IPL 2023 Mini Auction: ಐಪಿಎಲ್‌ ಮಿನಿ ಹರಾಜಿಗೆ ಕೌಂಟ್‌ಡೌನ್, ಈ ಬಾರಿ ಚೇಂಜ್ ಆಗುತ್ತಾ ಲಕ್ಷಾಧಿಪತಿಗಳ ಲಕ್?

ಐಪಿಎಲ್ 2023ಕ್ಕೆ ಹರಾಜಿಗೆ ಕ್ಷಣಗಣನೆ ಆರಂಭವಾಗಿದೆ. ಹೀಗಿರುವಾಗ ಯಾವ ಹೊಸ ಆಟಗಾರರು ತಮ್ಮ ನೆಚ್ಚಿನ ತಂಡವನ್ನು ಸೇರಲಿದ್ದಾರೆ ಎಂಬ ಕುತೂಹಲ ಅಭಿಮಾನಿಗಳ ಮನದಲ್ಲಿ ಮೂಡಿದೆ. ಒಟ್ಟು 87 ಸ್ಲಾಟ್‌ಗಳನ್ನು ಭರ್ತಿ ಮಾಡಲು ಹರಾಜು ಪ್ರಕ್ರಿಯೆ ಪೂರ್ಣಗೊಳ್ಳಬೇಕಿದೆ.

ಈ ಬಾರಿ ಟಿ20 ವಿಶ್ವಕಪ್​ನಲ್ಲಿ ವೆಸ್ಟ್ ಇಂಡೀಸ್‌ನಂತಹ ತಂಡವು ರೌಂಡ್-1 ರಿಂದಲೇ ಹೊರಬಿದ್ದಿದೆ. ಜಿಂಬಾಬ್ವೆ, ನೆದರ್ಲೆಂಡ್ಸ್, ಐರ್ಲೆಂಡ್ ರೌಂಡ್-2 ತಲುಪುವಲ್ಲಿ ಯಶಸ್ವಿಯಾದವು.

ಈ ಐಪಿಎಲ್ ಹರಾಜಿನಲ್ಲಿ ದೊಡ್ಡ ಮೊತ್ತದ ಬಿಡ್‌ಗಳನ್ನು ಮಾಡಬಹುದಾದ ಆಟಗಾರರು ಯಾರೆಂದು ನೋಡೋಣ ಬನ್ನಿ. ಅಲ್ಲದೇ ಈ ಆಟಗಾರರು ಯಾವುದೇ ದೊಡ್ಡ ತಂಡದ ಭಾಗವಾಗಿರದರಿವುದು ವಿಶೇಷ.

ಭಾರತವನ್ನು ಸೋಲಿಸಿದ ನಂತರ, ಪಾಕಿಸ್ತಾನ ತಂಡವು ಮುಂದಿನ ಪಂದ್ಯದಲ್ಲಿ ಜಿಂಬಾಬ್ವೆ ವಿರುದ್ಧ ಸೋಲನ್ನು ಎದುರಿಸಬೇಕಾಯಿತು. ಆಲ್ ರೌಂಡರ್ ಸಿಕಂದರ್ ರಜಾ ಈ ಟೂರ್ನಿಯಲ್ಲಿ ಬ್ಯಾಟ್ ಮತ್ತು ಬಾಲ್ ಎರಡರಲ್ಲೂ ಉತ್ತಮ ಪ್ರದರ್ಶನ ನೀಡಿದ್ದರು.

ಅವರು 7 ಪಂದ್ಯಗಳಲ್ಲಿ 147 ಸ್ಟ್ರೈಕ್ ರೇಟ್ ಮತ್ತು 31 ರ ಸರಾಸರಿಯೊಂದಿಗೆ 219 ರನ್ ಗಳಿಸಿದರು. ಹೆಚ್ಚು ರನ್ ಗಳಿಸಿದವರ ಪಟ್ಟಿಯಲ್ಲಿ ರಾಝಾ ಆರನೇ ಸ್ಥಾನ ಪಡೆದರು. ಈ ಅವಧಿಯಲ್ಲಿ ಅವರು 10 ವಿಕೆಟ್‌ಗಳನ್ನು ಪಡೆದರು. ಐಪಿಎಲ್‌ನಲ್ಲಿ 50 ಲಕ್ಷ ಮೂಲ ಬೆಲೆಗೆ ರಾಝಾ  ನೋಂದಾಯಿಸಿಕೊಂಡಿದ್ದಾರೆ.

