IPL 2022: ಐಪಿಎಲ್​ನ ಪಂದ್ಯವೊಂದರಲ್ಲಿ ಅತಿ ಹೆಚ್ಚು ಸಿಕ್ಸ್ ಹೊಡೆದ ದಾಂಡಿಗರು..!

ಐಪಿಎಲ್ 2022ರ 15ನೇ ಸೀಸನ್ ಆರಂಭವಾಗಲು ಇನ್ನು ಕೆಲ ದಿನಗಳು ಮಾತ್ರ ಉಳಿದಿವೆ. ಈಗಾಗಲೇ ಎಲ್ಲಾ ತಂಡಗಳು ಭರ್ಜರಿ ಸಿದ್ದತೆಯಲ್ಲಿ ತೊಡಗಿಕೊಂಡಿದೆ. ಇನ್ನು ಕಳೆದ 14 ಸೀಸನ್​ ಐಪಿಎಲ್​ನಲ್ಲಿ ಕೆಲ ಆಟಗಾರರು ಒಂದೇ ಇನಿಂಗ್ಸ್​ನಲ್ಲಿ 10 ಕ್ಕೂ ಹೆಚ್ಚು ಸಿಕ್ಸ್ ಬಾರಿಸಿದ್ದಾರೆ. ಹೀಗೆ ಐಪಿಎಲ್​ನಲ್ಲಿ ಒಂದೇ ಪಂದ್ಯದಲ್ಲಿ ಸಿಕ್ಸ್​ಗಳ ಸುರಿಮಳೆಗೈದ ಬ್ಯಾಟ್ಸ್​ಮನ್​ಗಳು ಯಾರ್ಯಾರು ಎಂದು ನೋಡೋಣ.

ಕ್ರಿಸ್ ಗೇಲ್: 2013ರಲ್ಲಿ ಗೇಲ್ ಪುಣೆ ವಾರಿಯರ್ಸ್ ವಿರುದ್ದ 66 ಎಸೆತಗಳಲ್ಲಿ 175 ರನ್​ ಬಾರಿಸಿದ್ದರು. ಈ ವೇಳೆ ಬರೋಬ್ಬರಿ 17 ಭರ್ಜರಿ ಸಿಕ್ಸರ್​ಗಳನ್ನು ಸಿಡಿಸಿದ್ದರು. ಇದಲ್ಲದೆಯೇ ಅವರು ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ದ 62 ಎಸೆತಗಳಲ್ಲಿ 128 ರನ್​ ಗಳಿಸಿ 13 ಸಿಕ್ಸರ್, ಪಂಜಾಬ್ ಕಿಂಗ್ಸ್ 12 ಸಿಕ್ಸ್ ಮತ್ತು ಎಸ್​ಆರ್​ಹೆಚ್ ವಿರುದ್ದ 11 ಸಿಕ್ಸ್​ ಬಾರಿಸಿದ್ದರು.

ಬ್ರೆಂಡನ್ ಮೆಕಲಂ: ಐಪಿಎಲ್ ಮೊದಲ ವರ್ಷದಲ್ಲಿ ಕೆಕೆಆರ್​ ಪರ ಆಟವಾಡಿದ್ದ ಮೆಕಲಂ ಆರ್​ಸಿಬಿ ವಿರುದ್ದ 73 ಎಸೆತಗಳಲ್ಲಿ 158 ರನ್​ ಬಾರಿಸಿದ್ದರು. ಈ ವೇಳೆ 13 ಸಿಕ್ಸ್ ಸಿಡಿಸಿದ್ದರು. ಇನ್ನು ಈ ಶತಕ ಐಪಿಎಲ್​ನ ಮೊದಲ ಶತಕ.

ಎಬಿ ಡಿವಿಲಿಯರ್ಸ್​: ಬೆಂಗಳೂರು ಪರ ಆಟಆಡಿದ ಎಬಿಡಿ, 2016 ರಲ್ಲಿ ಗುಜರಾತ್ ಲಯನ್ಸ್ ವಿರುದ್ದ 52 ಎಸೆತಗಳಲ್ಲಿ 129 ರನ್​ ಗಳಿಸಿದ್ದರು. ಈ ವೇಳೆ ಎಬಿಡಿ 12 ಸಿಕ್ಸ್​ಗಳನ್ನು ಬಾರಿಸಿದ್ದರು.

ಆಂಡ್ರೆ ರಸೆಲ್: ಸಿಎಸ್​ಕೆ ವಿರುದ್ದ 2018 ರಲ್ಲಿ ರಸೆಲ್ 48 ಎಸೆತಗಳಲ್ಲಿ 114 ರನ್​ ಬಾರಿಸಿದ್ದರು. ಈ ವೇಳೆ ರಸೆಲ್ ಬ್ಯಾಟ್​ನಿಂದ 11 ಸಿಕ್ಸ​ಗಳು ಹಾರಿದ್ದವು.

ಸನತ್ ಜಯಸೂರ್ಯ: 2008 ರಲ್ಲಿ ಜಯಸೂರ್ಯ ಚೆನ್ನೈ ತಂಡದ ವಿರುದ್ದ 48 ಬೌಲ್​ಗಳಲ್ಲಿ 114 ರನ್ ಬಾರಿಸಿದ್ದರು. ಈ ವೇಳೆ 11 ಸಿಕ್ಸರ್ ಸಿಡಿಸಿದ್ದರು.

ಮುರಳಿ ವಿಜಯ್: ಚೆನ್ನೈ ತಂಡದ ಓಪನರ್​ ಆಗಿದ್ದ ಮುರಳಿ ವಿಜಯ್ 2010 ರಲ್ಲಿ ರಾಜಸ್ಥಾನ್ ವಿರುದ್ದ 11 ಸಿಕ್ಸ್​ ಸಿಡಿಸುವ ಮೂಲಕ 127 ರನ್​ ಬಾರಿಸಿದ್ದರು.

ಕೀರನ್ ಪೊಲಾರ್ಡ್:​ ಪಂಜಾಬ್ ಕಿಂಗ್ಸ್​ ವಿರುದ್ದದ ಪಂದ್ಯದಲ್ಲಿ 2019 ರಲ್ಲಿ ಪೊಲಾರ್ಡ್ 10 ಸಿಕ್ಸ್ ಸಿಡಿಸುವ ಮೂಲಕ ಕೇವಲ 31 ಎಸೆತಗಳಲ್ಲಿ 83 ರನ್​ ಬಾರಿಸಿದ್ದರು.