IPL Auction 2023: ಹರಾಜಿಗೂ ಮುನ್ನ RCB ಯಾವೆಲ್ಲಾ ಆಟಗಾರರನ್ನು ಉಳಿಸಿಕೊಂಡಿದೆ? ಎಷ್ಟು ಹಣ ಉಳಿದಿದೆ?

ಇಂಡಿಯನ್ ಪ್ರೀಮಿಯರ್ ಲೀಗ್ (IPL 2023) 16ನೇ ಆವೃತ್ತಿಗೆ ಆಟಗಾರರ ಹರಾಜಿಗೆ ಕ್ಷಣಗಣನೆ ಪ್ರಾರಂಭವಾಗಿದೆ. ಈ ಬಾರಿ ಹರಾಜಿನಲ್ಲಿ 273 ಭಾರತೀಯ ಹಾಗೂ 132 ವಿದೇಶಿ ಆಟಗಾರರು ಸೇರಿದಂತೆ ಒಟ್ಟು 405 ಆಟಗಾರರು ಭಾಗವಹಿಸಲಿದ್ದಾರೆ. ಡಿಸೆಂಬರ್ 23ರಂದು, ಆಟಗಾರರ ಹರಾಜು (IPL 2023 Mini Auction) ಕೊಚ್ಚಿಯಲ್ಲಿ ಮಧ್ಯಾಹ್ನ 2:30ಕ್ಕೆ ಪ್ರಾರಂಭವಾಗಲಿದೆ. ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (BCCI) ಇದನ್ನು ಖಚಿತಪಡಿಸಿದೆ.

ಐಪಿಎಲ್‌ನಲ್ಲಿ 10 ಫ್ರಾಂಚೈಸಿಗಳು ಸೇರಿದಂತೆ 87 ಸ್ಲಾಟ್‌ಗಳು ಖಾಲಿ ಇವೆ. ಅಂದರೆ ಡಿಸೆಂಬರ್ 23ರ ಹರಾಜಿನಲ್ಲಿ 405 ಆಟಗಾರರ ಪೈಕಿ ಗರಿಷ್ಠ 87 ಆಟಗಾರರನ್ನು ಮಾತ್ರ ಖರೀದಿಸಬಹುದಾಗಿದೆ. ಹಾಗಿದ್ದರೆ ಹರಾಜಿಗೂ ಮುನ್ನ ಆರ್​ಸಿಬಿ ಯಾವೆಲ್ಲಾ ಆಟಗಾರರನ್ನು ಉಳಿಸಿಕೊಂಡಿದ್ದಾರೆ ನೊಡೋಣ ಬನ್ನಿ.

ಇಂಡಿಯನ್ ಪ್ರೀಮಿಯರ್ ಲೀಗ್‌ನಲ್ಲಿ ಅತ್ಯಂತ ಜನಪ್ರಿಯ ಫ್ರಾಂಚೈಸಿಗಳಲ್ಲಿ ಒಂದಾದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಅವರು ಅಪಾರ ಅಭಿಮಾನಿಗಳನ್ನು ಹೊಂದಿದ್ದಾರೆ. ಈಗಾಗಲೇ ಆರ್​ಸಿಬಿ ತಂಡ ಸಹ ಇದೀಗ ರಿಟೈನ್​ ಲಿಸ್ಟ್ ನೀಡಿದೆ.

RCB ತಂಡ ಕೈಬಿಟ್ಟ ಆಟಗಾರರು: ಜೇಸನ್ ಬೆಹ್ರೆನ್‌ಡಾರ್ಫ್, ಅನೀಶ್ವರ್ ಗೌತಮ್, ಚಾಮಾ ಮಿಲಿಂದ್, ಲುವ್ನಿತ್ ಸಿಸೋಡಿಯಾ, ಶೆರ್ಫೇನ್ ರುದರ್‌ಫೋರ್ಡ್. ಹಾಗೇ ನೋಡಿದರೆ ಯಾವ ದೊಡ್ಡ ಆಟಗಾರರನ್ನೂ ತಂಡ ಬಿಟ್ಟುಕೊಟ್ಟಿಲ್ಲ.

