IPL 2022 - Umesh Yadav: ಐಪಿಎಲ್​ನಲ್ಲಿ ವಿನೂತನ ದಾಖಲೆ ಬರೆದ ಉಮೇಶ್ ಯಾದವ್, ಟಿ20 ಫಾರ್ಮ್​ಗೆ ಮತ್ತೆ ಕಂಬ್ಯಾಕ್!

ಉಮೇಶ್ ಯಾದವ್ ಈ ಐಪಿಎಲ್​ ಋತುವಿನಲ್ಲಿ ಉತ್ತಮ ಪ್ರದರ್ಶನ ತೋರುತ್ತಿದ್ದು, ಕೊಲ್ಕತ್ತಾ ಪರ ಮ್ಯಾಷ್​ ವಿನ್ನಿಂಗ್ ಪ್ರರ್ದಶನ ನೀಡುತ್ತಿದ್ದಾರೆ. ಅಲ್ಲದೇ ಪ್ರಸ್ತುತ ಹೆಚ್ಚು ವಿಕೆಟ್ ಟೇಕರ್ ಆಗಿರುವ ಅವರು ಪರ್ಫಲ್ ಕ್ಯಾಪ್ ಸಹ ತಮ್ಮದಾಗಿಸಿಕೊಂಡಿದ್ದಾರೆ.

ಕೋಲ್ಕತ್ತಾ ನೈಟ್ ರೈಡರ್ಸ್ ಈ ಋತುವಿನಲ್ಲಿ ಮೂರು ಪಂದ್ಯಗಳನ್ನು ಆಡಿದೆ.ಉಮೇಶ್ ಯಾದವ್ 8 ವಿಕೆಟ್‌ಗಳಿಂದ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಎಂಬ ಪರ್ಪಲ್ ಕ್ಯಾಪ್ ಪಡೆದಿದ್ದಾರೆ. ಅಲ್ಲದೇ 4.91ರ ಎಕಾನಮಿಯಲ್ಲಿ ವಿಕೆಟ್‌ ಕಬಳಿಸುವುದಲ್ಲದೆ ರನ್‌ಗಳನ್ನು ನಿಯಂತ್ರಿಸುತ್ತಿದ್ದಾರೆ.

ಪಂಜಾಬ್ ಕಿಂಗ್ಸ್​ ವಿರುದ್ದದ ಪಂದ್ಯದಲ್ಲಿ ಉಮೇಶ್ ಯಾದವ್ 4 ಓವರ್​ ಬೌಲಿಂಗ್ ಮಾಡಿ ಕೇವಲ 23 ರನ್​ನೊಂದಿಗೆ 4 ವಿಕೆಟ್ ಕಬಳಿಸಿ ಮಿಂಚಿದ್ದರು. ಈ 4 ವಿಕೆಟ್​ನೊಂದಿಗೆ ಉಮೇಶ್ ಯಾದವ್ ಐಪಿಎಲ್ ಇತಿಹಾಸದಲ್ಲೇ ಹೊಸ ದಾಖಲೆ ಬರೆದಿದ್ದಾರೆ.

ಐಪಿಎಲ್​ನಲ್ಲೇ ಒಂದೇ ತಂಡದ ವಿರುದ್ದ ಅತೀ ಹೆಚ್ಚು ವಿಕೆಟ್ ಪಡೆದ ಬೌಲರ್ ಎಂಬ ದಾಖಲೆ ಇದೀಗ ಉಮೇಶ್ ಯಾದವ್ ಪಾಲಾಗಿದೆ. ಈ ಹಿಂದೆ ಈ ದಾಖಲೆ ಲಸಿತ್ ಮಾಲಿಂಗ ಸಿಎಸ್​ಕೆ ವಿರುದ್ದ 31 ವಿಕೆಟ್ ಪಡೆಯುವ ಮೂಲಕ ದಾಖಲೆ ಬರೆದಿದ್ದರು. ಇದೀಗ ಉಮೇಶ್ ಯಾದವ್ ಪಂಜಾಬ್ ವಿರುದ್ದ ಒಟ್ಟು 33 ವಿಕೆಟ್ ಪಡೆಯುವ ಮೂಲಕ ಲಸಿತ್ ಮಾಲಿಂಗ ದಾಖಲೆಯನ್ನು ಮುರಿದಿದ್ದಾರೆ.

ಅಷ್ಟೇ ಅಲ್ಲದೆ ಐಪಿಎಲ್​ನಲ್ಲಿ 10 ಬಾರಿ ಪಂದ್ಯಶ್ರೇಷ್ಠ ಪ್ರಶಸ್ತಿಪಡೆಯುವ ಮೂಲಕ ಅತ್ಯಧಿಕ ಬಾರಿ ಮ್ಯಾನ್ ಆಫ್ ದಿ ಮ್ಯಾಚ್ ಪಡೆದ ವೇಗದ ಬೌಲರ್ ಎಂಬ ದಾಖಲೆಯನ್ನು ಸಹ ಉಮೇಶ್ ಯಾದವ್ ತಮ್ಮದಾಗಿಸಿಕೊಂಡಿದ್ದಾರೆ.

ಈ ಬಾರಿ ಐಪಿಎಲ್​ ನ ಮೆಗಾ ಹರಾಜಿನಲ್ಲಿ ಉಮೇಶ್ ಯಾದವ್ ಮೊದಲ ಎರಡು ಸುತ್ತುಗಳಲ್ಲಿ ಮಾರಾಟವಾಗದ ಆಟಗಾರನಾಗಿ ಉಳಿದರು. ಆದರೆ ಕೆಕೆಆರ್ ಮೂರನೇ ಸುತ್ತಿನಲ್ಲಿ ಅವರನ್ನು ಖರೀದಿಸಿತು. ಒಟ್ಟಿನಲ್ಲಿ ಉಮೇಶ್ ಯಾದವ್ ಮತ್ತೊಮ್ಮೆ ಉತ್ತಮ ಫಾರ್ಮ್ ಗೆ ಮರಳಿದ್ದಾರೆ.

ಇದೇ ರೀತಿ ಆಟವನ್ನು ಉಮೇಶ್ ಯಾದವ್ ಮುಂದುವರೆಸಿದರೆ ಮುಂಬರುವ ಐಸಿಸಿ 2022ರ ಟಿ20 ವಿಶ್ವಕಪ್‌ಗೆ ಟೀಂ ಇಂಡಿಯಾಗೆ ಆಯ್ಕೆಯಾದರೂ ಅಚ್ಚರಿಪಡಬೇಕಿಲ್ಲ. ಇದರೊಂದಿಗೆ ಅಭಿಮಾನಿಗಳಾದ ಉಮೇಶ್ ಯಾದವ್​ಗೆ ನೀವು ಬದಲಾಗಿದ್ದೀರಿ ಸಾರ್, ನಿಮ್ಮಲ್ಲಿನ ಬೆಂಕಿ ನಮಗೆ ಗೊತ್ತಿದೆ ಎಂದೆಲ್ಲಾ ಕಅಮೆಂಟ್ ಮಾಡುತ್ತಿದ್ದಾರೆ.