IPL 2023: 12 ಎಸೆತಗಳಲ್ಲಿ 6 ರನ್, 6 ವಿಕೆಟ್; ರೋಚಕತೆ ಅಂದ್ರೆ ಇದು!

ಐಪಿಎಲ್ 2023ರ ಆರಂಬದ ಪಂದ್ಯಗಳು ಅಭಿಮಾನಿಗಳಿಗೆ ಅಷ್ಟಾಗಿ ಕಿಕ್​ ನೀಡಲಿಲ್ಲ. ಆದರೆ ಬಳಿಕ ಒಂದು ವಾರದ ನಂತರ ಸರಿಸುಮಾರು ಎಲ್ಲಾ ಪಂದ್ಯಗಳೂ ಸಹ ಅಂತಿಮ ಓವರ್​ವರೆಗೆ ಹೋಗುವ ಮೂಲಕ ರೋಚಕತೆ ಹೆಚ್ಚಿಸಿತು.

ಅದೇ ರೀತಿ ಐಪಿಎಲ್​ನ 30 ಮತ್ತು 31ನೇ ಪಂದ್ಯವೂ ಅಷ್ಟೇ ರೋಚಕವಾಗಿದ್ದವು.​ ಗುಜರಾತ್ ಟೈಟಾನ್ಸ್ ತಂಡ ಲಕ್ನೋ ಸೂಪರ್ ಜೈಂಟ್ ವಿರುದ್ಧ 7 ರನ್ ಗಳ ಜಯ ಸಾಧಿಸಿದರೆ, ಎರಡನೇ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್ 5 ಬಾರಿ ಐಪಿಎಲ್ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ತಂಡವನ್ನು 13 ರನ್ ಗಳಿಂದ ಸೋಲಿಸಿತು. ಈ ಎರಡು ಪಂದ್ಯಗಳಲ್ಲಿ ಕೊನೆಯ 12 ಎಸೆತಗಳಲ್ಲಿ ಕೇವಲ 6 ರನ್‌ಗಳು ಬಂದವು. ಜತೆಗೆ 6 ವಿಕೆಟ್‌ಗಳು ಪತನಗೊಂಡವು.

ಬಳಿಕ ಲಕ್ನೋ ಸೂಪರ್ ಜೈಂಟ್ 19 ಓವರ್ ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ 124 ರನ್ ಗಳಿಸಿತು. ಗೆಲುವಿಗೆ ಕೊನೆಯ 6 ಎಸೆತಗಳಲ್ಲಿ 12 ರನ್‌ಗಳ ಅಗತ್ಯವಿತ್ತು. ನಾಯಕ ಕೆಎಲ್ ರಾಹುಲ್ ಔಟಾಗದೆ 66 ರನ್ ಗಳಿಸಿ ಕ್ರೀಸ್‌ನಲ್ಲಿದ್ದರು. ಆದರೆ ಮೋಹಿತ್ ಶರ್ಮಾ ಈ ಎಲ್ಲಾ ಲೆಕ್ಕಾಚಾರವನ್ನೇ ಬದಲಿಸಿ ಲಕ್ನೋ ಪಂದ್ಯವನ್ನು ಗುಜರಾತ್​ ತೆಕ್ಕೆಗೆ ತರುವಂತೆ ಮಾಡಿದರು. ಮೊದಲ ಎಸೆತದಲ್ಲಿ ರಾಹುಲ್ 2 ರನ್ ಗಳಿಸಿದರು. ರಾಹುಲ್ ಎರಡನೇ ಎಸೆತದಲ್ಲಿ ಶಾಟ್ ಆಡಲು ಯತ್ನಿಸಿದಾಗ ಡೀಪ್ ಸ್ಕ್ವೇರ್ ಲೆಗ್ ನಲ್ಲಿ ಕ್ಯಾಚ್ ಔಟ್ ಆದರು.

