LSG vs SRH: ಇಂದು ಲಕ್ನೋ-ಹೈದರಾಬಾದ್​ ಪಂದ್ಯ, ಇವತ್ತೇ ಕಂಬ್ಯಾಕ್​ ಮಾಡ್ತಾರಾ ಕನ್ನಡಿಗ ರಾಹುಲ್​?

ಸನ್‌ರೈಸರ್ಸ್ ಹೈದರಾಬಾದ್ ಐಪಿಎಲ್ 2023 ಋತುವನ್ನು ಕಳಪೆಯಾಗಿ ಪ್ರಾರಂಭಿಸಿದೆ. ಕಳೆದ ಭಾನುವಾರ ರಾಜಸ್ಥಾನ್ ರಾಯಲ್ಸ್ ವಿರುದ್ಧದ ಆರಂಭಿಕ ಪಂದ್ಯದಲ್ಲಿ ಸನ್ ರೈಸರ್ಸ್ 72 ರನ್ ಗಳ ಹೀನಾಯವಾಗಿ ಸೋತಿತ್ತು.

ಭುವನೇಶ್ವರ್ ಕುಮಾರ್ ನಾಯಕ ಮತ್ತು ಬೌಲರ್ ಆಗಿ ಸಂಪೂರ್ಣ ವಿಫಲರಾದರು. ಆದರೆ ಇದೀಗ ತಂಡದ ಪ್ರಮುಖ ಆಟಗಾರರು ತಂಡಕ್ಕೆ ಸೇರಿಕೊಂಡಿದ್ದು, ತಂಡ ಗೆಲುವಿನ ನಿರೀಕ್ಷೆಯಲ್ಲಿದೆ. ಇತ್ತ ಲಕ್ನೋ ತಂಡ 2 ಪಂದ್ಯದಲ್ಲಿ 1ರಲ್ಲಿ ಸೋತು 1ರಲ್ಲಿ ಗೆದ್ದಿದೆ.

ಐಪಿಎಲ್ 2023ರ ಋತುವನ್ನು ಸೋಲಿನೊಂದಿಗೆ ಆರಂಭಿಸಿರುವ ಸನ್ ರೈಸರ್ಸ್ ಹೈದರಾಬಾದ್ ಮತ್ತೊಂದು ಕುತೂಹಲಕಾರಿ ಕದನಕ್ಕೆ ಸಿದ್ಧವಾಗಿದೆ. ಇಂದು ಲಕ್ನೋದಲ್ಲಿ ಸನ್ ರೈಸರ್ಸ್ ಹೈದರಾಬಾದ್ ತಂಡ ಲಕ್ನೋ ಸೂಪರ್ ಜೈಂಟ್ಸ್ ತಂಡವನ್ನು ಎದುರಿಸಲಿದೆ. ತವರಿನಲ್ಲಿ ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಹೀನಾಯವಾಗಿ ಸೋತಿರುವ ಆರೆಂಜ್ ಆರ್ಮಿ ಗೆಲುವಿನ ಗುರಿಯೊಂದಿಗೆ ಕಣಕ್ಕೆ ಇಳಿಯುತ್ತಿದೆ.

ಮೊದಲ ಪಂದ್ಯದಿಂದ ಹೊರಗುಳಿದಿದ್ದ ಸನ್ ರೈಸರ್ಸ್ ಹೈದರಾಬಾದ್ ತಂಡದ ನಾಯಕ ಏಡೆನ್ ಮಾರ್ಕ್ರಂ, ವಿಕೆಟ್ ಕೀಪರ್ ಹೆನ್ರಿಚ್ ಕ್ಲಾಸೆನ್ ಮತ್ತು ಮಾರ್ಕೊ ಜಾನ್ಸೆನ್ ಈ ಪಂದ್ಯದಲ್ಲಿ ರೀ ಎಂಟ್ರಿ ಕೊಡಲಿದ್ದಾರೆ. ಇದು ತಂಡಕ್ಕೆ ಪ್ಲಸ್​ ಪಾಯಿಂಟ್​ ಆಗಿರಲಿದೆ.

