RCB vs CSK Rivalry: ಮತ್ತೆ ಶುರುವಾಯ್ತು ಆರ್​​ಸಿಬಿ-ಸಿಎಸ್​ಕೆ ಫ್ಯಾನ್ಸ್​ ವಾರ್​​, ಪ್ರತಿ ಬಾರಿ ಹೀಗಾಗೋದ್ಯಾಕೆ?

ಪ್ರತಿ ವರ್ಷ ಐಪಿಎಲ್ ಶುರುವಾದ ಕೂಡಲೇ ಆರ್​ಸಿಬಿ ಮತ್ತು ಸಿಎಸ್​ಕೆ ಅಭಿಮಾನಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ಗದ್ದಲ ಎಬ್ಬಿಸುವುದು ಸಹಜವಾಗಿದೆ. ತಮ್ಮ ನೆಚ್ಚಿನ ತಂಡವನ್ನು ಬೆಂಬಲಿಸಿ ಫೋಸ್ಟ್​ಗಳು ಹರಿದಾಡುತ್ತಿವೆ. ವಿಶೇಷವಾಗಿ ಚೆನ್ನೈ ಮತ್ತು ಬೆಂಗಳೂರು ಅಭಿಮಾನಿಗಳು ಯಾವಾಗಲೂ ಸೋಶಿಯಲ್​ ಮೀಡಿಯಾದಲ್ಲಿ ಪರ ವಿರೋಧ ಚರ್ಚೆಗಳನ್ನು ಮಾಡುತ್ತಿರುತ್ತಾರೆ.

ಆದರೆ, ಮುಂಬೈ vs ಚೆನ್ನೈ ಪಂದ್ಯವನ್ನು ವಿಶ್ಲೇಷಕರು ಈ ಹೋರಾಟವನ್ನು ಕ್ಲಾಸಿಕೋ ಪಂದ್ಯ ಎಂದು ಹೇಳುತ್ತಾರೆ. ಅಂತರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಭಾರತ vs ಪಾಕಿಸ್ತಾನ, ಆಸ್ಟ್ರೇಲಿಯಾ vs ಇಂಗ್ಲೆಂಡ್ ಮತ್ತು ಫುಟ್‌ಬಾಲ್‌ನಲ್ಲಿ ಅರ್ಜೆಂಟೀನಾ vs ಬ್ರೆಜಿಲ್ ಯಾವಾಗಲೂ ಕ್ರೇಜ್ ಹೆಚ್ಚಿರುತ್ತದೆ.

ಆರ್​ಸಿಬಿ vs ಚೆನ್ನೈ ಮ್ಯಾಚ್ ಕೂಡ ಅದೇ ರೇಂಜ್ ನಲ್ಲಿ ನಡೆಯುತ್ತಿದೆ. ನೀನಾ ನಾನಾ ಎಂಬಂತೆ ಪಂದ್ಯವು ಕೊನೆಯ ಬಾಲ್​ವರೆಗೂ ಪಂದ್ಯದ ರೋಚಕತೆ ಇರುತ್ತದೆ. ಈ ಪಂದ್ಯವು ಒಂದರ್ಥದಲ್ಲಿ ಐಪಿಎಲ್​ನಲ್ಲಿ ಪ್ರಾಮಚೈಸಿಗಳಿಗೆ ಚಿನ್ನದ ಮೊಟ್ಟೆ ಇಡುವ ಪಂದ್ಯವಾಗಿದೆ.

RCB ಅಭಿಮಾನಿಗಳು ತಮ್ಮ ತಂಡ ಇನ್ನೂ ಕಪ್​ ಗೆಲ್ಲದಿದ್ದರೂ ಸಹ ತಂಡಕ್ಕಾಗಿ ಇಂದಿಗೂ ಮೊದಲಿನ ಪ್ರಾಮುಖ್ಯತೆ ನೀಡುತ್ತಿದ್ದಾರೆ. ಅದೇ ರೀತಿ ಧೋನಿ ಅಭಿಮಾನಿಗಳೂ ಸಹ ಚೆನ್ನೈ ತಂಡವನ್ನು ಅತ್ಯಂತ ಪ್ರೀತಿಯಿಂದ ತಮ್ಮ ತಂಡ ಎಂಬಂತೆ ಮೀಮ್ಸ್​ಗಳನ್ನು ಹರಿಬಿಡುತ್ತಿರುತ್ತಾರೆ. ನಿಜವಾಗಿ ಕೊಹ್ಲಿ ಮತ್ತು ಧೋನಿ ನಡುವೆ ಉತ್ತಮ ಸಂಬಂಧವಿದೆ.

