IPL 2022 KKR: ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡಕ್ಕೆ ಬಿಗ್ ಶಾಕ್, ಸ್ಟಾರ್ ಆಲ್​ರೌಂಡರ್ ಟೂರ್ನಿಯಿಂದ ಔಟ್

IPL 2022 ಸೀಸನ್ ಲೀಗ್ ಹಂತವು ಇನ್ನೇನು ಅಂತಿಮಘಟ್ಟ ತಲುಪಿದೆ. ಈಗಾಗಲೇ ಪ್ರತಿ ತಂಡವು ಸುಮಾರು 12 ಪಂದ್ಯಗಳನ್ನು ಆಡಿದ್ದು, ಇನ್ನೊಂದು ವಾರದಲ್ಲಿ ಐಪಿಎಲ್ ಲೀಗ್ ಹಂತವನ್ನೂ ಪೂರ್ಣಗೊಳಿಸಲಿದೆ.

ಇದರ ನಡುವೆ ಪ್ಲೇ ಆಫ್ ಗಳ ಮೇಲೆ ತೀವ್ರ ಸಸ್ಪೆನ್ಸ್ ಏರ್ಪಟ್ಟಿದೆ. ಮೊದಲ 4 ಸ್ಥಾನಗಳಲ್ಲಿ ಗುಜರಾತ್ ಮತ್ತು ಲಖನೌ ಪ್ಲೇ-ಆಫ್ ರೇಸ್‌ನಲ್ಲಿ ಮುಂದಿವೆ. ಉಳಿದ 2 ಸ್ಥಾನಗಳಿಗೆ ತೀವ್ರ ಪೈಪೋಟಿ ಏರ್ಪಟ್ಟಿದ್ದು, RCB, ರಾಜಸ್ಥಾನ, ದೆಹಲಿ, KKR ಮತ್ತು ಹೈದರಾಬಾದ್ ತಂಡಗಳ ನಡುವೆ ಸ್ಪರ್ಧೆ ಏರ್ಪಟ್ಟಿದೆ.

ಈ ಬಾರಿ ಎಲ್ಲಾ ಸ್ಟಾರ್ ಆಟಗಾರರು ಗಾಯದ ಸಮಸ್ಯೆಯಿಂದ ಐಪಿಎಲ್ ತೊರೆಯುತ್ತಿದ್ದಾರೆ. ಇದೀಗ ಆ ಪಟ್ಟಿಗೆ ಕೆಕೆಆರ್ ಸ್ಟಾರ್ ಆಲ್ ರೌಂಡರ್ ಸೇರಿಕೊಂಡಿದ್ದಾರೆ. KKR ಆಲ್‌ರೌಂಡರ್ ಪ್ಯಾಟ್ ಕಮ್ಮಿನ್ಸ್ ಸೊಂಟದ ಗಾಯದ ಕಾರಣದಿಂದಾಗಿ ಋತುವಿನ ಉಳಿದ ಪಂದ್ಯಗಳಿಂದ ದೂರುಳಿಯಲಿದ್ದಾರೆ.

ಇದುವರೆಗೆ ಐದು ಪಂದ್ಯಗಳನ್ನಾಡಿರುವ ಕಮ್ಮಿನ್ಸ್ 7 ವಿಕೆಟ್ ಪಡೆದು 63 ರನ್ ಗಳಿಸಿದ್ದಾರೆ. ಮುಂಬೈ ವಿರುದ್ಧದ ಪಂದ್ಯದಲ್ಲಿ 14 ಎಸೆತಗಳಲ್ಲಿ 56 ರನ್ ಗಳಿಸಿ ಐಪಿಎಲ್ ಇತಿಹಾಸದಲ್ಲೇ ಅತ್ಯಂತ ವೇಗದ ಅರ್ಧಶತಕ ಸಿಡಿಸಿ ಕೆಎಲ್ ರಾಹುಲ್ ಸರಿಸಮನಾದರು.

ಐಪಿಎಲ್ ಹರಾಜಿನಲ್ಲಿ ಕೆಕೆಆರ್ ಪ್ಯಾಟ್ ಕಮ್ಮಿನ್ಸ್ ಅವರನ್ನು 7.5 ಕೋಟಿ ರೂ ಗೆ ಖರೀದಿಸಿತ್ತು. ಆದರೆ ಇದೀಗ ಗಾಯದ ಸಮಸ್ಯೆಯಿಂದ ಕಮ್ಮಿನ್ಸ್ ಆಸ್ಟ್ರೇಲಿಯಾಕ್ಕೆ ಪ್ರಯಾಣ ಬೆಳೆಸಲಿದ್ದಾರೆ ಎಂದು ತಿಳಿದುಬಂದಿದೆ.