36 ಎಸೆತಗಳಲ್ಲಿ 100 ರನ್, IPL ನಲ್ಲಿ RCB ಬೌಲಿಂಗ್ ಜೋಡಿಯ ಕೆಟ್ಟ ದಾಖಲೆ

ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2022 ರ ಸೀಸನ್ ಅಂತಿಮ ಹಂತವನ್ನು ತಲುಪಿದೆ. ಗುಜರಾತ್ ಟೈಟಾನ್ಸ್ ಮಾತ್ರ ಪ್ಲೇ-ಆಫ್‌ಗೆ ಪ್ರವೇಶಿಸಲಿದ್ದು, ಉಳಿದ ಮೂರು ಸ್ಥಾನಗಳಿಗಾಗಿ ಏಳು ತಂಡಗಳು ಪೈಪೋಟಿ ನಡೆಸುತ್ತಿವೆ.

ಕಳೆದ ರಾತ್ರಿ ಪಂಜಾಬ್ ಮತ್ತು ಬೆಂಗಳೂರು ತಂಡದ ನಡುವೆ ಪಂದ್ಯ ನಡೆಯಿತು. ಇದರಲ್ಲಿ ಬೆಂಗಳೂರು ತಂಡ ಸೋಲನ್ನನುಭವಿಸಿತು.

ವಿಶೇಷವಾಗಿ ಜಾನಿ ಬೈರ್‌ಸ್ಟೋ ಮತ್ತು ಲಿಯಾಮ್ ಲಿವಿಂಗ್‌ಸ್ಟೋನ್‌ ಆಕರ್ಷಕ ಅರ್ಧಶತಕಗಳೊಂದಿಗೆ ಪಂಜಾಬ್ 20 ಓವರ್‌ಗಳಲ್ಲಿ 9 ವಿಕೆಟ್‌ಗೆ 209 ರನ್ ಗಳಿಸಿತು.

ಮೊಹಮ್ಮದ್ ಸಿರಾಜ್ ಮತ್ತು ಜಾಸ್ ಹ್ಯಾಜಲ್‌ವುಡ್ ಅವರ RCB ವೇಗದ ಬೌಲಿಂಗ್ ಜೋಡಿ ಈ ಪಂದ್ಯದೊಂದಿಗೆ ಕೆಟ್ಟ ದಾಖಲೆಯನ್ನು ನಿರ್ಮಿಸಿತು. ಅವರು ಕೇವಲ 6 ಓವರ್‌ ಬೌಲ್ ಮಾಡಿ 100 ರನ್‌ಗಳನ್ನು ನೀಡಿದರು. ಅಂದರೆ ಎದುರಾಳಿ 36 ಎಸೆತಗಳಲ್ಲಿ ಶತಕ ಸಿಡಿಸಿದ್ದಂತಾಯಿತು.

ಈ ಋತುವಿನಲ್ಲಿ ಇಲ್ಲಿಯವರೆಗೆ ಉತ್ತಮವಾಗಿ ಬೌಲಿಂಗ್ ಮಾಡುತ್ತಿದ್ದ ಹೇಝಲ್ ವುಡ್ ಈ ಪಂದ್ಯದಲ್ಲಿ ವಿಫಲರಾದರು. ಬೈರ್‌ಸ್ಟೋ 4 ಓವರ್‌ಗಳಲ್ಲಿ 64 ರನ್‌ಗಳನ್ನು ನೀಡುವ ಮೂಲಕ ದುಬಾರಿ ಬೌಲರ್ ಆದರು.

aದೇ ರೀತಿ ಸಿರಾಜ್ ಕೇವಲ 2 ಓವರ್ ಮಾಡಿ ಬರೋಬ್ಬರಿ 36 ರನ್ ನೀಡಿದರು. ಇವರಿಬ್ಬರು ಸೇರಿ 36 ಎಸೆತಗಳಲ್ಲಿ 100 ರನ್ ಗಳನ್ನು ನೀಡುವ ಮೂಲಕ ಕೆಟ್ಟ ದಾಖಲೆಯನ್ನು ಮಾಡಿದರು.

ಇದಲ್ಲದೆಯೇ ಆರ್​ಸಿಬಿ ಬೌಲರ್ ಹ್ಯಾಝೆಲ್ ವುಡ್ 4 ಓವರ್‌ಗಳಲ್ಲಿ 64 ರನ್ ನೀಡುವ ಮೂಲಕ ಈ ಋತುವಿನ ಪಂದ್ಯದಲ್ಲಿ ಅತಿ ಹೆಚ್ಚು ರನ್ ನೀಡಿದ ಆಟಗಾರ ಎನಿಸಿಕೊಂಡರು.