IPL 2022: ಐಪಿಎಲ್​ನಲ್ಲಿ ಹೊಸ ದಾಖಲೆ ಬರೆದ ಚಹಾಲ್, ಕಡಿಮೆ ಪಂದ್ಯಗಳಲ್ಲಿ ಅದ್ಭುತ ಸಾಧನೆ..!

ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2022 ರ ಋತುವಿನಲ್ಲಿ ರಾಜಸ್ಥಾನ್ ರಾಯಲ್ಸ್ ಲೆಗ್ ಸ್ಪಿನ್ನರ್ ಯುಜ್ವೇಂದ್ರ ಚಹಾಲ್ ಅದ್ಭುತ ಫಾರ್ಮ್‌ನಲ್ಲಿದ್ದಾರೆ. ಭಾನುವಾರ ಲಕ್ನೋ ಸೂಪರ್‌ಜೈಂಟ್ಸ್ ವಿರುದ್ಧದ ಪಂದ್ಯದಲ್ಲಿ ಅವರು ನಾಲ್ಕು ವಿಕೆಟ್‌ಗಳನ್ನು ಪಡೆದರು. ಈ ಸಂದರ್ಭದಲ್ಲಿ ಅವರು ಅಪರೂಪದ ದಾಖಲೆಯನ್ನು ಮಾಡಿದ್ದಾರೆ.

ಲಕ್ನೋ ವಿರುದ್ಧದ ಪಂದ್ಯದಲ್ಲಿ 4 ವಿಕೆಟ್ ಕಬಳಿಸಿ ಮಿಂಚಿದ್ದ ಯುಜ್ವೇಂದ್ರ ಚಹಾಲ್ ರಾಜಸ್ಥಾನ ರಾಯಲ್ಸ್ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಈ ಕ್ರಮದಲ್ಲಿ ಅವರು ಅಪರೂಪದ ಸಾಧನೆ ಮಾಡಿದರು.

ಚಹಾಲ್ IPL ನಲ್ಲಿ 150 ನೇ ವಿಕೆಟ್ ಪಡೆದರು ಈ ಮೂಲಕ ಚಹಲ್ ಐಪಿಎಲ್‌ನಲ್ಲಿ 150 ವಿಕೆಟ್ ಮೈಲುಗಲ್ಲು ತಲುಪಿದ ನಾಲ್ಕನೇ ಭಾರತೀಯ ಎಂಬ ಇತಿಹಾಸ ನಿರ್ಮಿಸಿದರು.

ಆದರೆ, ಚಹಾಲ್ ಐಪಿಎಲ್‌ನಲ್ಲಿ 150 ವಿಕೆಟ್ ಪಡೆದ ಬೌಲರ್‌ಗಳ ಪಟ್ಟಿಯಲ್ಲಿ 6ನೇ ಆಟಗಾರ. ಚಹಾಲ್ ಮೊದಲು ಡ್ವೇನ್ ಬ್ರಾವೊ (173 ವಿಕೆಟ್), ಲಸಿತ್ ಮಾಲಿಂಗ (170 ವಿಕೆಟ್), ಅಮಿತ್ ಮಿಶ್ರಾ (166 ವಿಕೆಟ್), ಪಿಯೂಷ್ ಚಾವ್ಲಾ (157 ವಿಕೆಟ್) ಮತ್ತು ಹರ್ಭಜನ್ ಸಿಂಗ್ (150 ವಿಕೆಟ್) ಪಡೆದಿದ್ದಾರೆ. ಬ್ರಾವೋ ಐಪಿಎಲ್ ಇತಿಹಾಸದಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್.

ಚಹಲ್ 40 ಪಂದ್ಯಗಳಲ್ಲಿ ಮೊದಲ 50 ವಿಕೆಟ್ ಪಡೆದರು.51 ರಿಂದ 100 ವಿಕೆಟ್ ಗಳ ಮೈಲಿಗಲ್ಲನ್ನು ತಲುಪಲು 44 ಪಂದ್ಯಗಳನ್ನು ತೆಗೆದುಕೊಂಡರು. 101ರಿಂದ 150 ವಿಕೆಟ್‌ಗಳ ಗಡಿ ತಲುಪಲು ಚಹಾಲ್‌ಗೆ ಕೇವಲ 34 ಪಂದ್ಯಗಳು ಬೇಕಾಗಿದ್ದವು.