IPL 2023: ಲಿಫ್ಟ್​ನಲ್ಲಿ ಹರ್ಭಜನ್​-ಶ್ರೀಶಾಂತ್​ ಕಿತ್ತಾಡಿಕೊಳ್ತಿರೋ​ ವಿಡಿಯೋ ವೈರಲ್, 15 ವರ್ಷ ಕಳೆದ್ರೂ ಜಿದ್ದು ಕಡಿಮೆಯಾಗಿಲ್ವಾ?

2008ರಲ್ಲಿ ಹರ್ಭಜನ್ ಸಿಂಗ್​ ಮತ್ತಿ ಶ್ರೀಶಾಂತ್​ ಅವರ ನಡುವೆ ನಡೆದ ಜಗಳ ಯಾವ ಮಟ್ಟಕ್ಕೆ ಸೌಂಡ್ ಮಾಡಿತ್ತು ಅಂತ ಎಲ್ಲರಿಗೂ ಗೊತ್ತಿದೆ. ಈ ಘಟನೆ ನಡೆದು 15 ವರ್ಷ ಕಳೆದಿದೆ. ಇನ್ನೂ ಕ್ರಿಕೆಟ್ ಲೋಕದಲ್ಲಿ ಈ ಗಲಾಟೆ ಅಚ್ಚಳಿಯದೇ ಉಳಿದಿದೆ.

ಇದೀಗ  15 ವರ್ಷದ ಬಳಿಕ ಮತ್ತೆ ಹರ್ಭಜನ್​ ಸಿಂಗ್​-ಶ್ರೀಶಾಂತ್ ಪರಸ್ಪರ ಕಿತ್ತಾಡಿಕೊಂಡಿದ್ದಾರೆ. ಲಿಫ್ಟ್​ನಲ್ಲಿ ಇಬ್ಬರು ಕಿತ್ತಾಡುತ್ತಿರುವ ವಿಡಿಯೋ ವೈರಲ್ ಆಗಿದೆ. ಈ ವಿಡಿಯೋವನ್ನು ರಿಷಭ್​ ಪಂತ್​​ ಸೋಷಿಯಲ್​ ಮೀಡಿಯಾದಲ್ಲಿ ಶೇರ್​ ಮಾಡಿದ್ದಾರೆ.

ಹರ್ಭಜನ್​ ಸಿಂಗ್​-ಶ್ರೀಶಾಂತ್​ ಇಬ್ಬರೂ ಜೊಮ್ಯಾಟೊ ವಿಚಾರವಾಗಿ ಕಿತ್ತಾಡಿಕೊಂಡಿದ್ದಾರೆ. ಜೊಮ್ಯಾಟೊ ಸ್ಪೆಲ್ಲಿಂಗ್​ ನಾನ್​ ಹೇಳಿದ್ದು ಸರಿ ಅಂತ ಇಬ್ಬರು ಜಗಳವಾಡಿದ್ದಾರೆ.

ಈ ವಿಡಿಯೋ ಇದೀಗ ಸೋಷಿಯಲ್​ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್​ ಆಗಿದೆ. ಹಾಗಂತ ಇವರಿಬ್ಬರು ನಿಜವಾಗಿಯೂ ಕಿತ್ತಾಡಿಕೊಂಡಿಲ್ಲ. ಇದು ಒಂದು ಜಾಹೀರಾತಿನ ವಿಡಿಯೋ.

ಜೊಮ್ಯಾಟೊ ಫುಡ್ ಆರ್ಡರ್​ ಆ್ಯಪ್​ ಮಾಡಿರುವ ಕ್ರಿಯೆಟಿವ್​ ಜಾಹೀರಾತಿನಲ್ಲಿ ಇಬ್ಬರು ಕಿತ್ತಾಡಿಕೊಂಡಿದ್ದಾರೆ. 15 ವರ್ಷವಾದ್ರೂ ಇನ್ನೂ ಜಿದ್ದು ಮುಗಿದಿಲ್ವಾ ಎಂದು ರಿಷಭ್​ ಪಂತ್​ ಇವರಿಬ್ಬರ ಕಾಲೆಳೆದಿದ್ದಾರೆ.

ಪಂತ್ ತಮಾಷೆಯ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. "ಭಜ್ಜಿ ಪಾ ಮತ್ತು ಶ್ರೀ ಮತ್ತೊಮ್ಮೆ ಜಗಳವಾಡಿರುವುದನ್ನು ನಂಬಲು ಸಾಧ್ಯವಿಲ್ಲ" ಎಂದು ಶೀರ್ಷಿಕೆಯನ್ನು ನೀಡಿದ್ದಾರೆ.

ಹರ್ಭಜನ್ ಮತ್ತು ಶ್ರೀಶಾಂತ್ ಪ್ರಸ್ತುತ ಐಪಿಎಲ್ 2023 ಋತುವಿನಲ್ಲಿ ಕ್ರಿಕೆಟ್ ವಿಶ್ಲೇಷಕರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಇವರಿಬ್ಬರು ಜಗಳದ ವಿಡಿಯೋ ನೆಟ್ಟಿಗರ ಮುಖದಲ್ಲಿ ಸಂತಸ ಮೂಡಿಸಿದೆ.