IPL 2022: IPL ನಲ್ಲಿ ಕಾಮೆಂಟೆಟರ್​ ತುಂಬಾ ಕಾಸ್ಟ್ಲಿ ಗುರು..! ಯಾರು ಎಷ್ಟು ತಗೋಳ್ತಾರೆ ಗೊತ್ತಾ?

ಆಟಗಾರರು ತಮ್ಮ ಆಟದಿಂದ ಅಭಿಮಾನಿಗಳನ್ನು ಎಷ್ಟು ರಂಜಿಸುತ್ತಾರೋ ಅದೆ ರೀತಿ ಆಟವನ್ನು ವಿವರಿಸುವಾಗ ನಾವು ಟಿವಿಯಲ್ಲಿ ಕೇಳುವ ಕಾಮೆಂಟರಿ ಕೂಡ ನಮ್ಮನ್ನು ತುಂಬಾ ರಂಜಿಸುತ್ತದೆ. ಕಾಮೆಂಟರಿ ಇಲ್ಲದೆ ನಾವು ಪಂದ್ಯವನ್ನು ವೀಕ್ಷಿಸಲು ಸಾಧ್ಯವಿಲ್ಲ. ಸರಳವಾಗಿ ಹೇಳುವುದಾದರೆ ಸಿನಿಮಾದ ಹಿನ್ನೆಲೆ ಸಂಗೀತ ಇದ್ದಂತೆ ಕ್ರಿಕೆಟ್‌ ಕಾಮೆಂಟರಿ.

ಐಪಿಎಲ್ ಅನ್ನು ಎಲ್ಲಾ ಭಾಷೆಗಳ ಜನರಿಗೆ ಹತ್ತಿರ ತರಲು, ಇಂಗ್ಲಿಷ್, ಹಿಂದಿ ಜೊತೆಗೆ ತೆಲುಗು, ತಮಿಳು, ಕನ್ನಡ ಮತ್ತು ಬಂಗಾಳಿ ಭಾಷೆಗಳಲ್ಲಿ ಕಾಮೆಂಟರಿ ಕೇಳಲಾಗುತ್ತದೆ. ಕಾಮೆಂಟರಿ ಹೇಳುವ ಆಟಗಾರರು ಈ ಕ್ರಮದಲ್ಲಿ ಎಷ್ಟು ಗಳಿಸುತ್ತಾರೆ ಎಂಬುದನ್ನು ನೋಡೋಣ.

ಹಿಂದಿ ಕಾಮೆಂಟೇಟರ್ ಗಳ ಪಟ್ಟಿಗೆ ಬಂದರೆ ಆಕಾಶ್ ಚೋಪ್ರಾ ಪ್ರತಿ ಪಂದ್ಯಕ್ಕೆ ಸರಿಸುಮಾರು 1.7 ಕೋಟಿ ರೂ ಪಡೆಯುತ್ತಾರೆ.

ಕಳೆದ ಋತುವಿನವರೆಗೂ ಆಟಗಾರರಾಗಿದ್ದ ಸುರೇಶ್ ರೈನಾ ಈ ಬಾರಿ ಕಾಮೆಂಟೇಟರ್ ಆಗಿದ್ದಾರೆ. ಕಳೆದ ತಿಂಗಳ ಐಪಿಎಲ್ ಮೆಗಾ ಹರಾಜಿನಲ್ಲಿ ಸುರೇಶ್ ರೈನಾ ಮಾರಾಟವಾಗದೆ ಉಳಿದಿದ್ದರು. ವಿಮರ್ಶಕರಾಗಿ ಸುರೇಶ್ ರೈನಾ ರೂ. 1.5 ಕೋಟಿ ಪಡೆಯುತ್ತಾರೆ.

ಮಾಜಿ ಆಟಗಾರರಾದ ಕಿರಣ್ ಮೋರೆ, ಹರ್ಭಜನ್ ಸಿಂಗ್ ಮತ್ತು ಇರ್ಫಾನ್ ಪಠಾಣ್ ಕೂಡ ತಮ್ಮ ಕಂಠಸಿರಿಯಿಂದ ಪ್ರೇಕ್ಷಕರನ್ನು ರಂಜಿಸಲು ಸಿದ್ಧರಾಗಿದ್ದಾರೆ. ಇವರುಗಳಿಗೆ 1.5 ಕೋಟಿ ನೀಡಲಾಗುತ್ತದೆ.

ಉಳಿದಂತೆ ಭಾರತದ ಎಲ್ಲಾ ಭಾಷೆಗಳಲ್ಲಿಯೂ ಕಾಮೆಂಟ್ರಿಯನ್ನು ನೀಡಲಾಗುತ್ತದೆ. ಅದರಲ್ಲಿ ಕನ್ನಡದಲ್ಲಿ ವೆಂಕಟೇಶ್ ಪ್ರಸಾದ್, ವಿಜಯ್ ಭಾರದ್ವಾಜ್, ಕಿರಣ್ ಶ್ರೀನಿವಾಸ್, ಜಿ ಕೆ ಅನಿಲ್ ಕುಮಾರ್, ಸುಮೇಶ್ ಗೋಣಿ, ರೀನಾ ಡಿಸೋಜಾ, ಪವನ್ ದೇಶಪಾಂಡೆ, ಆರ್ ವಿನಯ್ ಕುಮಾರ್, ವೇದಾ ಕೃಷ್ಣಮೂರ್ತಿ, ಭರತ್ ಚಿಪ್ಲಿ, ಮಧು ಮಲಂಕೋಡಿ, ಶ್ರೀನಿವಾಸ ಮೂರ್ತಿ ಪಿ, ಅಖಿಲ್ ಬಾಲಚಂದ್ರ.

ತೆಲುಗು ಕಾಮೆಂಟರ್​ಗಳಾಗಿ ಎಂಎಸ್‌ಕೆ ಪ್ರಸಾದ್, ವೇಣುಗೋಪಾಲ್ ರಾವ್, ಕೆಎನ್ ಚಕ್ರವರ್ತಿ, ಎಸ್ ಅವುಲೈಪಲ್ಲಿ, ಟಿ ಸುಮನ್, ಕೃಷ್ಣ, ವಿವಿ ಮೇಡಪತಿ, ಎ ರೆಡ್ಡಿ ಮತ್ತು ಕಲ್ಯಾಣ್ ಕೃಷ್ಣ ಡಿ ಅವರು ಕಾರ್ಯ ನಿರ್ವಹಿಸುತ್ತಾರೆ.