IPL 2023: ಟೆಸ್ಟ್​​ ಮ್ಯಾಚ್​​ಗೂ ಬೇಡ ಅಂತ ತಂಡದಿಂದ ಕೈ ಬಿಟ್ರು; ಕಟ್​ ಮಾಡಿದ್ರೆ IPLನಲ್ಲಿ ಬೌಲರ್​ಗಳ ಮೇಲೆ ಕ್ರಿಕೆಟಿಗನ ಸವಾರಿ!

2020-2021ರ ಅವಧಿಯಲ್ಲಿ ಆಸ್ಟ್ರೇಲಿಯಾ ಪ್ರವಾಸವನ್ನು ಟೀಂ ಇಂಡಿಯಾ ಕೈಗೊಂಡಿತ್ತು. ನಾಲ್ಕು ಟೆಸ್ಟ್​ ಪಂದ್ಯಗಳ ಟೆಸ್ಟ್​ ಸರಣಿಯಲ್ಲಿ ಮೊದಲ ಟೆಸ್ಟ್​ ಪಂದ್ಯದಲ್ಲಿ ಹೀನಾಯವಾಗಿ ಸೋಲುಂಡಿತ್ತು. ಎರಡನೇ ಇನ್ನಿಂಗ್ಸ್​​ನಲ್ಲಿ ಟೀಂ ಇಂಡಿಯಾ 36 ರನ್​ಗಳಿಗೆ ಆಲೌಟ್​ ಆಗಿತ್ತು.

ಮೊದಲ ಟೆಸ್ಟ್​ ಬಳಿಕ ಅನುಷ್ಕಾ ಶರ್ಮಾ ಮಗುವಿಗೆ ಜನ್ಮ ನೀಡಿದ ಕಾರಣ ಕೊಹ್ಲಿ ರಜೆ ಪಡೆದು ಭಾರತಕ್ಕೆ ವಾಪಸ್ ಆಗಿದ್ದರು. ತಂಡದಲ್ಲಿ ಕೊಹ್ಲಿ ಇಲ್ಲ, ಮೊದಲ ಪಂದ್ಯದಲ್ಲಿ ಹೀನಾಯ ಸೋಲುಂಡಿತ್ತು. ಈ ವೇಳೆ ಟೀಂ ಇಂಡಿಯಾ ಆಸೀಸ್​​ನಲ್ಲಿ ಇನ್ನೆಷ್ಟು ಅವಮಾನಗಳನ್ನು ಎದುರಿಸಬೇಕೋ ಅಂತ ಹಲವು ಅಭಿಮಾನಿಗಳು ಯೋಚನೆ ಮಾಡಿದ್ದರು.

ಆದರೆ ಈ ವೇಳೆ ಟೀಂ ಇಂಡಿಯಾ ನಾಯಕತ್ವ ವಹಿಸಿಕೊಂಡ ರಹಾನೆ ಅದ್ಬುತಗಳನ್ನು ಮಾಡಿ ತೋರಿಸಿದ್ದರು. ಎರಡನೇ ಟೆಸ್ಟ್​ನಲ್ಲಿ ಟೀಂ ಇಂಡಿಯಾ ಗೆಲುವು ಪಡೆದಿತ್ತು. ಈ ಪಂದ್ಯದಲ್ಲಿ ರಹಾನೆ ಶತಕ ಸಿಡಿಸಿ ಮಿಂಚಿದ್ದರು. ಆ ಬಳಿಕ ಮೂರನೇ ಟೆಸ್ಟ್ ಡ್ರಾ ದೊಂದಿಗೆ ಅಂತ್ಯವಾಗಿತ್ತು. ಸರಣಿಯ ನಿರ್ಣಾಯಕ 4ನೇ ಟೆಸ್ಟ್​ ಪಂದ್ಯವನ್ನು ಗೆದ್ದ ಟೀಂ ಇಂಡಿಯಾ ಸರಣಿ ಗೆಲುವು ಪಡೆದುಕೊಂಡಿತ್ತು.

ಆಸೀಸ್​ ಟೂರ್ನಿಯ ಬಳಿಕ ಯುವ ಆಟಗಾರ ರಿಷಭ್​ ಪಂತ್​​ ಸ್ಟಾರ್​ ಆಗಿ ಹೊರಹೊಮ್ಮಿದ್ದರು. ಆದರೆ ರಹಾನೆಗೆ ಸಿಗಬೇಕಿದ್ದ ಹೆಸರು ಹಾಗೂ ಗೌರವ ಸಿಕ್ಕಿರಲಿಲ್ಲ. ಆ ಬಳಿಕ ರಹಾನೆ ಟೆಸ್ಟ್​ನಲ್ಲಿ ದೊಡ್ಡ ಮೊತ್ತಗಳನ್ನು ಗಳಿಸಲಿಲ್ಲ. ಇದರೊಂದಿಗೆ ಆತನಿಗೆ ಬಿಸಿಸಿಐ ತಂಡದಿಂದ ಕೊಕ್​​ದಿಂದ ಕೋಕ್​ ಕೊಟ್ಟಿತ್ತು.

