IPL 2023: 52 ಮ್ಯಾಚ್ ಮುಗಿದ್ರೂ ಪ್ಲೇಆಫ್​ ಕದ ತಟ್ಟದ ಹತ್ತೂ ತಂಡ, ಆರ್​​ಸಿಬಿ ಇನ್ನೂ ಎಷ್ಟು ಪಂದ್ಯ ಗೆಲ್ಬೇಕು?

ಐಪಿಎಲ್​ 2023ರ 16ನೇ ಆವೃತ್ತಿ ಕೊನೆಯ ಹಂತಕ್ಕೆ ತಲುಪುತ್ತಿದೆ. ಈಗಾಗಲೇ ಮೆಗಾ ಟೂರ್ನಿಯಲ್ಲಿ ಅರ್ಧಕ್ಕಿಂತಲೂ ಹೆಚ್ಚಿನ ಪಂದ್ಯಗಳು ಮುಗಿದಿದ್ದು, ಪ್ರತಿಯೊಂದು ತಂಡಗಳೂ ಸಹ ಪ್ಲೇಆಫ್​ ಲೆಕ್ಕಾಚಾರದಲ್ಲಿ ತೊಡಗಿದೆ.

ಈಗಾಗಲೇ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿರುವ ಗುಜರಾತ್​ ಟೈಟನ್ಸ್ ತಂಡವು ಪ್ಲೇಆಫ್​ ಸನಿಹಕ್ಕೆ ಬಂದು ನಿಂತಿದೆ. ಈಗಾಗಲೇ 16 ಅಂಕಗಳೊಂದಿಗೆ ಗುಜರಾತ್​ ಪ್ಲೇಆಫ್​ ಹತ್ತಿರಕ್ಕೆ ಬಂದಿದ್ದು, ಇನ್ನೊಂದು ಪಂದ್ಯ ಗೆದ್ದರೆ ತಂಡ ಪ್ಲೇಆಫ್​ಗೆ ತಲುಪಲಿದೆ.

ಸದ್ಯ ಗುಜರಾತ್​ ಟೈಟನ್ಸ್ ಈಗಾಲೇ 11 ಪಂದ್ಯವನ್ನಾಡಿದ್ದು, 3ರಲ್ಲಿ ಸೋತಿ 8ರಲ್ಲಿ ಗೆದ್ದು 16 ಅಂಕಗಳನ್ನು ಹೊಂದಿದೆ. ಉಳಿದಿರುವ 3 ಪಂದ್ಯದಲ್ಲಿ ಒಂದೇ ಒಂದು ಪಂದ್ಯ ಗೆದ್ದರೂ ಪ್ಲೇಆಫ್​ಗೆ ಲಗ್ಗೆಯಿಡಲಿದೆ.

2ನೇ ಸ್ಥಾನದಲ್ಲಿರುವ ಚೆನ್ನೈ ಸೂಪರ್​ ಕಿಂಗ್ಸ್ ತಂಡವು 11ರಲ್ಲಿ 6 ಪಂದ್ಯಗಳಲ್ಲಿ ಗೆದ್ದು 4ರಲ್ಲಿ ಸೋತಿದ್ದು, ಒಂದು ಪಂದ್ಯ ರದ್ದಾಗಿದೆ. ಹೀಗಾಗಿ 13 ಅಂಕಗಳಿಂದ 2ನೇ ಸ್ಥಾನದಲ್ಲಿದ್ದು, ಉಳಿದ 3 ಪಂದ್ಯದಲ್ಲಿ ಕನಿಷ್ಠ 2ರಲ್ಲಾದರೂ ಗೆಲ್ಲಲೇಬೇಕಿದೆ.

ಉಳಿದಂತೆ ಲಕ್ನೋ ತಂಡವು 11ರಲ್ಲಿ 5ರಲ್ಲಿ ಗೆದ್ದು, ಒಂದು ಪಂದ್ಯ ರದ್ದಾಗಿದ್ದು, 11 ಅಂಕದೊಂದಿಗೆ 3ನೇ ಸ್ಥಾನದಲ್ಲಿದೆ.ಲಕ್ನೋಗೆ 3ರಲ್ಲಿ 3 ಪಂದ್ಯವೂ ಗೆಲ್ಲಬೇಕಿದೆ. ರಾಜಸ್ಥಾನ್​ ತಂಡವೂ ಸಹ ತನ್ನ ಕೊನೆಯ 3 ಪಂದ್ಯಗಳನ್ನು ಹೆಚ್ಚಿನ ರನ್​ರೇಟ್​ನಲ್ಲಿ ಗೆಲ್ಲಬೇಕಿದೆ.

ಇನ್ನು, ಆರ್​ಸಿಬಿ ತಂಡ ಪ್ಲೇಆಫ್​ ಲೆಕ್ಕಾಚಾರ ಸ್ವಲ್ಪ ವಿಭಿನ್ನವಾಗಿದೆ. ಆರ್​ಸಿಬಿ ತಂಡಕ್ಕೆ ಉಳಿದ 4 ಪಂದ್ಯಗಳಲ್ಲಿ 4ರಲ್ಲಿಯೂ ಹೆಚ್ಚಿನ ರನ್​ರೇಟ್ ಮೂಲಕ ಗೆದ್ದರೆ ನೇರವಾಗಿ ಪ್ಲೇಆಫ್​ ಪ್ರವೇಶಿಸಲಿದೆ.

ಆದರೆ ಆರ್​ಸಿಬಿ ತಂಡಕ್ಕೆ ಮುಂಬೈ ಇಂಡಿಯನ್ಸ್, ಪಂಜಾಬ್​ ಕಿಂಗ್ಸ್, ಕೋಲ್ಕತ್ತಾ ನೈಟ್​ ರೈಡರ್ಸ್​ ತಂಡಗಳು ದೊಡ್ಡ ತಲೆನೋವಾಗಿದ್ದು, ಈ ತಂಡಗಳೂ ಸಹ 10 ಅಂಕಗಳೊಂದಿಗೆ ಆರ್​ಸಿಬಿ ತಂಡಕ್ಕೆ ಸ್ಪರ್ಧೆ ನೀಡುತ್ತಿವೆ.​

ಆರ್​ಸಿಬಿ ತನ್ನ ಮುಂದಿನ ಪಂದ್ಯಗಳನ್ನು ಕೇವಲ ಗೆಲ್ಲುವುದು ಮಾತ್ರವಲ್ಲದೇ ಹೆಚ್ಚಿನ ರನ್​​ರೇಟ್​ ಮೂಲಕ ಗೆಲ್ಲಬೇಕಾದ ಅವಶ್ಯಕತೆ ಇದೆ. ಇಲ್ಲವಾದ್ದಲ್ಲಿ ಆರ್​ಸಿಬಿ ತಂಡ ಮತ್ತೆ ಪ್ರತಿ ವರ್ಷದಂತೆ ಪ್ಲೇಆಫ್​ ಲೆಕ್ಕಾಚಾರ ಮಾಡಬೇಕಾಗುತ್ತದೆ.