IPL Mini Auction 2023: ಜಿಂಬಾಬ್ವೆ ಆಟಗಾರನಿಗಾಗಿ ಭರ್ಜರಿ ಫೈಪೋಟಿ, ಐಪಿಎಲ್​ ಪ್ರಾಂಚೈಸಿ ಗಮನ ಸೆಳೆದ ಆಲ್​ರೌಂಡರ್​

2022 ರ ಋತುವಿನಲ್ಲಿ, ಸನ್‌ರೈಸರ್ಸ್ ಹೈದರಾಬಾದ್ ತಮ್ಮ ಕೆಟ್ಟ ಪ್ರದರ್ಶನದಿಂದ ಅಭಿಮಾನಿಗಳನ್ನು ನಿರಾಶೆಗೊಳಿಸಿತು. ಹೀಗಾಗಿ ಈ ಬಾರಿ ಅನೇಕ ಆಟಗಾರರನ್ನು ತಂಡದಿಂದ ಕೈಬಿಡಲಾಗಿದ್ದು, ಹೊಸ ಪ್ರತಿಭೆಗಳಿಗಾಗಿ ಪ್ರಾಂಚೈಸಿ ಹುಡಕಾಟ ನಡೆಸಲಿದೆ.

ಈ ವರ್ಷದ ಫೆಬ್ರವರಿಯಲ್ಲಿ ನಡೆದ ಮೆಗಾ ಹರಾಜಿನಲ್ಲಿ ಸರಿಯಾಗಿ ಆಟಗಾರರನ್ನು ಖರೀದಿಸದ ಕಾರಣ ಹೈದರಾಬಾದ್​ ತಂಡ ಟೂರ್ನಿಯಲ್ಲಿ ಬೇಗ ಹೊರಬಿದ್ದಿತು. ರೊಮಾರಿಯೊ ಶೆಫರ್ಡ್ ಮತ್ತು ನಿಕೋಲಸ್ ಪೂರನ್ ಜೊತೆಗೆ ಕೇನ್ ವಿಲಿಯಮ್ಸನ್ ನಿರೀಕ್ಷೆಗಳನ್ನು ಪೂರೈಸುವಲ್ಲಿ ವಿಫಲರಾದರು.

ಆದರೆ ಕೇನ್ ವಿಲಿಯಮ್ಸನ್ ಕಳೆದ ಬಾರಿ ಎಸ್​ಆರ್​ಎಚ್​ ಪರ ಉತ್ತಮ ಪ್ರದರ್ಶನ ನೀಡಲಿಲ್ಲ. ಇದರೊಂದಿಗೆ ಸನ್‌ರೈಸರ್ಸ್ 2023ರ ಸೀಸನ್‌ಗೂ ಮುನ್ನ ಕೇನ್ ವಿಲಿಯಮ್ಸನ್, ಶೆಪರ್ಡ್, ಪೂರನ್, ಸೀನ್ ಅಬಾಟ್ ಸೇರಿದಂತೆ ಒಟ್ಟು 12 ಆಟಗಾರರನ್ನು ಹೊರಹಾಕಿತು.

ಡಿಸೆಂಬರ್ 23 ರಂದು ನಡೆಯಲಿರುವ ಮಿನಿ ಹರಾಜಿನಲ್ಲಿ ಹೈದರಾಬಾದ್ ಗರಿಷ್ಠ 13 ಆಟಗಾರರನ್ನು ಖರೀದಿಸುವ ಸಾಧ್ಯತೆಯಿದೆ. 9 ಭಾರತೀಯರು ಮತ್ತು 4 ವಿದೇಶಿಯರನ್ನು ತೆಗೆದುಕೊಳ್ಳಲು ಸಾಧ್ಯವಿದೆ. ಹೈದರಾಬಾದ್ ನಲ್ಲಿ ಅತಿ ಹೆಚ್ಚು ರೂ. 42.25 ಕೋಟಿ ಹಣದ ಪರ್ಸ್ ಹೊಂದಿದೆ.

ಈ ಅನುಕ್ರಮದಲ್ಲಿ, ಇಂಗ್ಲೆಂಡ್‌ನ ಆಲ್‌ರೌಂಡರ್‌ಗಳಾದ ಬೆನ್ ಸ್ಟೋಕ್ಸ್ ಮತ್ತು ಸ್ಯಾಮ್ ಕರನ್ ಜೊತೆಗೆ ಆಸ್ಟ್ರೇಲಿಯಾದ ಆಲ್‌ರೌಂಡರ್ ಕ್ಯಾಮರೂನ್ ಗ್ರೀನ್ ಅವರನ್ನು ಸನ್‌ರೈಸರ್ಸ್ ಆಯ್ಕೆ ಮಾಡುವ ಸಾಧ್ಯತೆ ಇದೆ. ಆದರೆ ಇತರ ಫ್ರಾಂಚೈಸಿಗಳು ಅವರಿಗೆ ಪೈಪೋಟಿ ನೀಡುವುದು ಖಚಿತ.

ಆ ಮೂಲಕ ಕೊನೆ ಕ್ಷಣಗಳಲ್ಲಿ ಸನ್ ರೈಸರ್ಸ್ ಪ್ಲಾನ್ ಬದಲಾಗಿದೆ ಎಂಬ ಸುದ್ದಿ ಬರುತ್ತಿದೆ. ಜಿಂಬಾಬ್ವೆ ಆಲ್‌ರೌಂಡರ್ ಸಿಕಂದರ್ ರಾಜಾ ಮೇಲೆ ಕಣ್ಣಿಟ್ಟಿದ್ದಾರೆ ಎನ್ನಲಾಗಿದೆ. ಸಿಕಂದರ್ ರಾಜಾ ರೂ. ಕನಿಷ್ಠ 50 ಲಕ್ಷಕ್ಕೆ ನೊಂದಾಯಿಸಿಕೊಂಡಿದ್ದಾರೆ.

ಸಿಕಂದರ್ ರಾಜಾ ಕೆಲವು ಸಮಯದಿಂದ ಅದ್ಭುತವಾಗಿ ಆಡುತ್ತಿದ್ದಾರೆ. ಇತ್ತೀಚೆಗಷ್ಟೇ ಮುಕ್ತಾಯಗೊಂಡ ಟಿ20 ವಿಶ್ವಕಪ್ ನಲ್ಲೂ ಸಿಕಂದರ್ ರಾಜಾ ಮಿಂಚಿದ್ದರು. ಸುನಿಲ್ ನರೈನ್ ಅವರಂತೆ ಆಕ್ಷನ್ ಬೌಲಿಂಗ್ ಮಾಡುವ ಸಿಕಂದರ್ ರಾಜಾ ಉತ್ತಮ ಆಲ್​ರೌಂಡರ್​ ಆಗಿದ್ದಾರೆ.

ಈ ಕ್ರಮದಲ್ಲಿ ಸನ್ ರೈಸರ್ಸ್ ಸಿಕಂದರ್ ರಾಜಾ ಅವರನ್ನು ಖರೀದಿಸಲು ಸಿದ್ಧವಾಗಿದೆ. ಸನ್ ರೈಸರ್ಸ್ ಸಿಕಂದರ್ ರಾಜಾ ಹರಾಜಿನಲ್ಲಿ ಸಿಕ್ಕರೆ ಅದು ತಂಡಕ್ಕೆ ಲಾಭದಾಯಕವಾಗಿದೆ.