ಬಳಿಕ 4 ಎಸೆತಗಳಲ್ಲಿ 10 ರನ್‌ಗಳಾಯಿತು. ಮೂರನೇ ಎಸೆತದಲ್ಲಿ ಮೋಹಿತ್ ಶರ್ಮಾ ಮಾರ್ಕಸ್ ಸ್ಟೊಯಿನಿಸ್ ಬೌಲ್ಡ್ ಆದರು. ಡೇವಿಡ್ ಮಿಲ್ಲರ್ ಕ್ಯಾಚ್ ನೀಡಿ ಔಟಾದರು. ನಾಲ್ಕನೇ ಎಸೆತದಲ್ಲಿ ಆಯುಷ್ ಬದೋನಿ ಎರಡನೇ ರನ್‌ಗೆ ರನೌಟ್ ಆದರು. ಅವರು 8 ರನ್ ಗಳಿಸಿದರು. 5ನೇ ಎಸೆತದಲ್ಲಿ ಎರಡನೇ ರನ್ ಗಳಿಸುವ ಯತ್ನದಲ್ಲಿ ದೀಪಕ್ ಹೂಡಾ ಕೂಡ ರನೌಟ್ ಆದರು. ಹೂಡಾ 2 ಎಸೆತಗಳಲ್ಲಿ 2 ರನ್ ಗಳಿಸಿದರು. ರವಿ ಬಿಷ್ಣೋಯ್ ಕೊನೆಯ ಎಸೆತದಲ್ಲಿ ರನ್ ಗಳಿಸಲು ವಿಫಲರಾದರು. ಈ ಮೂಲಕ ಮೋಹಿತ್ ಶರ್ಮಾ ಅವರ ಓವರ್‌ನಲ್ಲಿ 4 ರನ್ ಗಳಿಸಿ 4 ವಿಕೆಟ್ ಪಡೆದರು. 3 ಓವರ್ ಗಳಲ್ಲಿ 17 ರನ್ ನೀಡಿ 2 ವಿಕೆಟ್ ಪಡೆದು ಪಂದ್ಯ ಶ್ರೇಷ್ಠರಾದರು.

ಅದೇ ರೀತಿ ಪಂಜಾಬ್ ಕಿಂಗ್ಸ್ ಗೆಲುವು ರೋಚಕವಾಗಿತ್ತು. ಮೊದಲು ಬ್ಯಾಟ್ ಮಾಡಿದ ಪಂಜಾಬ್ 8 ವಿಕೆಟ್ ಗೆ 214 ರನ್ ಗಳಿಸಿತು. ಒಂದು ಹಂತದಲ್ಲಿ ತಂಡ 83 ರನ್ ಗಳಿಗೆ 4 ವಿಕೆಟ್ ಕಳೆದುಕೊಂಡಿತ್ತು. ನಾಯಕ ಸ್ಯಾಮ್ ಕರನ್ 29 ಎಸೆತಗಳಲ್ಲಿ 55 ರನ್ ಮತ್ತು ಹರ್ ಪ್ರೀತ್ ಸಿಂಗ್ 28 ಎಸೆತಗಳಲ್ಲಿ 41 ರನ್ ಗಳಿಸಿ ಪಂದ್ಯದ ಗತಿಯನ್ನೇ ತಿರುಗಿಸಿದರು. ವಿಕೆಟ್ ಕೀಪರ್ ಬ್ಯಾಟ್ಸ್ ಮನ್ ಜಿತೇಶ್ ಶರ್ಮಾ 7 ಎಸೆತಗಳಲ್ಲಿ 25 ರನ್ ಗಳಿಸಿ ಆಕ್ರಮಣಕಾರಿ ಆಟವಾಡಿದರು. ಕೊನೆಯ 5 ಓವರ್‌ಗಳಲ್ಲಿ ತಂಡ 96 ರನ್ ಗಳಿಸಿತು. ಮುಂಬೈ ಇಂಡಿಯನ್ಸ್ ಪರ ಪಿಯೂಷ್ ಚಾವ್ಲಾ ಮತ್ತು ಕ್ಯಾಮರೂನ್ ಗ್ರೀನ್ ತಲಾ 2 ವಿಕೆಟ್ ಪಡೆದರು.

ಚೇಸಿಂಗ್‌ನಲ್ಲಿ ಮುಂಬೈ ಇಂಡಿಯನ್ಸ್ ಕೂಡ ವಿಫಲವಾಯಿತು. 19 ಓವರ್‌ಗಳ ಅಂತ್ಯಕ್ಕೆ ತಂಡದ ಸ್ಕೋರ್ 4 ವಿಕೆಟ್ ನಷ್ಟಕ್ಕೆ 199 ಆಗಿತ್ತು. ಗೆಲುವಿಗೆ 6 ಎಸೆತಗಳಲ್ಲಿ 16 ರನ್‌ಗಳ ಅಗತ್ಯವಿತ್ತು. ಟಿಮ್ ಡೇವಿಡ್ 24, ತಿಲಕ್ ವರ್ಮಾ 3 ರನ್ ಗಳಿಸಿ ಕ್ರೀಸ್‌ನಲ್ಲಿದ್ದರು. ಇದರೊಂದಿಗೆ ಮುಂಬೈ ಇಂಡಿಯನ್ಸ್ ಗೆಲ್ಲಲಿದೆ ಎಂದು ಅಭಿಮಾನಿಗಳು ವಿಶ್ವಾಸ ಎಂದುಕೊಂಡಿದ್ದರು. ಇದಕ್ಕೂ ಮೊದಲು ನಾಯಕ ರೋಹಿತ್ ಶರ್ಮಾ 44, ಸೂರ್ಯಕುಮಾರ್ ಯಾದವ್ 57 ಮತ್ತು ಕ್ಯಾಮರೂನ್ ಗ್ರೀನ್ 67 ರನ್ ಗಳಿಸಿದರು.

