಾಗಿದೆ. ಕೊರೊನಾ ನಂತರ, ಐಸಿಸಿ ಚೆಂಡಿನ ಮೇಲೆ ಉಗುಳನ್ನು ಹಚ್ಚುವುದು ನಿಷೇಧಿಸಿತು. ಈ ನಿಯಮ ಇನ್ನೂ ಜಾರಿಯಲ್ಲಿದೆ. ಚೆಂಡಿನ ಮೇಲೆ ಎಂಜಲು ಬಳಕೆಗೆ 5 ರನ್‌ ದಂಡ ವಿಧಿಸಲಾಗುತ್ತದೆ. ಅಲ್ಲದೇ ಬೌಲರ್​ಗೆ ಎಚ್ಚರಿಕೆಯನ್ನೂ ನೀಡಬೇಕು. ಆದರೆ ಆರ್​ಸಿಬಿ ಪಂದ್ಯದಲ್ಲಿ ಮಿಶ್ರಾ ಮಾಡಿದ ಈ ತಪ್ಪನ್ನು ಅಂಫೈರ್​ ನೋಡದ ಕಾರಣ ಆರ್​ಸಿಬಿಗೆ 5 ರನ್​ ಸಿಗುವುದು ಮಿಸ್​ ಆಗಿದೆ.

ಇದಲ್ಲದೇ, ಪಂದ್ಯದ ಬಳಿಕ ಆವೇಶ್​ ಖಾನ್​ ಗೆದ್ದ ಸಂಭ್ರಮದಲ್ಲಿ ಹೆಲ್ಮೇಟ್​ನ್ನು ನೆಲಕ್ಕೆ ಹೊಡೆದಿರುವುದು ಇದೀಗ ಐಸಿಸಿ ನಿಯಮದ ವಿರುದ್ಧವಾಗಿದೆ ಇದು ಬಿಸಿಸಿಐ ನಿರ್ಮಿಸಿರುವ ಐಪಿಎಲ್​ನ ನೀತಿ ಸಂಹಿತೆಯ 2.2 ಹಂತ 1 ಅಪರಾಧವಾಗಿದೆ.

ಹೀಗಾಗಿ ಇದೀಗ ಆವೇಶ್​ ಖಾನ್​ಗೆ ದಂಡವನ್ನು ವಿಧೀಸಲಾಗಿದೆ. ಆವೇಶ್ ಖಾನ್​ಗೆ ಬಿಸಿಸಿಐ ಈ ಬಗ್ಗೆ ಎಚ್ಚರಿಕೆ ನೀಡಿದ್ದು, ಅಪರಾಧಕ್ಕಾಗಿ ಆವೇಶ್ ಖಾನ್​ ದಂಡವನ್ನು ಕಟ್ಟಿದ್ದಾರೆ ಎಂದು ತಿಳಿದುಬಂದಿದೆ. ಶೇಕಡಾ 50 ಪಂದ್ಯ ಶುಲ್ಕವನ್ನು ಕಡಿತಗೊಳಿಸುವ ಅವಕಾಶವಿದೆ.

ಇವರಲ್ಲದೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ನಾಯಕ ಫಾಫ್ ಡು ಪ್ಲೆಸಿಸ್ ವಿರುದ್ಧವೂ ಕ್ರಮ ಕೈಗೊಳ್ಳಲಾಗಿದೆ. ನಿಧಾನಗತಿಯ ಓವರ್ ರೇಟ್‌ಗಾಗಿ ಐಪಿಎಲ್ ಆಡಳಿತ ಮಂಡಳಿಯು ನಾಯಕನ ವೇತನದಿಂದ 12 ಲಕ್ಷ ರೂಪಾಯಿಗಳನ್ನು ಕಡಿತಗೊಳಿಸಲು ನಿರ್ಧರಿಸಿದೆ.

ಹೌದು, ಲಕ್ನೋ ಪಂದ್ಯದ ಕೊನೆಯ 20ನೇ ಓವರ್ ಸಮಯದಲ್ಲಿ ಬೆಂಗಳೂರು ತಂಡ ನಿಗದಿ ಮಾಡಿದ ಸಮಯಕ್ಕಿಂತ ಎರಡು ಓವರ್ ಹಿಂದಿತ್ತು ಎಂದು ತಿಳಿದುಬಂದಿದೆ. ಇದೇ ಕಾರಣಕ್ಕಾಗಿ ಇದೀಗ ತಂಡದ ನಾಯಕನಿಗೆ ದಂಡವನ್ನು ವಿಧೀಸಲಾಗಿದೆ.