IPL 2022: ಐಪಿಎಲ್​ ನಲ್ಲಿಯೂ ವಿರಾಟ್ ದಾಖಲೆಗಳ ವೀರ, ಈ ದಾಖಲೆಯೂ ಕೊಹ್ಲಿ ಹೆಸರಿನಲ್ಲಿದೆ..!

ಸಚಿನ್ ತೆಂಡೂಲ್ಕರ್ ನಂತರ, ಕ್ರಿಕೆಟ್ ಇತಿಹಾಸದಲ್ಲಿ ಆ ಮಟ್ಟದಲ್ಲಿ ಸ್ಕೋರ್ ಮಾಡಿದ ಏಕೈಕ ಕ್ರಿಕೆಟಿಗ ವಿರಾಟ್ ಕೊಹ್ಲಿ. ಕೊಹ್ಲಿ ಆ ರೇಂಜ್ ನಲ್ಲಿ ರನ್ ಗಳಿಸುತ್ತಿದ್ದಾರೆ. ಸಚಿನ್ ನಂತರ ರನ್ ಮಷಿನ್ ಎಂದೇ ಖ್ಯಾತಿ ಪಡೆದಿರುವ ವಿರಾಟ್, ಸಚಿನ್ ದಾಖಲೆಗಳನ್ನು ಮುರಿಯುವ ಅವಕಾಶವಿದೆ ಎಂಬುದು ಅವರ ಅಭಿಮಾನಿಗಳು ಆಸೆಯಲ್ಲಿದ್ದಾರೆ,

ವಿರಾಟ್ ಕೊಹ್ಲಿ ಕೂಡ ಇಂಡಿಯನ್ ಪ್ರೀಮಿಯರ್ ಲೀಗ್ ನಲ್ಲಿ ತಮ್ಮ ಛಾಪು ಮೂಡಿಸುತ್ತಿದ್ದಾರೆ. ಅವರು ಈಗಾಗಲೇ 207 ಪಂದ್ಯಗಳಲ್ಲಿ 6,283 ರನ್ ಗಳಿಸಿದ್ದಾರೆ ಮತ್ತು ಲೀಗ್‌ನಲ್ಲಿ ಅತಿ ಹೆಚ್ಚು ಸ್ಕೋರ್ ಮಾಡಿದ ಆಟಗಾರರಾಗಿದ್ದಾರೆ. ಇದರಲ್ಲಿ 5 ಶತಕ ಹಾಗೂ 42 ಅರ್ಧಶತಕಗಳು ಸೇರಿವೆ. ಮತ್ತು 2016 ರ ಋತುವಿನಲ್ಲಿ, ಕೊಹ್ಲಿ ತಮ್ಮ ವಿಶ್ವರೂಪವನ್ನು ತೋರಿಸಿದರು. ಅವರು 16 ಪಂದ್ಯಗಳಲ್ಲಿ 973 ರನ್ ಗಳಿಸಿದರು ಮತ್ತು ಒಂದು ಋತುವಿನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ದಾಖಲೆ ಸಹ ಅವರ ಹೆಸರಲ್ಲಿದೆ.

ಐಪಿಎಲ್ 15ನೇ ಸೀಸನ್‌ಗೂ ಮುನ್ನ ವಿರಾಟ್ ಕೊಹ್ಲಿಯಿಂದ ಮತ್ತೊಂದು ದಾಖಲೆ ನಿರ್ಮಾಣವಾಗುತ್ತಿದೆ. ಅದೇ IPL ನಲ್ಲಿ ಅತಿ ಹೆಚ್ಚು 30 ಪ್ಲಸ್ ರನ್ ಗಳಿಸಿದ ಆಟಗಾರರ ಪಟ್ಟಿ. ಸದ್ಯ ಈ ಪಟ್ಟಿಯಲ್ಲಿ ವಿರಾಟ್ ಕೊಹ್ಲಿ ಅಗ್ರಸ್ಥಾನದಲ್ಲಿದ್ದಾರೆ. ಕೊಹ್ಲಿ ತಮ್ಮ ಐಪಿಎಲ್‌ನಲ್ಲಿ 44 ಬಾರಿ 30 ಅಥವಾ ಅದಕ್ಕಿಂತ ಹೆಚ್ಚು ರನ್ ಗಳಿಸಿದ್ದಾರೆ. ಆದರೆ ಈ ದಾಖಲೆ ಸನಿಹದಲ್ಲಿ ಮತ್ತೊಬ್ಬ ಭಾರತೀಯ ಆಟಗಾರನಿದ್ದಾನೆ.

