IPL 2023: ಪ್ರತಿ ರನ್​ಗೆ ಬರೋಬ್ಬರಿ 6.84 ಲಕ್ಷ, ಈ ವರ್ಷ ಐಪಿಎಲ್​ನ ಫ್ಲಾಪ್​ ಪ್ಲೇಯರ್​

ಐಪಿಎಲ್ 2023 (IPL 2023) ಅಂತಿಮ ಹಂತಕ್ಕೆ ತಲುಪಿದೆ. ಹಲವು ಆಟಗಾರರು ತಮ್ಮ ಆಟದ ಶೈಲಿಯಿಂದ ಮಿಂಚುತ್ತಿದ್ದರೆ ಇನ್ನು ಕೆಲವರು ಕಳಪೆ ಫಾರ್ಮ್​ನಿಂದ ಬಳಲುತ್ತಿದ್ದಾರೆ. ಟಿ20 ಲೀಗ್ ನ 16ನೇ ಸೀಸನ್ ನಲ್ಲಿ ಕಡಿಮೆ ಸಂಭಾವನೆ ಪಡೆಯುವ ಆಟಗಾರರು ತಮ್ಮ ಪ್ರದರ್ಶನದಿಂದ ಎಲ್ಲರ ಗಮನ ಸೆಳೆದರು. ಕೋಟ್ಯಂತರ ರೂಪಾಯಿ ತೆಗೆದುಕೊಂಡ ಆಟಗಾರರು ಫ್ಲಾಪ್ ಆಗುತ್ತಿದ್ದಾರೆ. ತೆಗೆದುಕೊಂಡ ಹಣಕ್ಕೆ ನ್ಯಾಯ ಕೊಡಿಸಲು ಸಾಧ್ಯವಾಗುತ್ತಿಲ್ಲ.

ಅಂತಹ ಆಟಗಾರನ ಬಗ್ಗೆ ನೋಡುವುದಾದರೆ, ಈ ಋತುವಿನಲ್ಲಿ ಹೇಗೆ ಬ್ಯಾಟಿಂಗ್ ಮಾಡಬೇಕು ಎಂಬುದನ್ನು ಅವರು ಮರೆತಿದ್ದಾರೆ. ಅವರ ಅಂಕಿಅಂಶಗಳನ್ನು ನೋಡಿದರೆ ಅವರು ಇಷ್ಟು ಕೆಟ್ಟದಾಗಿ ಆಡಿದ್ದಾರೆ ಎಂದು ಯಾರಿಗೂ ಅನಿಸುವುದಿಲ್ಲ.

ಆ ಆಟಗಾರ ಯಾರು ಅಲ್ಲ.. ದೀಪಕ್ ಹೂಡಾ. 2022ರಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಪದಾರ್ಪಣೆ ಮಾಡಿದ್ದ ದೀಪಕ್ ಹೂಡಾ ಕಳೆದ ವರ್ಷ ಜೂನ್‌ನಲ್ಲಿ ಐರ್ಲೆಂಡ್ ವಿರುದ್ಧ ಶತಕ ಸಿಡಿಸಿದ್ದರು. ಟಿ20ಯಲ್ಲಿ ಶತಕ ಸಿಡಿಸಿದ ಕೆಲವೇ ಕೆಲವು ಭಾರತೀಯ ಕ್ರಿಕೆಟಿಗರಲ್ಲಿ ದೀಪಕ್ ಹೂಡಾ ಕೂಡ ಒಬ್ಬರು.

ಈ ಐಪಿಎಲ್ ಸೀಸನ್ ನಲ್ಲಿ ಅವರೇ ಅತ್ಯಂತ ಕೆಟ್ಟ ಆಟಗಾರ ಎಂದೇ ಹೇಳಬಹುದು. ದೀಪಕ್ 12 ಪಂದ್ಯಗಳಲ್ಲಿ 7.64 ಸರಾಸರಿಯಲ್ಲಿ ಕೇವಲ 84 ರನ್ ಗಳಿಸಿದರು. ಅದೇ ಸಮಯದಲ್ಲಿ ಅವರು ಈ ಋತುವಿನಲ್ಲಿ ಬೌಲಿಂಗ್ ಸಹ ಮಾಡಿಲ್ಲ.

17 ರನ್ ಅವರ ಇನ್ನಿಂಗ್ಸ್‌ನಲ್ಲಿ ಗರಿಷ್ಠ ಸ್ಕೋರ್ ಆಗಿತ್ತು. ಕಳೆದ ವರ್ಷದ ಋತುವಿನಲ್ಲಿ ಹೂಡಾ ಮಿಂಚಿದ್ದರು. ಆದರೆ, ಈ ಋತುವಿನಲ್ಲಿ ಅವರ ಮಟ್ಟಕ್ಕೆ ತಕ್ಕಂತೆ ಪ್ರದರ್ಶನ ನೀಡಲು ಸಾಧ್ಯವಾಗಲಿಲ್ಲ. ಕೆಟ್ಟ ಪ್ರದರ್ಶನ ತೋರುತ್ತಿರುವ ದೀಪಕ್​ ಹೂಡಾ ಕುರಿತು ನೆಟ್ಟಿಗರು ಬೇಸರ ವ್ಯಕ್ತಪಡಿಸಿದ್ದಾರೆ.

ಲಕ್ನೋ ಸೂಪರ್‌ಜೈಂಟ್ಸ್ ದೀಪಕ್ ಹೂಡಾ ಅವರನ್ನು ರೂ.5.75 ಕೋಟಿಗೆ ರಿಟೈನ್​ ಮಾಡಿತ್ತು. ಆದರೆ ಆ ಹಣಕ್ಕೆ ನ್ಯಾಯ ಕೊಡಿಸಲು ಅವರ ಬಳಿ ಸಾಧ್ಯವಾಗಲಿಲ್ಲ. ಪ್ರತಿ ರನ್‌ಗೆ ಸುಮಾರು 6.84 ಲಕ್ಷ ಹಣ ಪಡೆದಂತಾಗಿದೆ ಎಂದು ನೆಟ್ಟಿಗರು ಟ್ರೋಲ್​ ಮಾಡುತ್ತಿದ್ದಾರೆ.

28ರ ಹರೆಯದ ದೀಪಕ್ ಹೂಡಾ ಭಾರತ ಪರ 10 ಏಕದಿನ ಹಾಗೂ 21 ಟಿ20 ಪಂದ್ಯಗಳನ್ನು ಆಡಿದ್ದಾರೆ. ಆದರೆ ಅವರ ಈ ವರ್ಷದ ಕಳಪೆ ಫಾರ್ಮ್​ನಿಂದ ಟೀಂ ಇಂಡಿಯಾಗೆ ಕಂಬ್ಯಾಕ್​ ಮಾಡುವ ಸಾಧ್ಯತೆಯೂ ಕಷ್ಟವಾಗಿದೆ.

ಆದರೆ, ದೀಪಕ್​ ಹೂಡ ಮತ್ತೆ ಬಲಿಷ್ಠವಾಗಿ ಕಂಬ್ಯಾಕ್​ ಮಾಡುವ ವಿಶ್ವಾಸ ವ್ಯಕ್ತಪಡಿಸಿದ್ದು, ಆದಷ್ಟು ಬೇಗ ಅವರು ಫಾರ್ಮ್​ಗೆ ಮರಳುವುದು ಭಾರತ ತಂಡಕ್ಕೂ ಮುಖ್ಯವಾಗಿದೆ.