IPL 2023 Playoffs: RCB ಸೋತ್ರೆ ಈ 2 ತಂಡಗಳಿಗೆ ಲಾಭ, ಇಂಡಿನ ಪಂದ್ಯದ ಮೇಲೆ ನಿಂತಿದೆ 3 ತಂಡಗಳ ಭವಿಷ್ಯ

ಐಪಿಎಲ್ 2023ರಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಇಂದು ಸನ್‌ರೈಸರ್ಸ್ ಹೈದರಾಬಾದ್​ನ್ನು ಎದುರಿಸುತ್ತಿದೆ. ಪಂದ್ಯಾವಳಿಯಲ್ಲಿ ಈ ಸಮಯದಲ್ಲಿ RCB 5ನೇ ಸ್ಥಾನದಲ್ಲಿದೆ. ಆರ್​ಸಿಬಿ 12 ಪಂದ್ಯಗಳಲ್ಲಿ 6 ಗೆಲುವಿನೊಂದಿಗೆ 12 ಅಂಕ ಹೊಂದಿದೆ.

ಹೀಗಾಗಿ ಆರ್​ಸಿಬಿ ಮುಂದಿನ ಎರಡು ಪಂದ್ಯಗಳನ್ನು ಯಾವುದೇ ಬೆಲೆ ತೆತ್ತಾದರೂ ಗೆಲ್ಲಲೇಬೇಕು. ಇಂತಹ ಪರಿಸ್ಥಿತಿಯಲ್ಲಿ ಇಂದಿನ ಪಂದ್ಯದಲ್ಲಿ ಹೈದರಾಬಾದ್ ತಂಡ ಸೋತರೆ ಆರ್​ಸಿಬಿ ಟಾಪ್-4ರಲ್ಲಿ ಬರಲಿದೆ. ಹೈದರಾಬಾದ್ ಈಗಾಗಲೇ ಪ್ಲೇ ಆಫ್ ರೇಸ್‌ನಿಂದ ಹೊರಬಿದ್ದಿದೆ.

ಗುಜರಾತ್ ಟೈಟಾನ್ಸ್ ಪ್ಲೇ ಆಫ್‌ಗೆ ತನ್ನ ಸ್ಥಾನವನ್ನು ಖಚಿತಪಡಿಸಿದೆ. ಈಗ ಉಳಿದ ಮೂರು ಸ್ಥಾನಗಳಿಗೆ 4 ತಂಡಗಳು ಕಣದಲ್ಲಿವೆ. ಈ ಪೈಕಿ ಮೂರು ತಂಡಗಳು ಏಳು ಪಂದ್ಯಗಳನ್ನು ಗೆದ್ದಿವೆ.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮಾತ್ರ 12 ಪಂದ್ಯಗಳನ್ನು ಆಡಿ 6 ಗೆಲುವುಗಳೊಂದಿಗೆ 12 ಅಂಕಗಳನ್ನು ಹೊಂದಿದೆ. ಇಂದು ಅವರು ತಮ್ಮ 13ನೇ ಪಂದ್ಯವನ್ನು ಆಡಲಿದೆ. ಬಳಿಕ 1 ಪಂದ್ಯ ಬಾಕಿ ಉಳಿಯಲಿದೆ.

ರಾಜಸ್ಥಾನ ರಾಯಲ್ಸ್, ಪಂಜಾಬ್ ಕಿಂಗ್ಸ್ ಮತ್ತು ಕೋಲ್ಕತ್ತಾ ನೈಟ್​ ರೈಡರ್ಸ್​ ಔಪಚಾರಿಕವಾಗಿ ಪ್ಲೇಆಫ್ ರೇಸ್‌ನಿಂದ ಹೊರಗುಳಿಯದಿದ್ದರೂ ಮುಂದಿನ ಸುತ್ತಿಗೆ ಹೋಗುವುದು ಅಸಾಧ್ಯ ಎನ್ನಬಹುದು. ಹೈದರಾಬಾದ್‌ ಒಂದು ವೇಳೆ ಗೆದ್ದರೆ ಇಂದು ಎರಡು ತಂಡಗಳಿಗೆ ಜಾಕ್‌ಪಾಟ್‌ ಹೊಡೆಯಲಿದೆ.

ಏಡನ್ ಮಾರ್ಕ್ರಾಮ್ ತಂಡ ಆರ್‌ಸಿಬಿಯನ್ನು ಸೋಲಿಸಿದರೆ, ಚೆನ್ನೈ ಸೂಪರ್ ಕಿಂಗ್ಸ್, ಲಕ್ನೋ ಸೂಪರ್ ಜೈಂಟ್ಸ್‌ಗೆ ಲಾಭವಾಗಲಿದೆ. ಮುಂದಿನ ಪಂದ್ಯವನ್ನು ಆಡದೆ ಪ್ಲೇ ಆಫ್‌ನಲ್ಲಿ ತನ್ನ ಸ್ಥಾನವನ್ನು ಭದ್ರಪಡಿಸಿಕೊಳ್ಳಲಿದ್ದಾರೆ.

ಏಕೆಂದರೆ ಈ ಎರಡೂ ತಂಡಗಳು 7 ಪಂದ್ಯಗಳನ್ನು ಗೆದ್ದಿವೆ ಮತ್ತು ಅದೇ ಸಮಯದಲ್ಲಿ ಅವರ 1 ಪಂದ್ಯವು ಮಳೆಯಿಂದ ರದ್ದಾಗಿತ್ತು. ರನ್ ರೇಟ್‌ನಲ್ಲೂ ಇಬ್ಬರೂ ಉತ್ತಮ ಸ್ಥಿತಿಯಲ್ಲಿದ್ದಾರೆ.

ಪ್ರಸ್ಥುತ ಚೆನ್ನೈ ಮತ್ತು ಲಕ್ನೋ 15 ಅಂಕಗಳನ್ನು ಹೊಂದಿವೆ. ಯಾವುದೇ ಪೈಪೋಟಿಯಿಲ್ಲದೆ ಈ ಎರಡೂ ತಂಡಗಳು ಪ್ಲೇ ಆಫ್‌ನಲ್ಲಿ ತಮ್ಮ ಸ್ಥಾನವನ್ನು ಭದ್ರಪಡಿಸಿಕೊಳ್ಳಲಿವೆ. ಇದಾದ ಬಳಿಕ ಉಳಿದ ಒಂದು ಸ್ಥಾನಕ್ಕಾಗಿ ಮುಂಬೈ ಇಂಡಿಯನ್ಸ್ ಬೆಂಗಳೂರು, ರಾಜಸ್ಥಾನ, ಕೋಲ್ಕತ್ತಾ ಮತ್ತು ಪಂಜಾಬ್ ಸೆಣಸಲಿದೆ.