IPL 2023: ಅಂತೂ ಇಂತೂ ಕಾಂಗ್ರೆಸ್​ ಗೆದ್ದಾಯ್ತು, RCB ಕಪ್​ ಗೆಲ್ಲೋದ್ಯಾವಾಗ?

ಕರ್ನಾಟಕ ವಿಧಾನಸಭಾ ಚುನಾವಣೆಯಲ್ಲಿ (Karnataka Assembly Election) ಕಾಂಗ್ರೆಸ್ ಭರ್ಜರಿ ಗೆಲುವು ಪಡೆದು ನೂತನ ಸರ್ಕಾರ ರಚನೆ ಕಾರ್ಯಕ್ಕೆ ಮುಂದಾಗಿದೆ. ಮ್ಯಾಜಿಕ್​​ ನಂಬರ್​ (Magic Number) 113 ಮೀರಿ ಸ್ಥಾನಗಳನ್ನು ಪಡೆದುಕೊಳ್ಳುವಲ್ಲಿ ಕಾಂಗ್ರೆಸ್​ ಯಶಸ್ವಿಯಾಗಿದೆ.

ಆದರೆ, ಕರ್ನಾಟಕದ ಚುನಾವಣೆಯ ನಡುವೆ ಸಾಮಾಜಿಕ ಜಾಲತಾಣಗಳಲ್ಲಿ ಆರ್​ಸಿಬಿ ವಿಷಯವೊಂದು ಸಖತ್​ ವೈರಲ್​ ಆಗಿದೆ. ಹೌದು, ಚುನಾವಣೆಯಲ್ಲಿ ಕಾಂಗ್ರೆಸ್​ ಅಚ್ಚರಿಯ ಗೆಲುವು ದಾಖಲಿಸಿ ಎಲ್ಲರ ನಿರೀಕ್ಷೆಗೂ ಮೀರಿ ಯಶಸ್ಸು ಪಡೆಯಿತು.

ಇದೀಗ ಆರ್​ಸಿಬಿ ಅಭಿಮಾನಿಗಳೂ ಸಹ ತಮ್ಮ ತಂಡ ಅದೇ ರೀತಿ ಈ ಬಾರಿ ಅಚ್ಚರಿಯ ಫಲಿತಾಂಶ ನೀಡುವ ಮೂಲಕ ಖಂಡಿತವಾಗಿಯೂ ಪ್ಲೇಆಫ್​ ಪ್ರವೇಶಿಸಲಿದೆ ಎಂಬ ಮೀಮ್ಸ್​ಗಳನ್ನು ಹರಿದಾಡುತ್ತಿದೆ. ಆರ್​ಸಿಬಿ ಸಹ ಅದೇ ರೀತಿ ಈ ಬಾರಿ ತನ್ನ ಮುಂದಿನ ಪಂದ್ಯಗಳಲ್ಲಿ ಭರ್ಜರಿ ಪ್ರದರ್ಶನ ಣಡಿಉತ್ತದೆ ಎಂದು ಹೇಳಲಾಗುತ್ತಿದೆ.

ಇದುವರೆಗೆ 11 ಪಂದ್ಯಗಳಲ್ಲಿ ಕೇವಲ 5 ಪಂದ್ಯಗಳಲ್ಲಿ ಗೆದ್ದಿದ್ದು, 6ರಲ್ಲಿ ಸೋಲನ್ನಪ್ಪಿದೆ. 10 ಅಂಕಗಳೊಂದಿಗೆ 6ನೇ ಸ್ಥಾನದಲ್ಲಿದೆ. ನಿವ್ವಳ ರನ್ ರೇಟ್ -0.345. ಪ್ಲೇ-ಆಫ್‌ಗೆ ಅರ್ಹತೆ ಪಡೆಯಲು, ಅವರು ಕೊನೆಯ ಮೂರು ಪಂದ್ಯಗಳನ್ನು ಗೆಲ್ಲಬೇಕು. ಇದರಲ್ಲಿ ಒಂದು ಪಂದ್ಯ ಸೋತರೂ ಆರ್​ಸಿಬಿ ಪ್ಲೇಆಫ್​ ಕನಸು ಕಷ್ಟಕರವಾಗಲಿದೆ.

ತಂಡದ ಟಾಪ್​ ಅರ್ಡರ್​ನಲ್ಲಿ ವಿರಾಟ್ ಕೊಹ್ಲಿ, ಫಾಫ್​ ಡು ಪ್ಲೆಸಿಸ್, ಮ್ಯಾಕ್ಸ್​ವೆಲ್​​ ಉತ್ತಮ ಪ್ರದರ್ಶನ ನೀಡುತ್ತಿದ್ದರು ಕೂಡ ಉಳಿದ ಬ್ಯಾಟರ್​​ಗಳು ವಿಫಲವಾದ ಕಾರಣ ಬೆಂಗಳೂರು ತಂಡ ಸಂಕಷ್ಟಕ್ಕೆ ಸಿಲುಕಿದೆ.

ಸದ್ಯ ಆರ್​ಸಿಬಿ ತಂಡ ಮೇ 14ರಂದು ರಾಜಸ್ಥಾನ್​ ರಾಯಲ್ಸ್ ನಡುವೆ ನಡೆಯಲಿದೆ. ಈ ಪಂದ್ಯವು ಜೈಪುರದ ಸವಾಯಿ ಮಾನ್ಸಿನ್​ ಸ್ಟೇಡಿಯಂನಲ್ಲಿ ನಡೆಯಲಿದೆ.

ಈ ಪಂದ್ಯದಲ್ಲಿ ಆರ್​ಸಿಬಿ ಭರ್ಜರಿ ಗೆಲುವು ದಾಖಲಿಸಬೇಕಿದ್ದು, ಪ್ಲೇಆಫ್​ಗಾಗಿ ರಾಜಸ್ಥಾನ್​ ಮತ್ತು ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡಗಳ ನಡುವೆ ಬಿಗ್​ ಫೈಟ್​ ನಡೆಯಲಿದೆ.