ಚೆನ್ನೈ ಸೂಪರ್ ಕಿಂಗ್ಸ್ ಆಟಗಾರ ರಾಬಿನ್ ಉತ್ತಪ್ಪ ಕೂಡ ತಮ್ಮ ಐಪಿಎಲ್ ವೃತ್ತಿಜೀವನದಲ್ಲಿ 30 ಅಥವಾ ಅದಕ್ಕಿಂತ ಹೆಚ್ಚು ರನ್ ಗಳಿಸ ದಾಖಲೆ ಹೊಂದಿದ್ದಾರೆ. ಸದ್ಯ ಈ ದಾಖಲೆಯನ್ನು ವಿರಾಟ್ ಕೊಹ್ಲಿ ಮತ್ತು ಉತ್ತಪ್ಪ ಜಂಟಿಯಾಗಿ ಹೊಂದಿದ್ದಾರೆ.

ಆದರೆ, ಐಪಿಎಲ್ 15ನೇ ಸೀಸನ್ ಗೆ ಮುನ್ನ ವಿರಾಟ್ ಕೊಹ್ಲಿ ಹಾಗೂ ರಾಬಿನ್ ಉತ್ತಪ್ಪ ದಾಖಲೆಗಾಗಿ ಪೈಪೋಟಿ ನಡೆಸಲಿದ್ದಾರೆ. ಹೆಚ್ಚು 30-ಪ್ಲಸ್ ಸ್ಕೋರ್‌ಗಳ ದಾಖಲೆಯನ್ನು ಹೊಂದಿರುವವರು ಯಾರು ಎಂಬುದನ್ನು ಕಂಡುಹಿಡಿಯಲು ಋತುವಿನ ಅಂತ್ಯದವರೆಗೆ ಕಾಯಿರಿ.

ಆದರೆ, ಕೇವಲ ಕೊಹ್ಲಿ ಮತ್ತು ರಾಬಿನ್ ಉತ್ತಪ್ಪ ದಾಖಲೆಗಾಗಿ ಪೈಪೋಟಿ ನಡೆಸುತ್ತಿಲ್ಲ. ಟೀಂ ಇಂಡಿಯಾ ನಾಯಕ ರೋಹಿತ್ ಶರ್ಮಾ ಕೂಡ ದಾಖಲೆಯತ್ತ ಕಣ್ಣು ಹಾಯಿಸಿದ್ದಾರೆ. ಅವರು ತಮ್ಮ ಐಪಿಎಲ್ ವೃತ್ತಿಜೀವನದಲ್ಲಿ 39 ಬಾರಿ 30 ಅಥವಾ ಅದಕ್ಕಿಂತ ಹೆಚ್ಚು ರನ್ ಗಳಿಸಿದ್ದಾರೆ. ಇದರೊಂದಿಗೆ ರೋಹಿತ್ ಕೂಡ ಸೀಸನ್ ಮುಗಿಯುವ ಮುನ್ನ ತಮ್ಮ ಹೆಸರಿಗೆ ದಾಖಲೆ ಬರೆಯುವ ಸಾಧ್ಯತೆ ಇದೆ.

ಚೆನ್ನೈ ಸೂಪರ್ ಕಿಂಗ್ಸ್ ನಾಯಕ ಮಹೇಂದ್ರ ಸಿಂಗ್ ಧೋನಿ ಕೂಡ 30 ಪ್ಲಸ್ ಸಾಧನೆಯನ್ನು 30 ಬಾರಿ ಮಾಡಿದ್ದಾರೆ. ಇವರೊಂದಿಗೆ ಸುರೇಶ್ ರೈನಾ (37 ಬಾರಿ) ಮತ್ತು ಶಿಖರ್ ಧವನ್ (35 ಬಾರಿ) ಅಗ್ರ 6ರಲ್ಲಿದ್ದಾರೆ. ಆದರೆ, ಸುರೇಶ್ ರೈನಾ ಅವರನ್ನು ಯಾರೂ ಹರಾಜಿನಲ್ಲಿ ಖರೀದಿಸದ ಕಾರಣ ರೈನಾ ಈ ಋತುವಿನಲ್ಲಿ ಆಡುವುದಿಲ್ಲ.