IPL 2022- Harshal Patel: ಐಪಿಎಲ್ ಇತಿಹಾಸದಲ್ಲಿ ವಿನೂತನ ದಾಖಲೆ ಮಾಡಿದ ಹರ್ಷಲ್ ಪಟೇಲ್, ಈ ದಾಖಲೆ ಮಾಡಿದ 2ನೇ ಭಾರತೀಯ

ಕೆಕೆಆರ್ ವಿರುದ್ಧದ ಪಂದ್ಯದಲ್ಲಿ RCB ಬೌಲರ್ ಹರ್ಷಲ್ ಪಟೇಲ್ ಧೂಳೆಬ್ಬಿಸಿದ್ದು ಗೊತ್ತೇ ಇದೆ. ಈ ಪಂದ್ಯದಲ್ಲಿ ನಾಲ್ಕು ಓವರ್ ಬೌಲ್ ಮಾಡಿದ ಹರ್ಷಲ್ ಕೇವಲ ಹನ್ನೊಂದು ರನ್ ನೀಡಿ ಎರಡು ವಿಕೆಟ್ ಪಡೆದರು.

ಅವರ ನಾಲ್ಕು ಓವರ್‌ಗಳ ಸ್ಪೆಲ್‌ನಲ್ಲಿ ಎರಡು ಮೇಡನ್ ಓವರ್‌ಗಳು ಸೇರಿದ್ದವು. ಇದರೊಂದಿಗೆ ಹರ್ಷಲ್ ಪಟೇಲ್ ಅಪರೂಪದ ಸಾಧನೆ ಮಾಡಿದರು. ಹರ್ಷಲ್ ಪಟೇಲ್ ಐಪಿಎಲ್ ಇತಿಹಾಸದಲ್ಲಿ ಸತತ ಎರಡು ಮೇಡನ್ ಓವರ್ ಬೌಲ್ ಮಾಡಿದ ಎರಡನೇ ಬೌಲರ್ ಎಂಬ ಇತಿಹಾಸ ನಿರ್ಮಿಸಿದರು.

ಇದಕ್ಕೂ ಮೊದಲು, RCBಯ ಮೊಹಮ್ಮದ್ ಸಿರಾಜ್ IPL 2020 ರಲ್ಲಿ KKR ವಿರುದ್ಧ ಸತತ ಎರಡು ಓವರ್‌ಗಳನ್ನು ಮೇಡಿನ್ ಓವರ್ ಮಾಡಿದ ಮೊದಲ ಬೌಲರ್ ಆಗಿದ್ದರು.

12ನೇ ಓವರ್‌ನಲ್ಲಿ ಹರ್ಷಲ್ ಬೌಲಿಂಗ್ ಮಾಡಲು ಬಂದಾಗ ಮೇಡನ್ ಓವರ್ ಬೌಲ್ ಮಾಡಿದರು. ಅವರು ತಮ್ಮ ಮೊದಲ ಓವರ್‌ನಲ್ಲಿ ಸ್ಯಾಮ್ ಬಿಲ್ಲಿಂಗ್ಸ್ ಅವರನ್ನು ಬೌಲ್ಡ್ ಮಾಡಿದರು. ಅದಾದ ನಂತರ ಹರ್ಷಲ್ ರಸೆಲ್ ವಿಕೆಟ್ ಪಡೆಯುವ ಮೂಲಕ 2 ವಿಕೆಟ್ ಪಡೆದರು ಮತ್ತು ಆ ಓವರ್​ನ್ನು ಮೇಡಿನ್ ಮಾಡುವ ಮೂಲಕ ಈ ದಾಖಲೆ ನಿರ್ಮಿಸಿದರು.

ಒಟ್ಟು ಎರಡು ಓವರ್‌ಗಳ ಅಂತ್ಯಕ್ಕೆ ಹರ್ಷಲ್ ಅವರ ಸ್ಪೆಲ್ 2-2-0-2 ಆಗಿತ್ತು. ಇದು ಯಾವುದೇ ಕ್ರಿಕೆಟಿಗನ ಅತ್ಯುತ್ತಮ ಬೌಲಿಂಗ್ ಎಂದು ಹೇಳಬಹುದು. ಒಟ್ಟಾರೆಯಾಗಿ ಅವರ ಕೋಟಾ ಬೌಲಿಂಗ್ (4-2-11-2) ಆಗಿತ್ತು. ಈ ಪಂದ್ಯದಲ್ಲಿ ಹಸರಂಗ ನಾಲ್ಕು ವಿಕೆಟ್ ಪಡೆದರು.

ಈ ಪಂದ್ಯದಲ್ಲಿ ಆರ್‌ಸಿಬಿ ಮೂರು ವಿಕೆಟ್‌ಗಳಿಂದ ಗೆದ್ದು ಎರಡು ಅಂಕ ಗಳಿಸಿತು. 129 ರನ್‌ಗಳ ಗುರಿ ಬೆನ್ನತ್ತಿದ ಆರ್‌ಸಿಬಿ 19.2 ಓವರ್‌ಗಳಲ್ಲಿ ಏಳು ವಿಕೆಟ್‌ ನಷ್ಟಕ್ಕೆ ಗುರಿ ಮುಟ್ಟಿತು. ರುದರ್ ಫೋರ್ಡ್ 28 ರನ್ ಮತ್ತು ಶಹಬಾಜ್ ನದೀಮ್ 27 ರನ್​ ಗಳಿಸುವ ಮೂಲಕ ತಂಡವನ್ನು ಗೆಲುವಿನ ದಡಕ್ಕೆ ಮುಟ್ಟಿಸಿದರು.