IPL 2023: ಮತ್ತೆ ವಿರಾಟ್ ಕೆಣಕಿದ ಲಕ್ನೋ; ಕರ್ಮ ಬಿಟ್ರೂ, ಕಿಂಗ್​ ಕೊಹ್ಲಿ ಬಿಡಲ್ಲ ಎಂದ ಫ್ಯಾನ್ಸ್!

ಆರ್​ಸಿಬಿ ಮತ್ತು ಲಕ್ನೋ ನಡುವಿನ ಪಂದ್ಯ ಆಟಕ್ಕಿಂತ ಹೆಚ್ಚಾಗಿ ಉಳಿದ ವಿಷಗಳಿಂದ ಚರ್ಚೆಯಲ್ಲಿವೆ. ಹೌದು, ಆರ್‌ಸಿಬಿ ತಂಡದ ಗೆಲುವಿಗಿಂತ ಹೆಚ್ಚು ಸುದ್ದಿಯಾಗಿರುವುದು ವಿರಾಟ್ ಕೊಹ್ಲಿ ಮತ್ತು ಎಲ್ಎಸ್‌ಜಿ ತಂಡದ ಬೌಲರ್ ನವೀನ್-ಉಲ್-ಹಕ್ ಮತ್ತು ತಂಡದ ಮೆಂಟರ್ ಆದ ಗೌತಮ್ ಗಂಭೀರ್ ನಡುವಿನ ವಾಗ್ವಾದ.

ಆದರೆ ಈ ಜಗಳ ಕೇವಲ ಮೈದಾದಲ್ಲಿ ಮುಗಿಯದೇ ಬಳಿಕ ಸಾಮಾಜಿಕ ಜಾಲತಾಣದಲ್ಲಿಯೂ ಮುಂದುವರೆಯಿತು. ಪಂದ್ಯದ ಮರುದಿನ ಕೊಹ್ಲಿ ಮತ್ತು ನವೀನ್​-ಉಲ್​-ಹಕ್​ ಇಬ್ಬರೂ ಸಾಮಾಜಿಕ ಜಾಲತಾಣಗಳ ಮುಖಾಂತರ ಫೋಸ್ಟ್​ ಮಾಡುವ ಮೂಲಕ ಮತ್ತೆ ಸುದ್ದಿಯಾದರು.

ಇದೀಗ ಈ ಜಗಳ ಸದ್ಯಕ್ಕೆ ತಣ್ಣಗಾಗುವ ರೀತಿ ಕಾಣುತ್ತಿಲ್ಲ. ಏಕೆಂದರೆ ಲಕ್ನೋ ಸೂಪರ್​ ಜೈಂಟ್ಸ್ ತಂಡವು ಚೆನ್ನೈ ಸೂಪರ್​ ಕಿಂಗ್ಸ್ ಪಂದ್ಯದ ಬಳಿಕ ಟ್ವಿಟರ್​ನಲ್ಲಿ ಒಂದು ಫೋಸ್ಟ್ ಮಾಡಿದ್ದು, ಪರೋಕ್ಷವಾಗಿ ವಿರಾಟ್ ಕೊಹ್ಲಿಗೆ ಟಾಂಗ್​ ನೀಡಿದಂತಿದೆ.

ಹೌದು, ಬುಧವಾರ ಮಳೆಯಿಂದ ರದ್ದಾದ ಪಂದ್ಯದಲ್ಲಿ ಲಕ್ನೋ ಮತ್ತು ಚೆನ್ನೈ ತಂಡಗಳು ಸೆಣಸಾಡಿದವು. ಆದರೆ ಮಳೆಯ ಕಾರಣ ಪಂದ್ಯ ರದ್ದಾಗಿ ಉಭಯ ತಂಡಗಳಿಗೆ ತಲಾ 1 ಪಾಯಿಂಟ್​ ನೀಡಲಾಯಿತು.

ಇದಾದ ಬಳಿಕ ಲಕ್ನೋ ತಂಡದ ಆಟಗಾರರೆಲ್ಲಾ ಎಂ ಎಸ್ ಧೋನಿಯನ್ನು ಭೇಟಿ ಮಾಡಿದ್ದಾರೆ. ಇದರ ಫೋಟೋಗಳನ್ನು ಲಕ್ನೋ ಹಂಚಿಕೊಂಡಿದ್ದು, ಹೊಸ ವಿವಾದಕ್ಕೆ ಮುನ್ನುಡಿಯಾಗಿದೆ.

ಹೌದು, ಲಕ್ನೋ ತಂಡದ ಆಟಗಾರರು ಧೋನಿ ಜೊತೆ ಇರುವ ಪೋಟೋ ಹಂಚಿಕೊಂಡು ‘ಎಲ್ಲರೂ ಪಂದ್ಯ ಮುಗಿದ ಬಳಿಕ ಗೋಟ್​ ಅನ್ನು ಭೇಟಿಯಾಗಲು ಬಯಸುತ್ತಾರೆ‘ (Everyone loves a post-match meeting with the GOT) ಎಂದು ಬರೆದುಕೊಂಡಿದೆ.

ಈ ಫೋಟೋದಲ್ಲಿ ವಿರಾಟ್ ಜೊತೆಗೆ ಜಗಳವಾಡಿದ್ದ, ನವೀನ್​-ಉಲ್​-ಹಕ್​, ಆವೇಶ್​ ಖಾನ್​ ಫೋಟೋವನ್ನು ಹಂಚಿಕೊಂಡಿದ್ದಾರೆ. ಈ ಮೂಲಕ ಲಕ್ನೋ ಪರೋಕ್ಷವಾಗಿ ವಿರಾಟ್ ಕೊಹ್ಲಿ ಕಾಲೆಳೆದಿದೆ. ಅದರಲ್ಲಿಯೂ ಕೆಎಲ್​ ರಾಹುಲ್​ ಅವರು ನವೀನ್​ ಬಳಿಕ ಕೊಹ್ಲಿ ಜೊತೆ ಸಂಧಾನ ಮಾಡಿಸಲು ಕರೆದಾಗಲೂ ನವೀನ್​ ಬಂದಿರಲಿಲ್ಲ.