ಉಳಿಸಿಕೊಂಡಿರುವ ಆಟಗಾರರ ಪಟ್ಟಿ: ಫಾಫ್ ಡು ಪ್ಲೆಸಿಸ್, ವಿರಾಟ್, ವಿರಾಟ್, ವಿರಾಟ್ಯಾಯ್, ನಾಯಕ), ರಜತ್ ಪಾಟಿದಾರ್, ದಿನೇಶ್ ಕಾರ್ತಿಕ್, ಅನುಜ್ ರಾವತ್, ಫಿನ್ ಅಲೆನ್, ಗ್ಲೆನ್ ಮ್ಯಾಕ್ಸ್‌ವೆಲ್, ವನಿಂದು ಹಸರಂಗ, ಶಹಬಾಜ್ ಅಹ್ಮದ್, ಹರ್ಷಲ್ ಪಟೇಲ್, ಡೇವಿಡ್ ವಿಲ್ಲಿ, ಕರ್ಣ್ ಶರ್ಮಾ, ಮಹಿಪಾಲ್ ಲೊಮ್ರೋರ್, ಮೊಹಮ್ಮದ್ ಸಿರಾಜ್, ಜೋಶ್ ಹ್ಯಾಜಲ್‌ವುಡ್, ಸಿದ್ದಾರ್ಥ್ ಕೌಲ್, ಆಕಾಶ್ ದೀಪ್.

ಐಪಿಎಲ್ 2023 ಮಿನಿ ಹರಾಜಿಗೆ ಆರ್​ಸಿಬಿ ಬಳಿ ಇದೀಗ 8.75 ಕೋಟಿ ರೂ. ಉಳಿದಿದೆ. ಇದರಲ್ಲಿ ತಂಡವು ಇಬ್ಬರು ವಿದೇಶಿ ಆಟಗಾರರನ್ನು ಖರೀದಿಸಬಹುದು. ಹೀಗಾಗಿ ತಂಡವು ಯಾರನ್ನು ತಂಡಕ್ಕೆ ಸೇರಿಸಿಕೊಳ್ಳಲಿದೆ ಎಂದು ಕಾದು ನೋಡಬೇಕಿದೆ.

ಇನ್ನು, ಆರ್​ಸಿಬಿ ಬಳಿ ಕೇವಲ 8.75 ಕೋಟಿ ರೂ. ಉಳಿದಿರುವುದರಿಂದ ಯಾವ ಆಟಗಾರರನ್ನು ಖರೀದಿಸಬಹುದು ಎಂಬ ಕುತೂಹಲ ಹೆಚ್ಚಾಗಿದೆ. ಅದರಲ್ಲಿಯೂ ಈ ಬಾರಿ ಬೆನ್​ ಸ್ಟೋಕ್ಸ್ ಮತ್ತು ಸ್ಯಾಮ್​ ಕರನ್​ ಮೇಲೆ ಎಲ್ಲಾ ಪ್ರಾಂಚೈಸಿಗಳು ಹೆಚ್ಚು ಕಣ್ಣಿಟ್ಟಿದೆ.

ಬೆಂಗಳೂರು ಲೋಕಲ್ ಪ್ಲೇಯರ್, ಪಂಜಾಬ್ ತಂಡದ ಮಾಜಿ ಕ್ಯಾಪ್ಟನ್ ಮಯಾಂಕ್ ಅಗರ್ವಾಲ್​ರನ್ನು ಖರೀದಿ ಮಾಡಲು ಆರ್​ಸಿಬಿ ಆಸಕ್ತಿ ಹೊಂದಿದೆಯಂತೆ. ಮಯಾಂಕ್​​ರನ್ನು ಖರೀದಿ ಮಾಡುವುದರಿಂದ ತಂಡಕ್ಕೆ ಸ್ಥಳೀಯ ಆಟಗಾರ ತಂಡ ಸೇರಿದಂತಾಗುತ್ತದೆ ಎಂದು ಮ್ಯಾನೇಜ್​ಮೆಂಟ್​ ಭಾವಿಸುತಿದೆಯಂತೆ.