IPL 2023 Final: ಚೆನ್ನೈ ಅಭಿಮಾನಿಗಳಿಗೆ ಬಿಗ್​ ಶಾಕ್​! ಫೈನಲ್​ ಪಂದ್ಯದಿಂದ ಧೋನಿ ಔಟ್​?

ಚೆನ್ನೈ ಸೂಪರ್ ಕಿಂಗ್ಸ್ (CSK) ಐಪಿಎಲ್ ಸೀಸನ್ 16ರ ಫೈನಲ್ ತಲುಪಿದೆ. ಮೊದಲ ಕ್ವಾಲಿಫೈಯರ್ ಪಂದ್ಯದಲ್ಲಿ ಚೆನ್ನೈ 15 ರನ್‌ಗಳಿಂದ ಹಾಲಿ ಚಾಂಪಿಯನ್ ಗುಜರಾತ್ ಟೈಟನ್ಸ್ ತಂಡವನ್ನು ಸೋಲಿಸಿತು. ಇದು 10ನೇ ಬಾರಿ ಈ ಸಾಧನೆ ಮಾಡಿದೆ. 2021ರ ಸೀಸನ್‌ನ ಚಾಂಪಿಯನ್‌ ಆಗಿರುವ ಸಿಎಸ್‌ಕೆ ಇದೇ ತಿಂಗಳ 28ರಂದು ಫೈನಲ್‌ ಪಂದ್ಯವನ್ನು ಆಡಲಿದೆ.

ಈ ಪಂದ್ಯದಲ್ಲಿ ಸೋತರೂ ಗುಜರಾತ್‌ಗೆ ಫೈನಲ್‌ ಭರವಸೆ ಇದೆ. ಕ್ವಾಲಿಫೈಯರ್ 2ರಲ್ಲಿ ಗೆದ್ದರೆ ಟೈಟನ್ ಫೈನಲ್ ತಲುಪಲಿದೆ. ಕ್ವಾಲಿಫೈಯರ್​ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಚೆನ್ನೈ 20 ಓವರ್‌ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 172 ರನ್ ಗಳಿಸಿತು. ಗುಜರಾತ್​ ನಿಗದಿತ ಓವರ್‌ಗಳಲ್ಲಿ 9 ವಿಕೆಟ್‌ಗೆ 157 ರನ್ ಗಳಿಸಿ ಸೋಲನುಭವಿಸಿದರು. ಚೆನ್ನೈ ಬೌಲರ್‌ಗಳು ಉತ್ತಮ ಪ್ರದರ್ಶನ ನೀಡಿ ತಂಡವನ್ನು ಫೈನಲ್‌ಗೆ ತಲುಪಿಸಿದರು.

ಏತನ್ಮಧ್ಯೆ, ಫೈನಲ್‌ಗೆ ಮುನ್ನ ಚೆನ್ನೈ ಸೂಪರ್ ಕಿಂಗ್ಸ್ ಆಘಾತಕ್ಕೊಳಗಾಗುವ ಸಾಧ್ಯತೆಯಿದೆ. ಕ್ರಿಕೆಟ್ ಮೂಲಗಳ ಪ್ರಕಾರ ಆ ತಂಡದ ನಾಯಕ ಎಂಎಸ್ ಧೋನಿ ಮೇಲೆ ಒಂದು ಪಂದ್ಯದ ನಿಷೇಧದ ಸಾಧ್ಯತೆ ಇದೆ.

ಗುಜರಾತ್ ಟೈಟಾನ್ಸ್ ವಿರುದ್ಧದ ಕ್ವಾಲಿಫೈಯರ್-1ರ 16ನೇ ಓವರ್‌ನಲ್ಲಿ ಧೋನಿ ಅಂಪೈರ್ ಜೊತೆ ವಾಗ್ವಾದ ನಡೆಸಿದ್ದು ಗೊತ್ತೇ ಇದೆ. ಧೋನಿ ಸುಮಾರು 4 ನಿಮಿಷ ವ್ಯರ್ಥ ಮಾಡಿದರು. ಈ ವಿಷಯವನ್ನು ಗಂಭೀರವಾಗಿ ಪರಿಗಣಿಸಿದ ಮ್ಯಾಚ್ ರೆಫರಿ, ಧೋನಿಗೆ ದಂಡ ಅಥವಾ ಒಂದು ಪಂದ್ಯ ನಿಷೇಧ ಹೇರುವ ಸಾಧ್ಯತೆ ಇದೆ ಎಂದು ರಾಷ್ಟ್ರೀಯ ಮಾಧ್ಯಮಗಳಲ್ಲಿ ಹಲವು ಲೇಖನಗಳು ಪ್ರಕಟವಾಗಿದೆ.