ಟಿ20 ವಿಶ್ವಕಪ್‌ನಲ್ಲಿ ಐರ್ಲೆಂಡ್‌ನ ಬ್ಯಾಟ್ಸ್‌ಮನ್ ಲಾರ್ಕೆನ್ ಟಕರ್ ಅವರ ಬ್ಯಾಟ್‌ ಟಿ20 ವಿಶ್ವಕಪ್​ನಲ್ಲಿ ಭರ್ಜರಿ ಸದ್ದು ಮಾಡಿತ್ತು. ಈ ತಂಡ ವಿಶ್ವಕಪ್‌ನಲ್ಲಿ ಇಂಗ್ಲೆಂಡ್ ಮತ್ತು ವೆಸ್ಟ್ ಇಂಡೀಸ್‌ನಂತಹ ತಂಡಗಳನ್ನು ಸೋಲಿಸಿತ್ತು.

ಟಕರ್ ಏಳು ಪಂದ್ಯಗಳಲ್ಲಿ 40 ಕ್ಕಿಂತ ಹೆಚ್ಚು ಸರಾಸರಿ ಮತ್ತು 125 ಸ್ಟ್ರೈಕ್ ರೇಟ್‌ನಲ್ಲಿ 204 ರನ್ ಗಳಿಸಿದರು. ಐಪಿಎಲ್‌ನಲ್ಲಿ 50 ಲಕ್ಷ ಮೂಲ ಬೆಲೆಗೆ ಹೆಸರನ್ನು ನೋಂದಾಯಿಸಿದ್ದಾರೆ.

ನ್ಯೂಜಿಲೆಂಡ್ ವಿರುದ್ಧದ ರೌಂಡ್-2 ಪಂದ್ಯದಲ್ಲಿ ಐರ್ಲೆಂಡ್‌ನ ವೇಗದ ಬೌಲರ್ ಜೋಶ್ ಲಿಟಲ್ ಹ್ಯಾಟ್ರಿಕ್ ವಿಕೆಟ್ ಪಡೆದರು. ಅವರು ಮೂರು ಎಸೆತಗಳಲ್ಲಿ ಕೇನ್ ವಿಲಿಯಮ್ಸನ್, ಜೇಮ್ಸ್ ನೀಶಮ್ ಮತ್ತು ಮಿಚೆಲ್ ಸ್ಯಾಂಟ್ನರ್ ಅವರ ವಿಕೆಟ್ ಪಡೆದರು. ಆದಾಗ್ಯೂ, ಇದರ ಹೊರತಾಗಿಯೂ, ಅವರ ತಂಡವು ಈ ಪಂದ್ಯವನ್ನು ಗೆಲ್ಲಲು ಸಾಧ್ಯವಾಗಲಿಲ್ಲ.

ಜೋಶ್ ಎಡಗೈ ವೇಗದ ಬೌಲರ್. ಟಿ20 ವಿಶ್ವಕಪ್‌ನ ಏಳು ಪಂದ್ಯಗಳಲ್ಲಿ ಲಿಟನ್ 11 ವಿಕೆಟ್‌ಗಳನ್ನು ಕಬಳಿಸಿದ್ದಾರೆ. ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್‌ಗಿಂತ ಕೇವಲ ನಾಲ್ಕು ವಿಕೆಟ್‌ ಹಿಂದೆ ಉಳಿದಿದ್ದರು. ಇವರ ಮೂಲ ಬೆಲೆ 50 ಲಕ್ಷವಾಗಿದೆ.

ಮೂಲತಃ ಚೆನ್ನೈನವರಾದ ಕಾರ್ತಿಕ್ ಮೇಯಪ್ಪನ್ ಯುಎಇ ಪರ ಆಡುತ್ತಿದ್ದಾರೆ. ಈ ಲೆಗ್ ಸ್ಪಿನ್ನರ್ ಟಿ20 ವಿಶ್ವಕಪ್‌ನಲ್ಲಿ ಶ್ರೀಲಂಕಾದಂತಹ ದೊಡ್ಡ ತಂಡವನ್ನು ಸಂಕಷ್ಟಕ್ಕೆ ಸಿಲುಕಿಸಿದ್ದರು. ಮೇಯಪ್ಪನ್ ರೌಂಡ್-1 ಪಂದ್ಯದಲ್ಲಿ ಶ್ರೀಲಂಕಾ ವಿರುದ್ಧ ಹ್ಯಾಟ್ರಿಕ್ ವಿಕೆಟ್ ಪಡೆದರು. ಭಾನುಕಾ ರಾಜಪಕ್ಸೆ, ಚರಿತ್ ಅಸ್ಲಂಕಾ ಮತ್ತು ಕ್ಯಾಪ್ಟನ್ ದಸುನ್ ಶನಕಾ ಅವರ ಸ್ಪಿನ್‌ನ ಬಲೆಗೆ ಸಿಕ್ಕಿಬಿದ್ದರು. ಕಾರ್ತಿಕ್ ಕೇವಲ 20 ಲಕ್ಷಗಳ ಮೂಲ ಬೆಲೆ ಹೊಂದಿದ್ದಾರೆ.