ಆದರೆ, ಈ ಎರಡೂ ತಂಡಗಳ ಅಭಿಮಾನಿಗಳು ಪಂದ್ಯದ ಮೊದಲು ಮತ್ತು ನಂತರ ಸಾಮಾಜಿಕ ಜಾಲತಾಣದಲ್ಲಿ ತರಹೇವಾರಿ ಪೋಸ್ಟ್ ಗಳು, ಟ್ವೀಟ್ ಗಳನ್ನು ಮಾಡಿ ಫ್ಯಾನ್ ವಾರ್ ಗಳನ್ನು ನಡೆಸುತ್ತಿರುತ್ತಾರೆ. ಇದೇ ಕಾರಣದಿಂದ ಇಂದು ಆರ್​ಸಿಬಿ vs ಚೆನ್ನೈ ನಡುವೆ ಮತ್ತೊಮ್ಮೆ ಪಂದ್ಯ ನಡೆಯುತ್ತಿದೆ. ಸಾಮಾಜಿಕ ಮಾಧ್ಯಮದಲ್ಲಿ ಈಗಾಗಲೇ ಅಭಿಮಾನಿಗಳ ವಾರ್​ ಆರಂಭವಾಗಿದೆ.

ಇದುವರೆಗೆ ಎರಡು ತಂಡಗಳ ನಡುವೆ 30 ಪಂದ್ಯಗಳು ನಡೆದಿವೆ. ಅದರಲ್ಲಿ ಚೆನ್ನೈ 19 ಬಾರಿ ಗೆದ್ದಿದೆ. ಬೆಂಗಳೂರು 10 ಬಾರಿ ಗೆದ್ದಿದೆ. ಒಂದು ಪಂದ್ಯಕ್ಕೆ ಫಲಿತಾಂಶವಿಲ್ಲ. ಇದೇ ಕಾರಣಕ್ಕೆ ಉಭಯ ತಂಡಗಳ ಅಭಿಮಾನಿಗಳು ಧೋನಿ vs ಕೊಹ್ಲಿ ಎಂಬ ವಾರ್​ ಆರಂಭಿಸಿದ್ದಾರೆ.

ಈ ಅಂಕಿ ಅಂಶಗಳನ್ನು ನೋಡಿ ಚೆನ್ನೈ ಅಭಿಮಾನಿಗಳು ಆರ್​ಸಿಬಿ ವಿರುದ್ಧ ವಾರ್​ ಆರಂಭಿಸಿದ್ದಾರೆ. ಅದೇ ರೀತಿ ಆರ್​ಸಿಬಿ ಅಭಿಮಾನಿಗಳು ಚೆನ್ನೈ ತಂಡ 2 ವರ್ಷ ಬ್ಯಾನ್​ ಆಗಿರುವುದರ ಕುರಿತು ಕೌಂಟರ್​ ನೀಡುತ್ತಿದ್ದಾರೆ. ಈಗಾಗಲೇ ಆರ್​ಸಿಬಿ vs ಸಿಎಸ್​ಕೆ ಟ್ಯಾಗ್​ ಟ್ರೆಂಡ್​ ಆಗಿದೆ.

ಇವತ್ತಿನ ಮ್ಯಾಚ್ ಯಾರು ಗೆಲ್ಲುತ್ತಾರೆ ಎಂಬ ಕುತೂಹಲ ಎಲ್ಲರಲ್ಲೂ ಇದೆ. ಇನ್ನು ಧೋನಿ RCB ವಿರುದ್ಧ 140 ಸ್ಟ್ರೈಕ್ ರೇಟ್‌ನೊಂದಿಗೆ 605 ಎಸೆತಗಳಲ್ಲಿ 849 ರನ್ ಗಳಿಸಿದ್ದು, ಕೊಹ್ಲಿ ಸಹ ಚೆನ್ನೈ ವಿರುದ್ಧ ಉತ್ತಮ ಟ್ರ್ಯಾಕ್​ ರೆಕಾರ್ಡ್​ ಹೊಂದಿದ್ದಾರೆ.