ಅವರು ಉದ್ದೇಶಪೂರ್ವಕವಾಗಿ ಅಂಪೈರ್‌ಗಳ ಅಮೂಲ್ಯ ಸಮಯವನ್ನು ವ್ಯರ್ಥ ಮಾಡಿದ ಆರೋಪ ಎದುರಿಸುತ್ತಿದ್ದಾರೆ. ಐಪಿಎಲ್ ಆಡಳಿತ ಮಂಡಳಿ ಈ ಬಗ್ಗೆ ತನಿಖೆ ನಡೆಸುತ್ತಿದೆ. ಧೋನಿ ತಪ್ಪು ಮಾಡಿರುವುದು ಕಂಡು ಬಂದರೆ ಕ್ರಮ ಕೈಗೊಳ್ಳುವ ಸಾಧ್ಯತೆ ಇದೆ. ಐಪಿಎಲ್ ನೀತಿ ಸಂಹಿತೆ ಪ್ರಕಾರ ಧೋನಿ ಮೇಲೆ ಒಂದು ಪಂದ್ಯ ನಿಷೇಧ ಹೇರುವ ಸಾಧ್ಯತೆ ಇದೆ.

ಹೀಗಾದರೆ ಧೋನಿ ಫೈನಲ್‌ನಿಂದ ದೂರ ಉಳಿಯುತ್ತಾರೆ ಎಂಬ ಅಭಿಪ್ರಾಯಗಳು ವ್ಯಕ್ತವಾಗುತ್ತಿವೆ. ಐಪಿಎಲ್ ನೀತಿ ಸಂಹಿತೆ ನಿಯಮ 14.2.3ರ ಪ್ರಕಾರ, ಪಂದ್ಯದ ವೇಳೆ 8 ನಿಮಿಷಕ್ಕಿಂತ ಹೆಚ್ಚು ಕಾಲ ಮೈದಾನದಲ್ಲಿ ಇಲ್ಲದಿದ್ದಲ್ಲಿ ಅಂಪೈರ್‌ಗಳಿಗೆ ಆಟಗಾರನ ಮೇಲೆ ನಿಯಮಗಳನ್ನು ಹೇರಲು ಅವಕಾಶವಿದೆ.

ಒಂಬತ್ತು ನಿಮಿಷಗಳ ಕಾಲ ಪಂದ್ಯದಿಂದ ಹೊರಗುಳಿದ ಮತಿಶಾ ಪತಿರಾಣ ಅವರಿಗೆ ಬೌಲಿಂಗ್ ಮಾಡಲು ಅಂಪೈರ್‌ಗಳು ನಿರಾಕರಿಸಿದರು. ನಿಯಮಗಳು ಸ್ಪಷ್ಟವಾಗಿದ್ದರೂ - ಅಂಪೈರ್‌ಗಳೊಂದಿಗೆ ಧೋನಿ ವಾಗ್ವಾದ ಮಾಡಿದ್ದು ಐದು ನಿಮಿಷ ವ್ಯರ್ಥ ಎಂದು ಆಡಳಿತ ಮಂಡಳಿ ಭಾವಿಸಿದೆ.

ಸುನಿಲ್ ಗವಾಸ್ಕರ್ ಮತ್ತು ಸೈಮನ್ ಡೌಲ್ ಕೂಡ ಇದೇ ವಿಷಯವನ್ನು ಪ್ರಸ್ತಾಪಿಸಿದ್ದಾರೆ. 5 ನಿಮಿಷಗಳ ಕಾಲ ಅಂಪೈರ್‌ಗಳೊಂದಿಗೆ ವಾದ ಮಾಡುವುದು ಒಳ್ಳೆಯದಲ್ಲ ಮತ್ತು ಇದು ಅನಗತ್ಯ ಕೃತ್ಯವಾಗಿದೆ. ಒಟ್ಟಿನಲ್ಲಿ ಧೋನಿಯಿಂದ ಈ ರೀತಿಯ ವರ್ತನೆಯನ್ನು ನಿರೀಕ್ಷಿಸದ ಜನ ಒಮ್ಮೆಲೇ ಬೆಚ್ಚಿಬಿದ್ದಿದ್ದಾರೆ.