ಇದೇ ವೇಳೆಯಲ್ಲಿ ಕಳೆದ ವರ್ಷ ಐಪಿಎಲ್​​ನಲ್ಲಿ ಕೆಕೆಆರ್ ತಂಡದ ಪರ ಕಣಕ್ಕಿಳಿದರು ರಹಾನೆ ಉತ್ತಮ ಪ್ರದರ್ಶನ ತೋರಲು ವಿಫಲರಾಗಿದ್ದರು. ಇದರೊಂದಿಗೆ ಕೆಕೆಆರ್​ ಕೂಡ ಆತನನ್ನು ಕೈ ಬಿಟ್ಟಿತ್ತು. ಆ ಬಳಿಕ ನಡೆದ ಮಿನಿ ಹರಾಜು ಪ್ರಕ್ರಿಯೆಯಲ್ಲಿ ರಹಾನೆ ಅವರನ್ನು 50 ಲಕ್ಷ ರೂಪಾಯಿಗೆ ಸಿಎಸ್​ಕೆ ಖರೀದಿ ಮಾಡಿತ್ತು.

ಮೊದಲ ಎರಡು ಪಂದ್ಯಗಳಲ್ಲಿ ಸಿಎಸ್​ಕೆ ತಂಡದಲ್ಲಿ ರಹಾನೆ ಬೆಚ್​​ಗೆ ಸಿಮೀತವಾಗಿದ್ದರು. ಆದರೆ ಮೂರನೇ ಪಂದ್ಯದಲ್ಲಿ ತಂಡಕ್ಕೆ ಎಂಟ್ರಿ ಕೊಟ್ಟಿದ್ದರು. ಆ ಬಳಿಕ ಐದು ಪಂದ್ಯದಲ್ಲಿ 61, 31, 37, 9, ಅಜೇಯ 71 ಗಳಿಸಿ ಎದುರಾಳಿ ತಂಡಕ್ಕೆ ಕಂಟಕವಾಗಿದ್ದರು.

ಈ ಆವೃತ್ತಿಯಲ್ಲಿ ಇದುವರೆಗೂ ಐದು ಪಂದ್ಯಗಳನ್ನು ಆಡಿರುವ ರಹಾನೆ 209 ರನ್​ ಗಳಿಸಿದ್ದಾರೆ. 199.05ರ ಸ್ಟ್ರೇಕ್​​ ರೇಟ್​ನಲ್ಲಿ ರನ್​​ ಗಳಿಸಿರುವುದು ವಿಶೇಷವಾಗಿದೆ. ಸದ್ಯ ಸಿಎಸ್​​ಕೆಗೆ ಸಿಕ್ಕ ಅಮೂಲ್ಯ ರತ್ನವಾಗಿ ರಹಾನೆ ಕಾಣುತ್ತಿದ್ದಾರೆ. ಇದೇ ವೇಳೆ ರಹಾನೆಯನ್ನು ಕೈಬಿಟ್ಟಿದ್ದಕ್ಕೆ ಕೆಕೆಆರ್ ಕೈಕೈ ಇಚುಕಿಕೊಳ್ಳುತ್ತಿದೆ. ಕೆಕೆಆರ್ ವಿರುದ್ಧ ನಡೆದ ಪಂದ್ಯದಲ್ಲೇ ರಹಾನೆ 71 ರನ್​ ಗಳಿಸಿ ಮಿಂಚಿದ್ದರು.

ಒಂದು ವರ್ಷದ ಹಿಂದೆ ರಹಾನೆ ಟೆಸ್ಟ್​ ಕ್ರಿಕೆಟ್​​ಗೂ ಬೇಡ ಎಂದ ಎಲ್ಲರೂ ಬ್ಯಾಟ್​ ಮೂಲಕವೇ ಉತ್ತರ ನೀಡಿದ್ದಾರೆ. ಬ್ಯಾಟಿಂಗ್ ಫಾರ್ಮ್​ ಎಂಬುವುದು ತಾತ್ಕಾಲಿಕ, ಆದರೆ ಕ್ಲಾಸ್​ ಎಂದಿಗೂ ಶಾಶ್ವತ ಅನ್ನೋ ತರ ರಹಾನೆ ಟೂರ್ನಿಯಲ್ಲಿ ಬ್ಯಾಟ್​ ಮಾಡ್ತಿದ್ದಾರೆ.