IPL 2023: ಆರ್‌ಸಿಬಿಗೆ ಪವರ್ ತುಂಬಲಿದ್ದಾರೆ ಎಬಿಡಿ, ಗೇಲ್! ಈ ಸಲ ಪಕ್ಕಾ ಕಪ್ ನಮ್ದೇ!

ಐಪಿಎಲ್ 2023 ಆರಂಭಕ್ಕೆ ದಿನಗಣನೆ ಅಷ್ಟೇ ಬಾಕಿ ಉಳಿದಿವೆ. ಕೊರೊನಾ ಬಳಿಕ ಈ ಬಾರಿ ದೇಶಾದ್ಯಂತ 12 ಕ್ರೀಡಾಂಗಣದಲ್ಲಿ ಐಪಿಎಲ್​ ಪಂದ್ಯಗಳನ್ನು ಆಯೋಜಿಸಲಾಗುತ್ತಿದೆ. ಇದೀಗ ಟೂರ್ನಿ ಆರಂಭಕ್ಕೂ ಮುನ್ನ ಆರ್​ಸಿಬಿ ತಂಡಕ್ಕೆ ಸಂತಸದ ಸುದ್ದಿಯೊಂದು ಕೇಳಿಬಂದಿದ್ದು, ತಂಡಕ್ಕೆ ಆನೆ ಬಲ ಬಂದಂತಾಗಿದೆ.

ಹೌದು, ಈಗಾಗಲೇ ಆರ್​ಸಿಬಿ ತಂಡದಲ್ಲಿ ಕೆಲ ಆಟಗಾರರು ಗಾಯದ ಸಮಸ್ಯೆಯಿಂದ ಸಂಪೂರ್ಣ ಟೂರ್ನಿಯಿಂದಲೇ ಹೊರಗುಳಿದಿದ್ದಾರೆ. ಆದರೆ ಇದರ ನಡುವೆ ತಂಡಕ್ಕೆ ಇಬ್ಬರು ಸ್ಟಾರ್​ ಆಟಗಾರರು ವಾಪಸ್ಸಾಗುತ್ತಿದ್ದು, ತಂಡಕ್ಕೆ ಆನೆ ಬಲ ಬಂದಂತಾಗಿದೆ.

ರೆಡ್​ ಆರ್ಮಿಗೆ ಇದೀಗ ಹೊಸ ಪ್ಲೇಯರ್​ ಸೇರಿಕೊಳ್ಳಲಿದ್ದಾರೆ. ಅವರಿಬ್ಬರೂ ಮತ್ಯಾರೂ ಅಲ್ಲ ತಂಡದಲ್ಲಿ ಮೊದಲು ಮೀಂಚಿದ ಈ ಇಬ್ಬರೂ ಆಟಗಾರರು ಮತ್ತೆ ಸೇರಿಕೊಳ್ಳಲಿದ್ದಾರೆ. ಹೌದು, ಎಬಿಡಿ ಮತ್ತು ಗೇಲ್​ ಮತ್ತೆ ಕಂಬ್ಯಾಕ್​ ಮಾಡಲಿದ್ದಾರೆ.

ಕ್ರಿಸ್​ ಗೇಲ್​ ಮತ್ತು ಎಬಿಡಿ ವಿಲಿಯರ್ಸ್​​ ಇಬ್ಬರೂ ಇದೀಗ ಮತ್ತೊಮ್ಮೆ ಆರ್​ಸಿಬಿ ತಂಡಕ್ಕೆ ಮರಳುತ್ತಿದ್ದಾರೆ. ಇವರಿಬ್ಬರೂ ವಿಶೇಷ ಗೌರವ ಸಲ್ಲಿಸಲು ಪ್ರಾಂಚೈಸಿ ನಿರ್ಧರಿಸಿದ್ದು, ಮಾರ್ಚ್​ 26ರಂದು ಇದರ ಭಾಗವಾಗಿ ವಿಶೇಷ ಕಾರ್ಯಕ್ರಮ ಹಮ್ಮಿಕೊಂಡಿದೆ.

ಆರ್​ಸಿಬಿ ಹಮ್ಮಿಕೊಂಡಿರುವ ಆಲ್​ ಆಫ್​ ಫೇಮ್​ ಕಾರ್ಯಕ್ರಮ ಹಮ್ಮಿಕೊಳ್ಳಲಿದೆ. ಈ ವಿಶೇಷ ಕಾರ್ಯಕ್ರಮದಲ್ಲಿ ಈ ಇಬ್ಬರು ದಿಗ್ಗಜ ಆಟಗಾರರಿಗೆ ಆರ್​ಸಿಬಿ ಪ್ರಾಂಚೈಸಿ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಗೌರವ ಸಲ್ಲಿಸಲಿದೆ.

ಇನ್ನು, ಗೇಲ್​ ಮತ್ತು ಎಬಿಡಿ ಇಬ್ಬರೂ ಈ ಗೌರವ ಸ್ವೀಕರಿಸದ ಬಳಿಕ ಆರ್​ಸಿಬಿ ತಂಡದ ಜೊತೆ ಈ ಸೀಸನ್​ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಆದರೆ ಆಟಗಾರರಾಗಿ ಅಲ್ಲ. ಬದಲಿಗೆ ತಂಡದ ಮೆಂಟರ್​ ರೀತಿ ಇಬ್ಬರೂ ಕಾರ್ಯನಿರ್ವಹಿಸಲಿದ್ದಾರೆ ಎಂದು ಹೇಳಲಾಗುತ್ತಿದೆ.

ಇನ್ನು, ವಿಲ್​ ಜಾಕ್ಸ್​ ಅವರು ತಂಡದಿಂದ ಹೊರನಡೆದ ಹಿನ್ನಲೆ ಅವರ ಸ್ಥಾನಕ್ಕೆ ಆರ್​ಸಿಬಿ ಫ್ರಾಂಚೈಸಿಯು ನ್ಯೂಜಿಲೆಂಡ್‌ನ ಸ್ಟಾರ್ ಆಲ್​ರೌಂಡರ್​ ಮಿಚೆಲ್ ಬ್ರಾಸ್‌ವೆಲ್ ಅವರನ್ನು ತನ್ನ ತೆಕ್ಕೆಗೆ ಸೆಳೆದುಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ಮಿಚೆಲ್ ಬ್ರಾಸ್‌ವೆಲ್‌ ಇದುವರೆಗೂ ನ್ಯೂಜಿಲೆಂಡ್ ಪರ 6 ಟೆಸ್ಟ್‌, 19 ಏಕದಿನ ಹಾಗೂ 16 ಟಿ20 ಪಂದ್ಯವಾಡಿದ್ದಾರೆ.