IPL 2023: ಮೈದಾನದಲ್ಲೇ ಮುಗಿಯದ ವಿರಾಟ್​, ನವೀನ್​ ಫೈಟ್​; ಮತ್ತೆ ಕಾಲು ಕೆರೆದುಕೊಂಡು ಜಗಳಕ್ಕೆ ಬಂದ ಅಫ್ಘನ್​ ಆಟಗಾರ!

ಏಪ್ರಿಲ್ 10 ರಂದು ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಆರ್‌ಸಿಬಿ ವಿರುದ್ಧ ಲಕ್ನೋ ಗೆಲುವು ಸಾಧಿಸಿದ ನಂತರ ಗಂಭೀರ್ ಅಭಿಮಾನಿಗಳಿಗೆ ಮೌನವಾಗಿರುವಂತೆ ಎಚ್ಚರಿಕೆ ನೀಡಿದರು.

ನಿನ್ನೆ ಸೂಪರ್ ಜೈಂಟ್ಸ್ ವಿರುದ್ಧದ ಪಂದ್ಯದ ವೇಳೆ, ಕ್ರೀಡಾಂಗಣದಲ್ಲಿ ಅಭಿಮಾನಿಗಳು ಸುಮ್ಮನಿರಬಾರದು ಎಂದು ಕೊಹ್ಲಿ ಗಂಭೀರ್‌ಗೆ ಕೌಂಟರ್ ನೀಡಲು ಯತ್ನಿಸಿದ್ದರು.

ಇದಾದ ಬಳಿಕ ಬ್ಯಾಟಿಂಗ್ ಮಾಡುತ್ತಿದ್ದ ಅಫ್ಘಾನ್ ಆಟಗಾರ ನವೀನ್ ಉಲ್ ಹಕ್ ಅವರನ್ನು ಕೆರಳಿಸಲು ವಿರಾಟ್​ ಯತ್ನಿಸಿದರು. ಈ ವೇಳೆ ಅಲ್ಲಿ ಗಲಾಟೆಯಾಗಿ ಯಾವ ಮಟ್ಟಕ್ಕೆ ಹೋಯ್ತು ಅಂತ ಎಲ್ಲರಿಗೂ ಗೊತ್ತಿದೆ.

17ನೇ ಓವರ್​ನಲ್ಲಿ ವಿರಾಟ್​ ಹಾಗೂ ನವೀನ್​ ಉಲ್​ ಹಕ್​ ನಡುವೆ ಗಲಾಟೆ ಶುರುವಾಗಿತ್ತು. ಆಗ ಕೊಹ್ಲಿ ನವೀನ್​ ಉಲ್​ ಹಕ್​​ಗೆ ಶೂ ತೋರಿಸಿದ್ದರು ಅಂತ ಹೇಳಲಾಗುತ್ತಿದೆ.

ಇದೀಗ ಮೈದಾನದಿಂದ ಹೊರಗೂ ಈ ಗಲಾಟೆ ಮುಂದುವರೆಯುತ್ತಿರೋ ಹಾಗೇ ಕಾಣುತ್ತಿದೆ. ವಿರಾಟ್​​ ಕೊಹ್ಲಿ ಪಂದ್ಯ ಮುಗಿದ ಬಳಿಕ ತಮ್ಮ ಇನ್ಸ್​ಸ್ಟಾಗ್ರಾಂನಲ್ಲಿ ಸ್ಟೇಟಸ್​ ಹಾಕಿದ್ದರು. ಈ ಫೋಟೋ ಸೋಷಿಯಲ್​ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ.

ಇಷ್ಟೇ ಆಗಿದ್ದರೆ ಇದು ಮತ್ತಷ್ಟು ಸುದ್ದಿಯಾಗುತ್ತಿರಲಿಲ್ಲ. ಲಖನೌ ತಂಡ ಆಟಗಾರ ನವೀನ್​ ಉಲ್​ ಅಕ್​ ಕೂಡ ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಸ್ಟೇಟಸ್ ಹಾಕುವ ಮೂಲಕ ಕಿಂಗ್​ ಕೊಹ್ಲಿಗೆ ಟಾಂಗ್​ ಕೊಡುವ ಕೆಲಸ ಮಾಡಿದ್ದಾರೆ.

ಕೊಹ್ಲಿಯ ಇನ್‌ಸ್ಟಾದಲ್ಲಿ “ನಾವು ಕೇಳುವುದೆಲ್ಲವೂ ಅಭಿಪ್ರಾಯವೇ ಹೊರತು ಸತ್ಯವಲ್ಲ. ನಾವು ನೋಡುವುದೆಲ್ಲವೂ ಒಂದು ದೃಷ್ಟಿಕೋನವೇ ಹೊರತು ಸತ್ಯವಲ್ಲ' ಎಂದು ಸ್ಟೇಟಸ್​ ಹಾಕಿದ್ದರು.

ಕೊಹ್ಲಿಗೆ ಪ್ರತಿಯಾಗಿ ನವೀನ್-ಉಲ್-ಹಕ್ ಕೂಡ ಇನ್​ಸ್ಟಾ ಸ್ಟೋರಿಯನ್ನೂ ಪೋಸ್ಟ್ ಮಾಡಿದ್ದಾರೆ. ನೀನು ಏನು ಸಿಗಬೇಕೋ ಅದೇ ಸಿಗುತ್ತೆ, ಅದೇ ಜಗದ ನಿಯಮ ಎನ್ನುವ ರೀತಿಯಲ್ಲಿ ಸ್ಟೇಟಸ್​ ಹಾಕಿದ್ದಾರೆ.