IPL 2023: ಮುಂಬೈ ಇಂಡಿಯನ್ಸ್​ಗೆ ಬಿಗ್​ ಶಾಕ್, ಸಂಪೂರ್ಣ ಟೂರ್ನಿಯಿಂದಲೇ ಸ್ಟಾರ್​ ಬೌಲರ್​ ಔಟ್​!

ಬಟ್ಲರ್ ಮತ್ತು ಸ್ಯಾಮ್ ಕರನ್ ಹೊರತುಪಡಿಸಿ, ಐಪಿಎಲ್‌ನಲ್ಲಿ ಆಡುತ್ತಿರುವ ಇಂಗ್ಲೆಂಡ್ ತಂಡದ ಯಾವುದೇ ಆಟಗಾರರೂ ಸಹ ಉತ್ತಮ ಪ್ರದರ್ಶನ ನೀಡುತ್ತಿಲ್ಲ. ಅವರು ಫ್ರಾಂಚೈಸಿಗಳಿಗಾಗಿ ಆಡುತ್ತಿಲ್ಲ ಎಂಬ ಟೀಕೆಗಳೂ ಕೇಲಿಬರುತ್ತಿವೆ.

ಐಪಿಎಲ್ ಫ್ರಾಂಚೈಸಿಗಳು ಇಂಗ್ಲಿಷ್ ಆಟಗಾರರನ್ನು ನಂಬಿದೆ ಎಂಬ ಚರ್ಚೆಗಳೂ ಕೇಳಿಬರುತ್ತಿದ್ದು, ಸ್ಯಾಮ್​ ಕರನ್​ಗೆ 18 ಕೋಟಿ ನೀಡಿ ಪಂಜಾಬ್​ ಖರೀದಿಸಿತ್ತು. ಅದೇ ರೀತಿ ಮುಂಬೈ ತಂಡದ ಇಂಗ್ಲೆಂಡ್ ಆಟಗಾರ ಸಹ ಇದೀಗ ಟೂರ್ನಿಯಿಂದ ಹೊರನಡೆಯಲಿದ್ದಾರೆ.

ಮುಂಬೈ ತಂಡದ ಬೌಲಿಂಗ್ ಲೈನ್ ಅಪ್ ಈ ಬಾರಿ ಸಂಕಷ್ಟದಲ್ಲಿದೆ. ಗಾಯದಿಂದಾಗಿ ಬುಮ್ರಾ ಟೂರ್ನಿಯಿಂದ ದೂರುವಿರುವುದರಿಂದ ರೋಹಿತ್ ಪಡೆಗೆ ಹಿನ್ನಡೆಯಾಗಿದೆ.

ಆದರೆ, ಇದೀಗ ಇಂಗ್ಲೆಂಡ್​ ಬೌಲರ್​ ಜೋಫ್ರಾ ಆರ್ಚರ್​ ಸಹ ಗಾಯದ ಸಮಸ್ಯೆಗೆ ಗುರಿಯಾಗಿದ್ದಾರೆ. ಇದುವರೆಗೆ ಮುಂಬೈ ಇಂಡಿಯನ್ಸ್ ಐಪಿಎಲ್‌ನಲ್ಲಿ 7 ಪಂದ್ಯಗಳನ್ನು ಆಡಿದ್ದು, ಅದರಲ್ಲಿ ಆರ್ಚರ್ ಕೇವಲ 2 ಪಂದ್ಯಗಳಲ್ಲಿ ಕಣಕ್ಕೆ ಇಳಿದಿದ್ದಾರೆ. ಆ ಎರಡು ಪಂದ್ಯಗಳಲ್ಲಿಯೂ ಅವರು 9ಕ್ಕೂ ಹೆಚ್ಚು ಎಕಾನಮಿಯೊಂದಿಗೆ ಬೌಲ್ ಮಾಡಿದ್ದಾರೆ.

ನಿರ್ಣಾಯಕ ಪಂದ್ಯದಲ್ಲಿ ಆರ್ಚರ್ ತಂಡದ ಭಾಗವಾಗಿರಲಿಲ್ಲ. ಈ ಪಂದ್ಯದಲ್ಲಿ ಹೃತಿಕ್ ಶೋಕಿನ್ ಬದಲಿಗೆ ಕುಮಾರ್ ಕಾರ್ತಿಕೇಯ ಕಣಕ್ಕಿಳಿದಿದ್ದರು. ಜೋಫ್ರಾ ಆರ್ಚರ್ ಬದಲಿಗೆ ರಿಲೆ ಮೆರೆಡಿತ್ ಕಣಕ್ಕಿಳಿಯುತ್ತಿದ್ದಾರೆ.

ಜೋಫ್ರಾ ಆರ್ಚರ್ ಫಿಟ್ ಇಲ್ಲದ ಕಾರಣ ಅವರು ಹೆಚ್ಚಿನ ಚಿಕಿತ್ಸೆಗಾಗಿ ತಂಡದಿಂದ ಇದೀಗ ಹೊರಗುಳಿಯಲಿದ್ದಾರೆ. ಹೀಗಾಗಿ ರೋಹಿತ್​ ಪಡೆಯ ಮತ್ತೊಬ್ಬ ಸ್ಟಾರ್​ ಬೌಲರ್​ ಗಾಯಗೊಂಡಿದ್ದು ತಂಡದ ಸಮಸ್ಯೆ ಹೆಚ್ಚಾಗಿದೆ.

ಮತ್ತೊಂದೆಡೆ, ಜೋಫ್ರಾ ಆರ್ಚರ್ ಶಸ್ತ್ರಚಿಕಿತ್ಸೆಗಾಗಿ ಬೆಲ್ಜಿಯಂಗೆ ತೆರಳಿದ್ದಾರೆ. ಹೀಗಾಗಿ ಆರ್ಚರ್​ ಇದೀಗ ಐಪಿಎಲ್​ 2023ರ 16ನೇ ಸೀಸನ್​ನ್ನು ಸಂಪೂರ್ಣವಾಗಿ ಮಿಸ್​ ಮಾಡಿಕೊಳ್ಳಲಿದ್ದಾರೆ.