ಮುಂಬೈ ಇಂಡಿಯನ್ಸ್ ಇನ್ನಿಂಗ್ಸ್‌ನ 20ನೇ ಓವರ್ ಬೌಲ್ ಮಾಡಲು ಎಡಗೈ ವೇಗದ ಬೌಲರ್ ಅರ್ಷದೀಪ್ ಸಿಂಗ್ ಎಂಟ್ರಿಕೊಟ್ಟರು. ಟಿಮ್ ಡೇವಿಡ್ ಮೊದಲ ಎಸೆತದಲ್ಲಿ ಸಿಂಗಲ್ ಗಳಿಸಿದರು. ತಿಲಕ್ ವರ್ಮಾ ಎರಡನೇ ಎಸೆತದಲ್ಲಿ ರನ್ ಗಳಿಸಲು ಸಾಧ್ಯವಾಗಲಿಲ್ಲ. ಮೂರನೇ ಎಸೆತದಲ್ಲಿ ತಿಲಕ್ ವರ್ಮಾ ಅರ್ಷದೀಪ್ ಬೌಲ್ಡ್ ಆದರು. ನಾಲ್ಕನೇ ಎಸೆತದಲ್ಲಿ ನೆಹಾಲ್ ವಧೇರಾ ಕೂಡ ಕ್ಲೀನ್ ಬೌಲ್ಡ್ ಆದರು. ಅರ್ಷದೀಪ್ ಎರಡು ಎಸೆತಗಳಲ್ಲಿ ಸ್ಟಂಪ್ ಮುರಿದರು. ಜೋಫ್ರಾ ಆರ್ಚರ್ 5ನೇ ಎಸೆತದಲ್ಲಿ ರನ್ ಗಳಿಸಲಿಲ್ಲ. ಅವರು ಕೊನೆಯ ಎಸೆತದಲ್ಲಿ ಸಿಂಗಲ್ ಪಡೆದರು. ಮುಂಬೈ ತಂಡ 20ನೇ ಓವರ್‌ನಲ್ಲಿ ಕೇವಲ 2 ರನ್ ಗಳಿಸುವ ಮೂಲಕ 2 ವಿಕೆಟ್ ಕಳೆದುಕೊಂಡಿತು. ಸ್ಯಾಮ್ ಕರನ್ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಪಡೆದರು.

ರಾಜಸ್ಥಾನ್ ರಾಯಲ್ಸ್ ತಂಡ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿ ಮುಂದುವರಿದಿದೆ. ಇದುವರೆಗೆ ಆಡಿರುವ 6 ಪಂದ್ಯಗಳಲ್ಲಿ 4ರಲ್ಲಿ ಗೆದ್ದು 8 ಅಂಕ ಪಡೆದಿದ್ದಾರೆ. ಲಕ್ನೋ ಸೂಪರ್‌ಜೈಂಟ್ಸ್, ಚೆನ್ನೈ ಸೂಪರ್ ಕಿಂಗ್ಸ್, ಗುಜರಾತ್ ಟೈಟಾನ್ಸ್ ಮತ್ತು ಪಂಜಾಬ್ ಕಿಂಗ್ಸ್ ತಲಾ 8 ಅಂಕ ಪಡೆದಿವೆ. ಆದರೆ, ನೆಟ್ ರನ್ ರೇಟ್ ನಿಂದಾಗಿ ಕೆಎಲ್ ರಾಹುಲ್ ತಂಡ ಲಕ್ನೋ ಎರಡನೇ ಸ್ಥಾನದಲ್ಲಿದೆ. ಸಿಎಸ್​ಕೆ ತೃತೀಯ, ಟೈಟಾನ್ಸ್ ನಾಲ್ಕನೇ ಮತ್ತು ಪಂಜಾಬ್ ತಂಡ 5ನೇ ಸ್ಥಾನದಲ್ಲಿದೆ. ಏಪ್ರಿಲ್ 23ರ ಭಾನುವಾರದಂದು ಎರಡು ಪಂದ್ಯಗಳು ನಡೆಯಲಿವೆ.