IPL 2023: Sorry ವಿರಾಟ್ ಕೊಹ್ಲಿ ಸರ್, RCB ಪರ ಆಡ್ತಿನಿ ಅಂದ ನವೀಲ್​-ಉಲ್​-ಹಕ್​!

ಈ ವರ್ಷ ಐಪಿಎಲ್​ 2023ರಲ್ಲಿ ಯಾರೂ ಮರೆಯಲಾಗದ ಕ್ಷಣ ಎಂದರೆ ಅದು ಲಕ್ನೋ ಮತ್ತು ಆರ್​ಸಿಬಿ ಪಂದ್ಯ, ಹೌದು, ವಿರಾಟ್ ಕೊಹ್ಲಿ ಜೊತೆ ಲಕ್ನೋ ತಂಡದ ಗೌತಮ್​ ಗಂಭೀರ್​ ಮತ್ತು ನವೀನ್​-ಉಲ್-ಹಕ್​ ಮೈದಾನದಲ್ಲಿಯೇ ಜಗಳವಾಡಿದ್ದರು.

ಈ ವಿವಾದ ಕೊನೆಗೆ ಮೈದಾನದ ಹೊರಗೂ ಮುಂದುವರೆಇದ್ದು, ವಿರಾಟ್ ಕೊಹ್ಲಿ, ಗೌತಮ್​ ಗಂಭೀರ್​ ಮತ್ತು ನವೀನ್​-ಉಲ್-ಹಕ್ ಸಾಮಾಜಿಕ ಜಾಲತಾಣಗಳಲ್ಲಿಯೂ ಒಬ್ಬರಿಗೆ ಒಬ್ಬರು ಟಾಂಗ್​ ನೀಡಲು ಆರಂಬಿಸಿದರು.

ಈ ವೇಳೆ ನವೀನ್​ ಒಮ್ಮೆ ಆರ್​ಸಿಬಿ ಪಂದ್ಯದ ವೇಳೆ ಮಾವಿನ ಹಣ್ಣಿನ ಫೋಟೋ ಹಾಕಿದ್ದು, ವಿವಾದ ಮತ್ತಷ್ಟು ಹೆಚ್ಚಾಗಲು ಕಾರಣವಾಯಿತು. ಇದು ಎಷ್ಟರಮಟ್ಟಿಗೆ ಹೋಗಿತ್ತೆಂದರೆ ನವೀನ್​ ಎಲ್ಲಿಗೇ ಹೋದರೂ ಸಹ ಕೊಹ್ಲಿ ಹೆಸರು ಕೇಳಿಬರುತ್ತಿತ್ತು.

ಆದರೆ ಲಕ್ನೋ ಕ್ವಾಲಿಪೈಯರ್​ ಪಂದ್ಯದ ಸೋಲಿನ ಬಳಿಕ ವಿರಾಟ್ ಕೊಹ್ಲಿ ಬಗ್ಗೆ ಕೇಳಿದ ಪ್ರಶ್ನೆಗೆ ನವೀನ್-ಉಲ್-ಹಕ್ ಮಾತನಾಡಿದ್ದು, ‘ನಾನು ಪ್ರೇಕ್ಷಕರಿಂದ ನಿಂದಿಸುವುದನ್ನು ಆನಂದಿಸುತ್ತಿದ್ದೆ. ಇಡೀ ಪ್ರೇಕ್ಷಕರು ವಿರಾಟ್ ಕೊಹ್ಲಿ ಅಥವಾ ಇನ್ನಾವುದೇ ಆಟಗಾರರ ಹೆಸರನ್ನು ತೆಗೆದುಕೊಳ್ಳುತ್ತಿದ್ದರೆ ನನಗೆ ಸಂತೋಷವಾಯಿತು. ಇದು ನನ್ನಲ್ಲಿ ಉತ್ತಮವಾಗಿ ಆಡುವ ಉತ್ಸಾಹವನ್ನು ಹುಟ್ಟುಹಾಕುವ ವಿಷಯ ಎಂದಿದ್ದಾರೆ.

ಆದರೆ ಇದೀಗ ಸಾಮಾಜಿಕ ಜಾಲಾತಾಣದಲ್ಲಿ ನವೀನ್​-ಉಲ್-ಹಕ್​ ಕೊಹ್ಲಿ ಬಳಿ ಕ್ಷಮೆಯಾಚಿಸಿದ್ದಾಗಿ ಒಂದು ಫೋಸ್ಟ್​ ಸಖತ್​ ವೈರಲ್​ ಆಗುತ್ತಿದೆ. ಅಲ್ಲದೇ ನವೀನ್ ಉಲ್ ಹಕ್ ಇದೀಗ ಕೊಹ್ಲಿ ನನ್ನ ನೆಚ್ಚಿನ ಕ್ರಿಕೆಟರ್, ಆರ್​ಸಿಬಿ ಪರ ಆಡುವ ಆಸೆ ಇದೆ ಎಂಬ ಟ್ವೀಟ್​ ವೈರಲ್​ ಆಗುತ್ತಿದೆ.

ನವೀನ್ ಉಲ್ ಹಕ್ ಸ್ವತಃ ಟ್ವೀಟ್ ಮಾಡಿದ್ದಾರೆ ಎನ್ನಲಾಗುತ್ತಿದೆ. ಈ ಟ್ವೀಟ್‌ನಲ್ಲಿ ನಾನು ವಿರಾಟ್ ಕೊಹ್ಲಿಯ ಅಭಿಮಾನಿ. ವಿರಾಟ್ ನನಗೆ ಬಾಲ್ಯದಿಂದಲೂ ಸ್ಪೂರ್ತಿ. ನಾನು ಲಕ್ನೋ ಬಿಟ್ಟು ವಿರಾಟ್ ಸರ್ ಅಡಿಯಲ್ಲಿ ಆರ್​ಸಿಬಿ ಪರ ಆಡಲು ಇಚ್ಛಿಸುತ್ತೇನೆ ಬರೆಯಲಾಗಿತ್ತು.

ಆದರೆ, ಈ ಟ್ವೀಟ್​ ನಿಜವಾದುದ್ದಲ್ಲ. ಬದಲಿಗೆ ಇದು ಫೇಕ್​ ಟ್ವೀಟ್​ ಆಗಿದೆ. ನವೀನ್​-ಉಲ್​-ಹಕ್​ ಹೆಸರಿನಲ್ಲಿ ಯಾರೋ ಬೆರೆಯವರು ಮಾಡಿರುವ ನಕಲಿ ಟ್ವೀಟ್​ ಆಗಿದೆ. ಆದರೆ ಈ ವಿವಾದದ ಬಳಿಕ ನವೀನ್​ ಎಲ್ಲಿಯೇ ಹೋದರೂ ಸಹ ಕೊಹ್ಲಿ ಹೆಸರು ಕೇಳಿಬರುತ್ತಿದೆ.