Rohit Sharma: ಐಪಿಎಲ್​ನಲ್ಲಿ ಕೆಟ್ಟ ದಾಖಲೆ ಬರೆದ ರೋಹಿತ್​, ಹಿಟ್​ಮ್ಯಾನ್ ಮೇಲೆ ಸಿಟ್ಟಾದ ನೆಟ್ಟಿಗರು

ಐಪಿಎಲ್ 2023 ರನ್‌ಗಳ ಹಬ್ಬ. ಆದರೆ, ಮುಂಬೈ ಇಂಡಿಯನ್ಸ್ ನಾಯಕ ರೋಹಿತ್ ಶರ್ಮಾ ಮಾತ್ರ ಈ ಮೆಗಾ ಟೂರ್ನಿಯಲ್ಲಿ ಕಳಪೆ ಫಾರ್ಮ್​ನಲ್ಲಿದ್ದಾರೆ.

ರೋಹಿತ್ ಶರ್ಮಾ ವೃತ್ತಿಜೀವನದ ಆರಂಭದಲ್ಲಿ ಹಲವರು ಟ್ರೋಲ್ ಮಾಡುತ್ತಿದ್ದರು. ಅವರು ಬೇಗ ಔಟ್​ ಆಗುತ್ತಿದ್ದರು ಎಂಬ ಆರೋಪವಿತ್ತು. ಆದರೆ ಇದೀಗ ಮತ್ತದೇ ಸಮಸ್ಯೆ ತಲೆದೂರಿದೆ.

ಐಪಿಎಲ್ ನಾಯಕನಾಗಿ ರೋಹಿತ್ ಚೊಚ್ಚಲ ಕಪ್ ಗೆದ್ದರು. ಅಂದಿನಿಂದ ಅಭಿಮಾನಿಗಳು ರೋಹಿತ್ ಅವರ ಬ್ಯಾಟಿಂಗ್ ಪ್ರತಿಭೆಯನ್ನು ಅರ್ಥಮಾಡಿಕೊಂಡಿದ್ದರು. ಅಲ್ಲದೇ ಅವರಿಗೆ ಹಿಟ್​ಮ್ಯಾನ್​ ಎಂಬ ಬಿರುದನ್ನೂ ನೀಡಿದ್ದರು.

ಟೀಂ ಇಂಡಿಯಾ ಪರ ಏಕದಿನದಲ್ಲಿ ಹತ್ತು ವರ್ಷಗಳಿಂದ ಸತತವಾಗಿ ಆಡುತ್ತಿರುವ ರೋಹಿತ್ ಮುಂಬೈ ಇಂಡಿಯನ್ಸ್ ಫ್ರಾಂಚೈಸಿಗಾಗಿ 5 ಬಾರಿ ಕಪ್​ ಗೆಲ್ಲಿಸಿಕೊಟ್ಟಿದ್ದಾರೆ. ಆದರೆ ಈ ವರ್ಷ ಕಳಪೆ ಫಾರ್ಮ್​ನಿಂದ ಸಂಕಷ್ಟದಲ್ಲಿದ್ದಾರೆ.

ಐದು ಬಾರಿ ಮುಂಬೈ ಇಂಡಿಯನ್ಸ್ ಗೆ ಕಪ್ ತಂದುಕೊಟ್ಟಿರುವ ರೋಹಿತ್ ಈ ವರಚಷ ಒಂದೇ ಒಂದು ಪಂದ್ಯದಲ್ಲಿಯೂ ಉತ್ತಮವಾಗಿ ಆಡುತ್ತಿಲ್ಲ. ಬಂದಷ್ಟೇ ವೇಗದಲ್ಲಿ ಮರಳುತ್ತಿದ್ದಾರೆ. ಇದರೊಂದಿಗೆ ಡಕೌಟ್​ ವಿಚಾರದಲ್ಲಿಯೂ ದಾಖಲೆ ಬರೆದಿದ್ದಾರೆ.

ಈ ವರ್ಷದ ಐಪಿಎಲ್ ಸೀಸನ್ ನಲ್ಲೂ ರೋಹಿತ್ ಬ್ಯಾಡ್ ಫಾರ್ಮ್ ಮುಂದುವರೆದಿದೆ. ರೋಹಿತ್ 10 ಪಂದ್ಯಗಳಲ್ಲಿ 184 ರನ್ ಮಾತ್ರ ಗಳಿಸಿದ್ದಾರೆ. ಸರಾಸರಿ 20 ಮಾತ್ರ. ಇತ್ತೀಚಿನ ಚೆನ್ನೈ ಪಂದ್ಯದಲ್ಲೂ ಅವರು ಶೂನ್ಯಕ್ಕೆ ವಿಕೆಟ್​ ಒಪ್ಪಿಸಿದ್ದಾರೆ.

ಇತ್ತೀಚೆಗೆ ಚೆನ್ನೈ ವಿರುದ್ಧದ ಪಂದ್ಯದಲ್ಲಿ ರೋಹಿತ್ ಡಕೌಟ್ ಆದರು. ಇದರೊಂದಿಗೆ ಅವರ ಖಾತೆಯಲ್ಲಿ ಕೆಟ್ಟ ದಾಖಲೆ ಸೇರಿದೆ. ಅವರು ಐಪಿಎಲ್ ಇತಿಹಾಸದಲ್ಲಿ ಅತಿ ಹೆಚ್ಚು ಡಕ್ ಆದ ಬ್ಯಾಟ್ಸ್‌ಮನ್ ಎಂಬ ಕೆಟ್ಟ ದಾಖಲೆಯನ್ನು ಹೊಂದಿದ್ದಾರೆ.

ರೋಹಿತ್ ಶರ್ಮಾ 16 ಬಾರಿ ಐಪಿಎಲ್‌ನಲ್ಲಿ ಅತಿ ಹೆಚ್ಚು ಬಾರಿ ಡಕೌಟ್​ ಆಗಿದ್ದಾರೆ. ಹಿಟ್ ಮ್ಯಾನ್ ನಂತರ ಅತಿ ಹೆಚ್ಚು ಡಕೌಟ್ ಆದವರ​ ಪಟ್ಟಿಯಲ್ಲಿ ದಿನೇಶ್ ಕಾರ್ತಿಕ್, ಸುನಿಲ್ ನರೈನ್ ಮತ್ತು ಮನದೀಪ್ ಸಿಂಗ್ ಇದ್ದಾರೆ. ಈ ಮೂರು 15 ಡಕೌಟ್​ಗಳೊಂದಿಗೆ ಎರಡನೇ ಸ್ಥಾನದಲ್ಲಿದ್ದಾರೆ.