ನೆದರ್ಲೆಂಡ್ಸ್‌ನೊಂದಿಗೆ ಕೊನೆಗೊಂಡ ODI ಸರಣಿ ಮುಗಿಸಿ ಇದೀಗ ಹೈದರಾಬಾದ್​ ತಂಡವನ್ನು ಸೇರಿಕೊಳ್ಳಲಿದ್ದಾರೆ. ಮಾರ್ಕ್ರಂ ಮೂರನೇ ಏಕದಿನ ಪಂದ್ಯದಲ್ಲಿ 175 ರನ್ ಸಿಡಿಸಿದ್ದರು. ಆದರೆ ಇತ್ತ ಲಕ್ನೋ ತಂಡದ ನಾಯಕ ಕನ್ನಡಿಗ ಕೆಎಲ್​ ರಾಹುಲ್​ ಫಾರ್ಮ್​ನಲ್ಲಿ ಇರದಿರುವುದು ತಂಡಕ್ಕೆ ದೊಡ್ಡ ಚಿಂತೆಯಾಗಿದೆ.

ಗ್ಲೆನ್ ಫಿಲಿಪ್ಸ್ ಹಾಗೂ ಫಜಲಕ್ ಫಾರೂಕಿ ಬೆಂಚ್ ಗೆ ಸೀಮಿತವಾಗುವ ಅವಕಾಶವಿದ್ದು, ಮೊದಲ ಪಂದ್ಯದಲ್ಲಿ ಹ್ಯಾರಿ ಬ್ರೂಕ್ ಹೀನಾಯವಾಗಿ ವಿಫಲರಾಗಿದ್ದರು. ಇದರ ನಡುವೆ ಆದಿಲ್ ರಶೀದ್ ಸ್ಪೆಷಲಿಸ್ಟ್ ಸ್ಪಿನ್ನರ್ ಆಗಿ ತಂಡದಲ್ಲಿ ಮುಂದುವರಿಯಲಿದ್ದಾರೆ. ಅಭಿಷೇಕ್ ಶರ್ಮಾ ಮತ್ತು ಮಯಾಂಕ್ ಅಗರ್ವಾಲ್ ಆರಂಭಿಕರಾಗಿ ಆಡಲಿದ್ದಾರೆ.

ಭುವನೇಶ್ವರ್ ಕುಮಾರ್, ಟಿ ನಟರಾಜನ್ ಮತ್ತು ಉಮ್ರಾನ್ ಮಲಿಕ್ ವೇಗಿಗಳಾಗಿ ಆಡಿದರೆ, ಆದಿಲ್ ರಶೀದ್ ಸ್ಪೆಷಲಿಸ್ಟ್ ಸ್ಪಿನ್ನರ್ ಆಗಿ ಕಣಕ್ಕೆ ಇಳಿಯಲಿದ್ದಾರೆ. ಮೊದಲ ಪಂದ್ಯದಲ್ಲಿ ನಟರಾಜನ್ ಮತ್ತು ಆದಿಲ್ ರಶೀದ್ ಹೊರತುಪಡಿಸಿ ಉಳಿದ ಬೌಲರ್‌ಗಳು ದಯನೀಯವಾಗಿ ವಿಫಲರಾಗಿದ್ದರು.

SRH ಸಂಭಾವ್ಯ ಪ್ಲೇಯಿಂಗ್ 11: ಅಭಿಷೇಕ್ ಶರ್ಮಾ, ಮಯಾಂಕ್ ಅಗರ್ವಾಲ್, ರಾಹುಲ್ ತ್ರಿಪಾಠಿ, ಏಡೆನ್ ಮಾರ್ಕ್ರಂ, ಹ್ಯಾರಿ ಬ್ರೂಕ್, ಹೆನ್ರಿಚ್ ಕ್ಲಾಸೆನ್, ವಾಷಿಂಗ್ಟನ್ ಸುಂದರ್, ಭುವನೇಶ್ವರ್ ಕುಮಾರ್, ಅಬ್ದುಲ್ ರಶೀದ್, ಉಮ್ರಾನ್ ಮಲಿಕ್, ಟೀ ನಟರಾಜನ್.

ಲಕ್ನೋ ಸಂಭಾವ್ಯ ಪ್ಲೇಯಿಂಗ್​ 11: ಕೆಎಲ್​ ರಾಹುಲ್(C), ಠಾಕೂರ್ , ದೀಪಕ್ ಹೂಡಾ , ಕೈಲ್ ಮೇಯರ್ಸ್ , ಕೃನಲ್​ ಪಾಂಡ್ಯ , ಕೃಷ್ಣಪ್ಪ ಗೌತಮ್ , ಡಿ ಕಾಕ್ , ನಿಕೋಲಸ್ ಪೂರನ್ ( wk), ಅವೇಶ್ ಖಾನ್ , ಮಾರ್ಕ್ ವುಡ್ , ರವಿ ಬಿಷ್ಣೋಯ್