IPL 2023: ಜಸ್ಟ್​ ಒಂದೇ ಒಂದು ಥ್ರೋ, ಆರ್​ಸಿಬಿ ಇಂದ ಬಿಸಿಸಿಐಗೆ ಲಕ್ಷ ಲಕ್ಷ ಲಾಸ್​!

ಪಂಜಾಬ್ ಕಿಂಗ್ಸ್ ವಿರುದ್ಧದ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ವೇಗದ ಬೌಲರ್ ಮೊಹಮ್ಮದ್ ಸಿರಾಜ್ ಭರ್ಜರಿ ಬೌಲಿಂಗ್​ ಮಾಡಿದರು. ಈ ಪಂದ್ಯದಲ್ಲಿ ಸಿರಾಜ್ 4 ವಿಕೆಟ್ ಕಬಳಿಸಿ ಆರ್​ಸಿಬಿ ಗೆಲ್ಲಲು ಸಹಾಯಕರಾದರು.

ಬೌಲಿಂಗ್​ ಮಾತ್ರವಲ್ಲದೇ ಫೀಲ್ಡಿಂಗ್ ನಲ್ಲೂ ಅದ್ಭುತ ಪ್ರದರ್ಶನ ನೀಡಿದರು. ಸಿರಾಜ್ ತಮ್ಮ ನಿಖರ ಥ್ರೋ ಮೂಲಕ ಎದುರಾಳಿ ಬ್ಯಾಟ್ಸ್‌ಮನ್ ಹರ್‌ಪ್ರೀತ್ ಸಿಂಗ್ ಭಾಟಿಯಾ ಅವರನ್ನು ರನೌಟ್ ಮಾಡಿದ್ದಲ್ಲದೆ, ಐಪಿಎಲ್‌ನಲ್ಲಿ ಬಳಸಲಾದ ಎಲ್ಇಡಿ ಸ್ಟಂಪ್ ಅನ್ನು ಮುರಿದರು.

ಸಿರಾಜ್ ಎಸೆದ ಎಸೆದಿದ್ದು ನೇರವಾಗಿ ಸ್ಟಂಪ್​ಗೆ ತಗಲುವ ಮೂಲಕ ಎರಡು ತುಂಡುಗಳಾಗಿ ಒಡೆಯಿತು. ಅಲ್ಲದೇ ಇದೇ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಎಸೆತದಲ್ಲಲಿಯೂ ಸ್ಟಂಪ್​ ಮುರಿದು ಹೋಗಿತ್ತು. ಇದರಿಂದಾಗಿ ಬಿಸಿಸಿಐ ಗೆ ಲಕ್ಷ ಲಕ್ಷ ಲಾಸ್​ ಆಗಿತ್ತು.

ಒಂದು ಸೆಟ್ ಎಲ್​ಇಡಿ ಸ್ಟಂಪ್ ಗಳ ಬೆಲೆ ಸುಮಾರು 25 ರಿಂದ 30 ಲಕ್ಷ ಇರುತ್ತದೆ. ಪಂದ್ಯದ ವೇಳೆ ಎರಡೂ ತುದಿಗಳಲ್ಲಿ ಅಳವಡಿಸಲಾದ ಸ್ಟಂಪ್‌ಗಳ ಬೆಲೆ 50 ರಿಂದ 60 ಲಕ್ಷದವರೆಗೆ ಇರುತ್ತದೆ ಎಂದು ವರದಿಯಾಗಿದೆ.

ಮೊದಲು ಕ್ರಿಕೆಟ್‌ನಲ್ಲಿ ಮರದ ಸ್ಟಂಪ್‌ಗಳನ್ನು ಬಳಸಲಾಗುತ್ತಿತ್ತು, ಆದರೆ ನಿಧಾನವಾಗಿ ಈಗ ಅದರ ಬದಲಿಗೆ ಎಲ್‌ಇಡಿಗಳು ಕಾಣಿಸಿಕೊಂಡಿವೆ, ಅವು ನೋಡಲು ತುಂಬಾ ಸುಂದರವಾಗಿವೆ ಮತ್ತು ಮೂರನೇ ಅಂಪೈರ್‌ಗೆ ಹತ್ತಿರದ ರನೌಟ್ ಅಥವಾ ಸ್ಟಂಪಿಂಗ್‌ನಂತಹ ನಿರ್ಧಾರಗಳನ್ನು ನೀಡಲು ತುಂಬಾ ಸಹಾಯಕವಾಗಿದೆ.

ದೊಡ್ಡ ಪ್ರಶ್ನೆಯೆಂದರೆ, ಎಲ್ಇಡಿ ಸ್ಟಂಪ್ ಯಾರು ಕಂಡು ಹಿಡಿದರು ಎನ್ನುವುದು. ವಾಸ್ತವವಾಗಿ, ಇದನ್ನು ಆಸ್ಟ್ರೇಲಿಯಾದ ಬ್ರಾಂಡ್ ಆಕರ್ಮನ್ ಕಂಡುಹಿಡಿದರು. ಆಕರ್ಮನ್ ವ್ಯಾಪಾರ ಪಾಲುದಾರ ಡೇವಿಡ್ ಲೆಗಿಟ್‌ವುಡ್ ಜೊತೆಗೆ ಕ್ಸಿಂಗ್ ಇಂಟರ್‌ನ್ಯಾಶನಲ್ ಎಂಬಲ್ಲಿ ಕಂಡುಹಿಡಿದರು. ಪ್ರಸ್ತುತ ಅಂತಹ ಅತ್ಯಾಧುನಿಕ ಸ್ಟಂಪ್‌ಗಳನ್ನು ತಯಾರಿಸುವ ಕಂಪನಿಗಳಲ್ಲಿ ಇದು ಒಂದಾಗಿದೆ.

ಇನ್ನು, ಚೆಂಡು ಸ್ಟಂಪ್‌ಗಳು ಅಥವಾ ಬೇಲ್‌ಗಳಿಗೆ ಹೊಡೆದಾಗ, ಸೆನ್ಸಾರ್‌ಗಳು ಆ್ಯಕ್ಟೀವ್​ ಆಗುತ್ತದೆ. ಆಗ ಎಲ್‌ಇಡಿ ದೀಪಗಳು ಸೆಕೆಂಡ್​ ಒಳಗಾಗಿ ಬೆಳಗುತ್ತದೆ. ಇದರಿಂದ ಬ್ಯಾಟ್ಸ್​ಮನ್​ ಔಟ್​ ಬಗ್ಗೆ ಒಂದು ನಿಖರತೆ ದೊರಕುತ್ತದೆ.

ಭಾರತದಲ್ಲಿ ಆಡಲಾಗುವ IPL ಮತ್ತು ಇತರ ಪಂದ್ಯಾವಳಿಗಳಿಗೆ LED ಸ್ಟಂಪ್‌ಗಳು ಮತ್ತು ಬೇಲ್‌ಗಳನ್ನು ಒದಗಿಸಲು BCCI ಆಸ್ಟ್ರೇಲಿಯಾದ ಕಂಪನಿಯೊಂದಿಗೆ ದೀರ್ಘಾವಧಿಯ ಒಪ್ಪಂದವನ್ನು ಹೊಂದಿದೆ. ಎಲ್ಇಡಿ ಸ್ಟಂಪ್‌ಗಳು ಮತ್ತು ಬೈಲ್‌ಗಳ ಜೀವಿತಾವಧಿಯು ಸುಮಾರು ಐದು ವರ್ಷಗಳವರೆಗೆ ಇರುತ್ತದೆ.