IPL 2022: KL ರಾಹುಲ್ ಈ ಅಫ್ಘಾನ್ ಬೌಲರ್ ಹೆಸರು ಕೇಳಿದ್ರೆ ನಡುಗುತ್ತಾರಂತೆ, ಇಂದಿನ ಪಂದ್ಯದ ಮೇನ್ ಆಟ್ರಾಕ್ಷನ್ ಇವರೇ!

ಸಹಜವಾಗಿಯೇ ಓಪನಿಂಗ್ ಮಾಡುವ ರಾಹುಲ್ ಬ್ಯಾಟಿಂಗ್ ನಲ್ಲಿ ಕೆಳ ಕ್ರಮಾಂಕದಲ್ಲಿ ಅಗತ್ಯಕ್ಕೆ ತಕ್ಕಂತೆ ಬಂದು ಸೂಪರ್ ಫಿನಿಶ್ ಮಾಡಬಲ್ಲರು. ರಾಹುಲ್ ಐಪಿಎಲ್‌ನಲ್ಲಿ ಅನೇಕ ದಾಖಲೆ ಹೊಂದಿದ್ದಾರೆ. ಅವರು 94 ಪಂದ್ಯಗಳಲ್ಲಿ 3273 ರನ್ ಗಳಿಸಿದ್ದಾರೆ. ಇದರಲ್ಲಿ 2 ಶತಕಗಳಿದ್ದರೆ ಇನ್ನೂ 27 ಅರ್ಧ ಶತಕಗಳಿವೆ.

ಇಂತಹ ಯಶಸ್ವಿ ಆಟಗಾರನು ಓರ್ವ ಬೌಲರ್‌ಗೆ ಮಾತ್ರ ಹೆದರುತ್ತಾರೆ. ಹೌದು, ಕೆಎಲ್ ರಾಹುಲ್ ಈ ಬೌಲರ್‌ನ ಚೆಂಡುಗಳನ್ನು ಅರ್ಥಮಾಡಿಕೊಳ್ಳಲು ಸಾಧ್ಯವಿಲ್ಲ ಮತ್ತು ರನ್ ಗಳಿಸಲು ಸಾಧ್ಯವಾಗಲಿಲ್ಲ ಎಂದರೂ ತಪ್ಪಾಗಲಾರದು.

ಅಫ್ಘಾನ್​ ತಂಡದ ಆಟಗಾರ ಮತ್ತು ಐಪಿಎಲ್​ ನ ಡೇಂಜರಸ್​ ಬೌಲರ್​ ರಶೀದ್ ಖಾನ್ ಟಾಪ್ ಬೌಲರ್ ಆಗಿದ್ದಾರೆ. 2017 ರಲ್ಲಿ ಸನ್‌ರೈಸರ್ಸ್ ಹರಾಜಿನಲ್ಲಿ ಖರೀದಿಸಿದಾಗ ರಶೀದ್ ಖಾನ್ ಅವರ ಕ್ರಿಕೆಟ್ ಜೀವನ ಬದಲಾಯಿತು ಎಂದರೂ ತಪ್ಪಾಗಲಾರದು. ಅಲ್ಲದೇ ಶೀಘ್ರದಲ್ಲೇ ಐಪಿಎಲ್‌ನಲ್ಲಿ ಅಗ್ರ ಆಟಗಾರರ ಪಟ್ಟಿಯಲ್ಲಿ ಸ್ಥಾನಪಡೆದುಕೊಂಡರು.

ಟಿ20 ಮಾದರಿಯಲ್ಲಿ, ಅದರಲ್ಲೂ ವಿಶೇಷವಾಗಿ ಐಪಿಎಲ್‌ನಲ್ಲಿ, ಕೆಎಲ್ ರಾಹುಲ್‌ಗೆ ರಶೀಧ್ ಖಾನ್ ಬದ್ಧ ಎದುರಾಳಿ ಎನ್ನಬಹುದು. ರಶೀದ್ ಧರಿಸುವ ಲೆಗ್ ಬ್ರೇಕ್ ಜೊತೆಗೆ ಗೂಗ್ಲಿಗಳನ್ನು ಅರ್ಥಮಾಡಿಕೊಳ್ಳದ ಕೆಎಲ್ ರಾಹುಲ್ ರಶೀಧ್​ಗೆ ಅನೇಕ ಬಾರಿ ವಿಕೆಟ್ ಒಪ್ಪಿಸಿದ್ದಾರೆ.

ಟಿ20 ಮಾದರಿಯಲ್ಲಿ (ಐಪಿಎಲ್ ಸೇರಿದಂತೆ ಅಂತರಾಷ್ಟ್ರೀಯ), ಕೆಎಲ್ ರಾಹುಲ್ ಇದುವರೆಗೆ ರಶೀದ್ ಖಾನ್ ಅವರ 30 ಎಸೆತಗಳನ್ನು ಎದುರಿಸಿದ್ದಾರೆ. ಇದರಲ್ಲಿ ಕೇವಲ 18 ರನ್ ಗಳಿಸಿದರೆ, ಸ್ಟ್ರೈಕ್ ರೇಟ್ 60 ಮಾತ್ರವಿದೆ. ಇದರಲ್ಲಿ 14 ಬಾಲ್ ಡಾಟ್ ಬಾಲ್‌ಗಳನ್ನು ಹೊಂದಿದೆ. ರಶೀದ್ ಖಾನ್ ಮೂರು ಬಾರಿ ರಾಹುಲ್ ಅವರನ್ನು ಔಟ್​ ಮಾಡಿದ್ದಾರೆ.

ಈ ಬಾರಿಯ ಐಪಿಎಲ್‌ನಲ್ಲಿ ರಾಹುಲ್ ಲಕ್ನೋ ಸೂಪರ್ ಜೈಂಟ್ಸ್ ನಾಯಕನಾಗಿದ್ದರೆ... ರಶೀದ್ ಖಾನ್ ಟೈಟಾನ್ಸ್ ತಂಡದಲ್ಲಿದ್ದಾರೆ. ಈ ಕ್ರಮದಲ್ಲಿ ಇಂದು ಉಭಯ ತಂಡಗಳ ನಡುವೆ ಮೊದಲ ಪಂದ್ಯ ನಡೆಯಲಿದೆ. ಹೀಗಾಗಿ ಕೆಎಲ್ ರಾಹುಲ್ ರಶೀದ್ ಖಾನ್ ಬೌಲಿಂಗ್ ಅನ್ನು ಹೇಗೆ ಎದುರಿಸುತ್ತಾರೆ ಎಂಬುದನ್ನು ಕಾದು ನೋಡಬೇಕಿದೆ.